Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
КЛИНДАБИОКС
Саудалық атауы
Клиндабиокс
Халықаралық патенттелмеген атауы
Клиндамицин
Дәрілік түрі
Қынаптық суппозиторийлер
Құрамы
Бір суппозиторийдің құрамында
белсенді зат: клиндамицин (клиндамицин фосфаты түрінде) 100 мг
қосымша заттар: қатты май
Сипаттамасы
Цилиндрконус пішінді, ақ немесе сарғыш реңді ақ түсті суппозиторий.
Фармакотерапиялық тобы
Гинекологиялық ауруларды емдеуге арналған антисептиктер мен микробқа қарсы препараттар. Бактерияға қарсы препараттар. Клиндамицин.
АТХ коды G01AА10
Фармакологиялық қасиеттері
Фармакокинетикасы
Қынап ішіне енгізген кезде жүйелік сіңуі 5% жуықты құрайды. Плацентарлық және гистологиялық бөгет арқылы жақсы өтеді; биологиялық сұйықтықтарға және тіндерге оңай енеді, ГЭК арқылы нашар өтеді (ми қабығы қабынғанда ГЭК өткізгіштігі артады). Клиндамициннің жоғары концентрациялары өттен табылады. Клиндамицин лейкоциттерге және макрофагтарға жиналады. Шарана ағзаларынан табылады. Ана сүтімен бірге секрецияланады. Бауырда күшті метаболизденіп, белсенді (N-диметилклиндамицин және клиндамицинсульфоксид) және белсенді емес метаболиттер түзеді. Жартылай шығарылу кезеңі1,5–3,5 сағатты құрайды, бүйректің ауыр сырқаттары бар пациенттерде артады.Дозаның 10%-ға жуығы несеппен бірге және 4% жуығы нәжіспен бірге шығарылады. Экскрециясы баяу, 7 күн бойы. Қаннан диализ арқылы жоғалмайды.
Фармакодинамикасы
Клиндамицин линкозамидтер тобының антибиотиктеріне жатады. Рибосомальді жарғақшаның 50S суббірлігімен байланысады және микроорганизмдерде ақуыздың синтезін тежейді.
Емдік дозалардабактериостатикалық әсер береді, жоғары дозалардасезімтал штамдарға бактерицидті түрде әсер етеді.
Көптеген аэробтық грамоң бактерияларға (Staphylococcus aureus, S.epidermidis, пенициллиназаны түзетін және түзбейтін, Streptococcus spp. (S. faecalis-ді қоспағанда) Bacillus anthracis, Corynebacterium diphtheriae, Pneumococci); анаэробтық грамтеріс бактерияларға (Bacteroides spp.,B.fragilis және B.melaninogenicus топтарын қоса есептегенде, Fusobacterium spp. (F.varium-ді қоспағанда), Veillonella); анаэробтық грамоң спора түзбейтін бактерияларға (Propionibacterium, Eubacterium); анаэробтық және микроаэрофильді грамоң кокктарға (Peptococcus spp., Peptostreptococcus spp.) белсенді. Клиндамицинге кейбір Actinomyces spp. және Nocardia asteroides штамдары сезімтал. Клиндамицин Chlamydia trachomatis-ге, көптеген Clostridium perfringens және Clostridium tetani штамдарына да белсенді.
Препаратқа Trichomonas vaginalis, Candida albicans төзімді.
Клиндамицин мен линкомицин арасында айқаспалы төзімділіктің бар екендігі дәлелденген. Клиндамицин мен эритромицин арасында антагонизмнің болуы in vitro көрсетілген. Бұл өзара әрекеттесудің клиникалық мәнділігі белгісіз.
Қолданылуы
Препаратқа сезімтал микроорганизмдер туындатқан бактериялық вагинозда.
Қолдану тәсілі және дозалары
Қынап ішіне.
Суппозиторий үлбірін пішіні бойымен алдын ала кесіп, пішінді қаптамадан босатып алады да, шалқадан жатып, қынап ішіне мүмкіндігінше терең етіп енгізеді.
Тәулігіне 1 рет бір суппозиторийден 3-7 күн қатарынан ұйықтар алдында енгізеді.
