Виусид 4,5 г № 1 пор.
Тауарлардың көрінісі фотосуретте көрсетілгеннен өзгеше болуы мүмкін

Виусид 4,5 г № 1 пор.

Қолжетімділігі
Тауар қолда жоқ
Үлгі
8470000216923
Елі
Испания
Өндіруші
Каталисис, С.Л.
  • Сипаттама

Сипаттама

Дәрілік затты медициналық қолдану жөніндегі нұсқаулық

ВИУСИД

Саудалық атауы

Виусид

Халықаралық патенттелмеген атауы

Жоқ

Дәрілік түрі

Ішке қабылдау үшін ерітінді дайындауға арналған 4,5 г ұнтақ

Құрамы

Бір пакеттің ішінде

белсенді заттар: 46,90 мг глицирризин қышқылы,

690 мг глюкозамин

720мг аргинин

393 мг глицин

43 мг аскорбин қышқылы

0,59 мг пиридоксингидрохлориді

2,2 мг кальций пантотенаты

0,068 мгфолий қышқылы

0,000395 мг цианокобаламин

704 мг алма қышқылы

5 мг мырыш сульфаты,

қосымша заттар: мальтодекстрин (мальтитол), лимон хош иістендіргіші (Brasil 162 А), жалбыз хош иістендіргіші (R 200 AN) натрий метилпарабені (Е219), неогесперидин, гуар шайыры.

СипаттамасыӨзіне тән иісі бар сарғыш-ақ ұнтақ

Фармакотерапевтическая группа

Иммуномодуляторлар. Иммуностимуляторлар. Басқа да иммуностимуляторлар

АТХ коды L03AX

Фармакологиялық қасиеттері

Фармакокинетикасы

Препараттың әсері оның компоненттерінің бірлескен әрекеті болғандықтан кинетикалық бақылаулар жасау мүмкін емес.

Фармакодинамикасы

ВИУСИД-тің белсенді компоненттері кешені оның биологиялық және клиникалық тиімділігін қамтамасыз етеді.

Глицирризин қышқылы вирусқа қарсы, қабынуға қарсы, қышынуға қарсы және иммунмодуляциялаушы әсер етеді. Вирустардың in vitro және in vivo ДНҚ және РНҚ әртүрлі типтеріне әсер етеді (Varicella zoster; 1 және 2 типтегі Herpes simplex; адам папилломасы вирустарының әр түрлі типтері, оның ішінде онкогендік). Вирустардың репликациясын ерте кезеңінде үзеді, вирионның капсидтан шығуын тудырады, осылай оны жасушаға ендірмейді, бұл Р фосфорилдейтін киназды іріктеп дозаға тәуелді тежеуімен байланысты.

Вирустық циклдың әртүрлі фазасын өзгерте отырып, вирустың құрылымымен (ақуыздармен болуы мүмкін) өзара әрекеттеседі, бұл жасушадан тыс бос күйдегі вирус бөлшектерін қайтымсыз әсерсіздендірумен бірге жүреді. Белсенді вирус бөлшектерінің жасуша ішіне енуін бөгейді, вирустың жаңа вирус бөлшектерін синтездеу индукциясына қабілетін бұзады. Вирусқа қарсы әсер компоненттерінің бірі интерферонның түзілуін индуциялайды. Көрсетілген вирустарды қалыпты қызмет ететін жасушалар үшінуытты емес концентрацияда әсерсіздендіреді. Вирустардың ацикловир мен йодоуридинге төзімді мутанттық штаммдары мутанттық емес штаммдар сияқты Глицирризин қышқылына да сезімталдығы жоғары. Глицирризин қышқылының қабынуға қарсы белсенділігі иммунитеттің гуморальді және жасушалық факторларын көтермелеу әсерімен үйлеседі. Қабыну аумағында дәнекер тіндер жасушаларының кининдерді шығарып тастауына елеулі кедергі келтіреді.

Глюкозамин протеогликандардың биосинтезін көтермелейді, буындардың, омыртқа аралық дискілердің беткейлік шеміршегін қалпына келтіреді.

Глицин

Зат алмасуын реттейтін орталық нейромедиатор болып табылады; орталық жүйке жүйесіндегі қорғаныш тежелісі үдерісін белсенділендіреді және қалыпты етеді; психоэмоционалдық ширығуды азайтады, ой еңбегіне қабілетін жоғарылатады.

