Кортексин 10 мг № 10 лиофилизат д/пригот р-ра

Сипаттама

Дәрілік затты медициналық қолдану

жөніндегі нұсқаулық

КОРТЕКСИН^®

Саудалық атауы

Кортексин^®

Халықаралық патенттелмеген атауы

Жоқ

Дәрілік түрі

Бұлшықет ішіне енгізу үшін ерітінді дайындауға арналған лиофилизат

10 мг

Құрамы

белсенді зат – 10 мг кортексин (Кортексин^®құрғақ экстрактіден бөлініп алынған молекулалық салмағы 10 000 Да аспайтын суда еритін полипептидтік фракциялар кешені),

қосымша зат – глицин.

Сипаттамасы

Ақ түсті немесе сарғыш реңді ақ түсті лиофилизацияланған ұнтақ немесе кеуекті масса.

Фармакотерапиялық тобы

Жүйке жүйесі. Психоаналептиктер. Зейін тапшылығы және аса жоғары белсенділік кезінде қолданылатын психостимуляторлар (ADHD) және ноотропты дәрілер. Басқа психостимуляциялаушы және ноотропты дәрілер.

АТХ коды N06ВХ

Фармакологиялық қасиеттері

Фармакокинетикасы

Әсер етуші заты полипептидтік фракциялар кешені болып табылатын КОРТЕКСИН^Ò құрамы жекелеген компоненттерге әдеттегідей фармакокинетикалық талдау жасауға мүмкіндік бермейді.

Фармакодинамикасы

КОРТЕКСИН^Ò құрамында гематоэнцефалдық бөгет арқылы тікелей жүйке жасушаларына енетін төмен молекулалы суда еритін полипептидтік фракциялар бар. Препарат ноотропты, нейропротекторлы, антиоксидантты әсер етедіжәне тінге спецификалық әсері бар.

Ноотропты – мидың жоғары функциясын, үйрену және есте сақтау үдерістерін, зейін қоюды, әртүрлі күйзелістер әсері кезінде төзімділікті жақсартады.

Нейропротекторлы – нейрондарды әртүрлі эндогенді нейроуытты факторлардан (глутамат, кальций иондары, бос радикалдар) зақымданудан қорғайды, психотропты заттардың уытты әсерін азайтады.

Антиоксиданттар – нейрондарда липидтердің асқын тотығуын тежейді, оксидативті күйзеліс және гипоксия жағдайларында нейрондардыңсау қалуын арттырады.

Тінге спецификалық әсері – орталық және шеткері жүйке жүйесінейрондарының метаболизмін, репарациялық үдерістерді белсенді етеді, ми қыртысы функциясыныңжәне жүйке жүйесінің жалпы тонусының жақсаруына мүмкіндік береді.

КОРТЕКСИН^Ò әсер ету механизмі нейрондар пептидінің және мидың нейротрофикалық факторларының белсенділенуімен; қоздырғыш және тежегіш амин қышқылдарының, дофаминнің, серотониннің метаболизмі тепе-теңдігінің оңтайландырумен; ГАМҚергиялық әсермен; оның биоэлектрлік белсенділігін жақсартатын қабілетімен мидың пароксизмальді құрысу белсенділігі деңгейінің төмендеуімен; бос радикалдардың (липидтердің асқын тотығу өнімдері) түзілуіне жол бермеумен жүзеге асырылады.

Қолданылуы

Кешенді ем құрамында:

– ми қан айналымының бұзылуы

– бассүйек-ми жарақатында және оның зардаптары

– генезі алуан түрлі энцефалопатиялар

– когнитивті бұзылулар (жадының және ойлаудың бұзылуы)

– жедел ағымды және созылмалы энцефалиттер жәнеэнцефаломиелиттер

– эпилепсия

– астениялық жағдайлар (сегментүстілік вегетативті бұзылулар)

– үйрену қабілетінің төмендеуі

– балаларда психомоторлық даму және сөйлеу дамуының кідіруі

– балалардың церебральді салдануының әртүрінде

КОРТЕКСИН^® тек дәрігердің тағайындауымен ғана қолданылуы керек!

Қолдану тәсілі және дозалары

Препаратты бұлшықет ішіне енгізеді.