Жағымсыз әсерлері
Сирек
Қолдануға болмайтын жағдайлар
- клиндамицинге, линкомицинге немесе препараттың басқа компоненттеріне аса жоғары сезімталдық
- миастения
- анамнездегі антибиотиктер қабылдаумен астасқан колит
- бауыр мен бүйрек функциясының айқын бұзылулары
- жүктілік (I триместр), лактация кезеңі
Дәрілермен өзара әреекттесуі
Рифампицин препараттарының, аминогликозидтер – стрептомициннің, гентамициннің әсерлерін күшейтеді, бұлшықеттердің н-холинблокаторлардан болған босаңсуын ұлғайтады.
Эритромицинмен, ампициллинмен, дифенилгидантоинмен, барбитураттармен, аминофиллинмен, кальций глюконатымен және магний сульфатымен үйлеспейді.
Айрықша нұсқаулар
Клиндабиоксті қынап ішіне қолдану сезімтал емесмикроорганизмдердің, әсіресе ашытқы тәрізді зеңдердің өсуінің күшеюіне әкелуі мүмкін.
Клиндабиоксті қолдану, басқа да бактериялық дәрілердегі сияқты диареяны, ал кейбір жағдайларда– жалған жарғақшалы колитті туындатуы, ол орташа да, өмірге қауіп төндіретін де болуы мүмкін. Осыған байланысты айқын немесе ұзақ диареяны емдеу аясында препаратты тоқтату керек және қажет болғанда диагностикалық және емдік іс-шараларды жүргізу қажет.
Пациент әйел клиндабиокс қынаптық суппозиторийлерін қолдану кезінде, сондай-ақ қынап ішіне енгізуге арналған бұйымдардың басқа түрлерін (мысалы, тампондар, бүркіп шаю) пайдаланғанда жыныстық қатынастан тартына тұру керек.
Қынаптық суппозиторийлер түрінде клиндабиокс құрамында латекс немесе каучуктен жасалған бұйымдардың (мүшеқаптар, ұрықтануға қарсы қынаптық диафрагмалар) беріктігін азайтуы мүмкін компоненттер болады. Сондықтан мұндай бұйымдарды клиндабиокспен емдеу кезінде қынаптық суппозиторийлер түрінде пайдалану ұсынылмайды.
Балаларда қолдану
Бала жасындағы пациенттерде препараттың қауіптілігі мен тиімділігі анықталмаған.
Жүктілік және бала емізу
Клиндабиокс плацента арқылы шарананың қан ағымы жүйесіне өтеді. Емшек сүтімен бірге бөлініп шығады. Клиндабиокс жүктіліктің II және III триместрлерінде қынап ішіне, оның ана үшін болжанған пайдасы шарана үшін қаупінен басым болған жағдайда ғана, қолданылуы мүмкін.
Дәрілік заттың көлікті немесе қауіптілігі зор механизмдерді басқару қабілетіне әсер ету ерекшеліктері
Препарат көлік жүргізушілердің және ерекше зейін қоюды талап ететін құрылғылармен қызмет көрсететін адамдардың реакция шапшаңдығынаықпалын тигізбейді.
Артық дозалануы
Препараттың сіңуінің төмен болуына байланысты, артық дозалану ықтималдығы аз.
Шығарылу түрі және қаптамасы
3 суппозиторийден полиэтилинмен ламинацияланған поливинилхлоридті үлбірден жасалған пішінді ұяшықты қаптамада.
1 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.
Сақтау шарттары
Құрғақ, жарықтан қорғалған жерде, 25 oC-ден аспайтын температурада сақтау керек.
Мұздатып қатыруға болмайды.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
ФАРМАПРИМ ЖШҚ
Кринилор к-сі, 5, Порумбень а., Криулень ауд., Молдова Республикасы,
MD-4829
Тіркеу куәлігінің иесі
ФАРМАПРИМ ЖШҚ, МолдоваРеспубликасы
Қазақстан Республикасы аумағында тұтынушылардан өнім(тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
«ФАРМАПРИМ СРЛ» фирмасының Қазақстан Республикасындағы өкілдігі, Алматы қ., Гоголь к-сі, 86, 528 кеңсе, тел. 8-727-2796518, tatiana.abdulkhairova@farmaprim.md