Глициннің глицин- және ГАМҚ-ергиялық, альфа1-адренобөгегіш, антиоксидантты, уыттқа қарсы әсерлері бар; глутаматты (NMDA) рецепторлар қызметін реттейді.

L-глицин (гликакол)-организм үшін маңызы зор заттарды: нуклеин қышқылын, глутатион, өт қышқылын және т.б. синтездеуге қатысады. Глицин гемоглобин молекуласындағы гемнің ізашары порфиринді, сондай-ақ нуклеин қышқылдарының маңызды элементтері-пуриндік негіздерді синтездеуде пайдаланылады. Глицин антирадиальді қорғаныс жүйесінде айрықша рөлі бар, құрамында глутатион күкірті бар зат- құрылымына енеді.

Глицин гиппур қышқылы құрамына ене отырып, уытсыздандыру реакцияларына, сондай-ақ өт қышқылы синтезіне қатысады (гликохолий қышқылы). Бұдан басқа қымыздық қышқылының биосинтезі үдерістерінде глициннің маңызды орны бар.

Гликогенді глюкозаға метаболиздейтін глюкагоннің босап шығуын көтермелейді.

Аргинин азот тотығының медиаторы, жүрек қан тамырлары, ми, шеткері қан тамырлары эндотелийлерін босаңсытатын фактор болып табылады, оның әсеріжүрек қызметін жақсартуымен, диастолалық қысымды төмендетуімен, әртүрлі организмдерде микроциркуляцияны жақсартуымен білінеді. Психикалық зейін қоюға ықпал етеді, қысқа мерзімдік жадының қалыптасу үдерісін жақсартады. Т-жасушаларды белсендіру нәтижесінде иммунитетті көтермелейді.

Аскорбин қышқылы – суда еритін витамин, тотығу-тотықсыздану үдерістерін реттеуде, көмірсулар алмасуында, қан ұюында, тіндер регенерациясында маңызды рөлі бар, организмнің қарсы тұру қабілетін жоғарылатуға ықпал етеді.

Аскорбин қышқылы организмдегі бос радикалдардыңжәне басқа да оксиданттардың зиянды әсерінен қорғайтын жүйенің бір бөлігі болып табылады, сондай-ақ қабыну үдерістерінде және лейкоциттер әсерінің механизмінде маңызды рөлі бар.

Аскорбин қышқылы коллаген талшықтарымен қатар капиллярлар қабырғасының беріктігін қамтамасыз ететін жасушаішілік мукополисахаридтер синтезі үдерісіне қатысады.

Пиридоксин гидрохлориді суда еритін витаминдер тобына жатады (В6 витамині).

В6 витамині тапшылығының орнын толтырады, аминқышқылдары мен нейромедиаторлар алмасуына реттегіш әсер етеді.

Пиридоксин бұлшық еттерде (оның ішінде миокардта да) гликоген ыдырау үдерісін белсенділендіреді және гипоксияда энергетикалық алмасуды оңтайландырады. Триптофаннан никотин қышқылының (РР витамині) синтезделуін қамтамасыз етеді.

Глутамин қышқылының, метионин, цистеиннің алмасуын реттейді.

Пиридоксин жүйке жүйесінде нейромедиаторлар: норадреналин, дофамин, глицин, ГАМҚ және серотонин синтезіне қатысады. Бұл жерде ол көрсетілген медиаторлардың теңгерімін тежегіш медиаторлар –ГАМҚ, глицин, сондай-ақ серотонин басымдылығы жағына қарай өзгертеді.

Гемоглобиндегі гемнің синтезін көтермелейді, сүйек кемігінің (сидерофилиннің) темір байланыстырушы ақуызының синтезін ұлғайтады, В12 витамині менфолий қышқылының алмасуын реттейді.

Фолий қышқылы организмде кофермент болып табылатын, метаболизмдік үдерістерге қатысатын тетрагидрофолий қышқылына дейін қалпына келеді. Қан жасушаларының дұрыс түзілуі үшін, мегалобластар пісіп-жетілуі үдерісін қоса алғандағы және олардың нормобласталарға трансформациялануы үшін қажет.

Пуриндік және пиримидиндік негіздерді, ДНҚ мен РНҚ синтездеуге, ақуыздар мен аминқышқылдардың (метионин, серин) синтезіне, холин алмасуына қатысатын ферменттер кофакторы болып табылады.

Фолий қышқылының жасушалар бөлінісі үдерісінде маңызы зор, бұл белсенді бөлініп және нақтыланатын тіндер үшін аса маңызды; ақуыздық топтар мен гемоглобин және миоглобиндегі гемнің бірігуіне ықпал етеді.

Қорыта келгенде, барлық ағзалар мен тіндердегі пластикалық және регенерациялық үдерістерді, эритро-, лейко- және тромбоцитопоэзды көтермелейді.

Фолий қышқылының жеткіліксіздігі қан түзілуінің мегалобластты фазасының нормобластты фазаға өтуін тежейді және мегалобластты анемияға (эритроциттер көлемінің ұлғаюы) алып келеді.

Цианокобаламин метаболизмдік, гемопоэздік әсер көрсетеді. Организмде (көбіне бауырда) коэнзимдік формаға – аденозилкобаламинге немесе цианокобаламиннің белсенді формасы болып табылатын кобамамидке айналады және көптеген ферменттер құрамына, оның ішінде фолий қышқылын тетрагидрофолий қалпына қайта келтіретін редуктазалар құрамына кіреді.

Кобамамид метильдік және басқа да бір көміртекті фрагменттерді тасымалдауға қатысады, сондықтан ол метильдік топтың донорлары- креатин, метионин, дезоксирибозалар мен ДНҚ түзілуі үшін, холин – липотропты фактор синтезіне, метилмалон қышқылына айналу үшін миелин құрамына кіретін жантар қышқылына, пропион қышқылының жойылуы үшін қажет. Қалыпты қан түзілуі үшін қажет - эритроциттердің пісіп-жетілуіне ықпал етеді. Қанның ұйытатын жүйесін белсенділендіреді, жоғары дозаларында тромбопластикалық белсенділігі жоғарылауын және протромбин белсенділігін тудырады. Қандағы холестерин концентрациясын төмендетеді. Бауыр функциясы мен жүйке жүйесіне жағымды әсер етеді. Тіндердің регенерацияға қабілетін жоғарылатады.

Мырыш сульфаты нуклеин қышқылының, ақуыздардың синтезін, тіндер регенерациясын көтермелейді, дене салмағының артуына ықпал етеді. Мырыш инсулиннің қызметіне, жыныс бездері гормондары үшін қажет, гистаминнің жуан жасушалардан босануын шектей отырып, жасушалық жарғақша тұрақтылығын демейді. Ол бос радикалдардың реакцияларын шектейді, жасушалық жарғақша зақымдануын болдырмайды. Мырыш лимфоидты тіндердің, сілтілік фосфатазалардың, карбоксипептидазаның, алкогольдегидрогеназалардың қалыпты белсенділігі үшін қажет.

Мырыш инфекциялы ауруларға төзімділікті жоғарылатады, жарақаттың тез жазылуына ықпал етеді, өсуді тездетеді, жұмысқа қабілетті арттырады, еске сақтау қабілетін жақсартады, шаштың түсуін болдырмайды.
Кальций пантотенаты

Пантотен қышқылының кальций тұзы ацетилденуде (Кребс циклінде), майлар, көмірсулар және аминқышқыл метаболизмінде шешуші рөл атқаратын коэнзим А құрамдас бөлігі болып табылады.

Алма қышқылы

Жантар және лимон қышқылдары сияқты организмнің барлық жасушаларымен синтезделеді. АТФ синтезі арқылы энергия түзілуін көтермелейтін және тотығу-тотықсыздану реакцияларына қатысатын тап осы маңызды метаболиттерді пайдалану организмнің глюкозаны анаэробты тотықтырудағыдан гөрі көбірек энергия алуына мүмкіндік береді.

Ересектер мен балалардың организм тіндерінде компенсаторлық - метаболизмдік реакцияларды қалыпқа келтіреді, митохондрияның тотықтырғыш функциясын белсенділендіреді.

Вирусқа қарсы қасиеттерге иеленген және айқын антиоксиданттық әсері бар.

Шаршағанда, ауқымды физикалық жүктемелерден кейін және гипоксиядан кейінгі жағдайда жүрек бұлшық еттерінің және басқа да организм жүйелерінің жұмыс істеу қабілетін қалпына келтіреді, гипотонияда артериялық қысымды аз уақытта (10-20 мин кейін) қалпына келтіруге мүмкіндік береді.

Алкоголь мен есірткілердің уытты әсерін азайтады.

Қолданылуы

Кешенді ем құрамында:

- А, В, С гепатитінде

- герпестік инфекцияда (1 және 2 типтегі қарапайым герпес вирусы, адам папилломасы вирусы, Зостер герпесі)

- цитомегаловирусты инфекцияда

- астениялық хал-жағдайда

- АИТВ жұқтырған пациенттердегі оппортунистік инфекцияда

- тұмау және басқа да ЖРВИ

Қолдану тәсілі және дозалары

ВИУСИД ұнтағы қолданар алдында аз мөлшердегі суда (100 мл) ерітіледі:

Ересектерге

Келесі жедел вирусты инфекцияларды:цитомегаловирусты, қарапайым герпес вирусы, Зостер герпесі, папилломавирусты инфекцияны емдегенде күніне 2 рет 1 пакеттен 3 апта бойы қабылдау ұсынылады.

Жедел вирусты А, В, С гепатитте– күніне 2 рет 1 пакеттен 4 апта бойы, содан соң күніне 1-2 пакеттен аптасына 3 рет, ұзақ (3 ай)

Гепатиттің созылмалы формасында – күніне 1-2 пакеттен 2-3 ай бойы.

Астениялық жай-күйлерде күніне 2 рет 1 пакеттен 2-3 апта бойы.

АИТВ жұқтырған пациенттердегі оппортунистік инфекцияда - күніне 2 рет 1 пакеттен 1-2 ай бойы, содан соң демеуші дозада күніне 1-2 пакеттен аптасына 3 рет ұзақ уақыт бойы.

Тұмау, ЖРВИ емдеу және профилактика үшін –күніне 2 пакеттен 7-10 күндей.

Аллергиялық реакцияларды болдырмау үшінемдеу курсын бастағанға дейін сыналатын ең төменгі доза тағайындау керек (¼ пакеттен күніне 2 рет 2-3 күн бойы).

Балаларға

Балалардың вирустық инфекцияларында және ЖРВИ: 0 бастап 3 жасқа дейін -1/4 пакет күніне 3 рет; 3-7 жастан бастап – 1/3 пакет күніне 3 рет; 7-12 жастан бастап – ½ пакет күніне 3 рет.

Жағымсыз әсері

- тері бөртпесі түріндегі аллергиялық реакциялар

- бауыр трансаминазалары (АСТ, АЛТ) белсенділігінің жоғарылауы.

Қолдануға болмайтын жағдайлар

- препарат компоненттеріне жоғары сезімталдықта

- созылмалы гепатитте (ең жоғары белсенділік)

Дәрілермен өзара әрекеттесуі

ВИУСИД-ты В (В6, В12) тобының витаминдері, фолий қышқылы, А,С витаминдері, глицин, кальций пантотенаты, эссенциале және басқа да ВИУСИД құрамына кіретін кешенді препараттармен бір уақытта қабылдау ұсынылмайды.

ά – интерферонымен, ацикловир, ганцикловир сияқты антиретровирусты препараттарменсинергиялық әсер етеді, вирусқа қарсы препараттардың жағымсыз әсерін төмендетеді.

ВИУСИД-ты глюкокортикостероидтармен бірге қолданғанда ВИУСИД дозасын азайту керек.

Айрықша нұсқаулар

Жүктілік және лактация

Жүктілік және лактация кезеңінде дәрігер кеңесінен кейін қабылдау керек.

Педиатрияда қолданылуы

Балаларға дәрігер тағайындауы бойынша қолдану керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік басқару қабілетіне және зейін қоюды талап ететін жұмыстарды орындауға әсер етпейді.

Артық дозалануы

Артық дозалануы туралы деректер мәлімделмеген.

Шығарылу түрі және қаптамасы

4,5 г препарат 3 қабатты: қағаз - алюминий фольга – полиэтилен материалдарынан жасалған пакеттерге салынады. 90 пакеттен медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

25ОС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Босатылу шарттары

Рецептісіз

Өндіруші

Каталисис, С.Л.

Макарена,14

28016, Мадрид-Испания.

Тіркеу куәлігінің иесі

Каталисис, С.Л.

Макарена,14

28016, Мадрид-Испания.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«ORAI» ЖШС

Мемлекеттік лицензия № ОР64602914Р 30.03.2002ж.

Қазақстан Республикасы, 050013, Алматы қ., «Керемет» ы/а 7 үй, 1- 42 кеңсе

телефон: +7(727) 2609832, 2609901; факс: +7(727) 2609832

www.orai.kz e-mail: info@orai.kz, orai@inbox.ru