Инъекция жасар алдында құтының ішіндегісін 1 мл 0,5% прокаин (новокаин) ерітіндісінде, инъекцияға арналған суда немесе0,9% натрий хлориді ерітіндісінде (көбік түзілуін болдырмас үшін инені құты жақтауына қарай бағыттап) ерітеді және күн сайын бір реттен енгізеді: ересектерге 10 мг дозада 10 күн бойы; балаларға жаңа туған кезінен бастап, дене салмағы 20 кг-ге дейін болғанда дене салмағының әр кг шаққанда 0,5 мг дозада, дене салмағы 20 кг-ден астам болғанда –10 мг дозада 10 күн бойы.

Қажет болған кезде курсты 3–6 айдан кейін қайталайды.

Ересектерге арналған ең жоғары бір реттік және тәуліктік доза – 10 мг, дене салмағы 20 кг дейінгі балаларға – 0,5 мг/кг, дене салмағы 20 кг асатындарға – 10 мг.

Инъекцияны өткізіп алған жағдайда екі есе дозаны енгізуге болмайды, келесі инъекцияны әдеттегідей белгіленген күні жасау керек.

Жағымсыз әсерлері

Өте сирек жағдайларда (0,01 % аздау немесе 1:10 000) аса жоғары сезімталдық реакциялары туындауы мүмкін, оның мынадай клиникалық көрістері болуы мүмкін: анафилаксия реакциялары (анафилаксиялық шок, көмейдің ангионевроздық ісінуі), тері бөртпесі, терінің қышынуы, тері гиперемиясы, енгізген орындағы гиперемия.

Өте сирек жағдайлдарда (0,01 % аздау немесе 1:10 000) препараттың жүйке жүйесіне қоздырғыш әсері байқалған, ол мынадай симптомдармен байқалуы мүмкін: психомоторлық қозу, қозғалыс үйлесімінің бұзылуы, ұйқысыздық, үрейді сезіну, тахикардия (жүректің жиырылу жиілігінің артуы).

Қолдануға болмайтын жағдайлар

- препаратты жекелей көтере алмаушылық

- жүктілік және лактация кезеңі

Дәрілермен өзара әрекеттесуі

Препараттың дәрілермен өзара әрекеттесуі сипатталмаған.

Айрықша нұсқаулар

0,5 % прокаин (новокаин) ерітіндісін КОРТЕКСИН^® препаратына ерітінді ретінде қолданғанда прокаинды (новокаин) қолдану жөніндегі нұсқаулықта көрсетілген қолдануға болмайтын жағдайлары, сақтық шаралары және жасына байланысты шектелуіне қатысты тиісті ақпараттарды ұстану керек.

Жергілікті анестетик Лидокаинді КОРТЕКСИН^® дәрілік препаратының ерітіндісін дайындауға арналған еріткіш ретінде қолдану ұсынылмайды.

Ерітілген дәрілік препаратымен құтыны сақтауға және сақталғаннан кейін пайдалануға болмайды.

КОРТЕКСИН^® препаратының ерітіндісін басқа ерітінділермен араластыруға болмайды.

Дәрілік препараттың бірінші қабылдауында немесе оны тоқтатқаннан кейін әсер ету ерекшеліктері жоқ.

Қолданылмаған дәрілік препараттарды жою үшін арнайы шаралар талап етілмейді.

Жүктілік және лактация кезеңі

Жүктілік кезеңінде препарат қарсы көрсетілімде (клиникалық зерттеулер деректері жоқ болғандықтан). Лактация кезеңінде препаратты қолдану қажет болғанда емшек емізуді (клиникалық зерттеулер деректері жоқ болғандықтан) тоқтату керек.

Дәрілік препараттың көлікті немесе қауіптілігі зор механизмдерді басқару қабілетіне әсер ету ерекшеліктері

Қоздырушы әсердің симптомдары туындаған жағдайда препарат ерекше назар аударуды және жылдам реакцияларды талап ететін ықтимал қауіпті қызмет түрлерін (автокөлікті басқару, қозғалмалы механизмдермен жұмыс істеу) орындауға әсер етуі мүмкін.

Артық дозалануы

Қазіргі таңда препараттың артық дозалану жағдайлары жөнінде мәліметтер жоқ.

Шығарылу түрі және қаптамасы

22 мг лиофилизаттан сыйымдылығы 5 мл ISO 8362-1:2009 бойынша түссіз шыныдан жасалған құтыларда; МемСТ Р ИСО 8871-5-2010 медициналық резеңке тығынмен немесе ISO 8362-5:2008 сәйкес тығынмен тығындалған, МемСТ Р 51314-99 немесе I ISO 8362-6:2010 немесе SO 8362-7:2006 бойынша қызғылт сары түсті үзілмелі пластикалық жапсырмасы бар алюминий қалпақшамен қаусырылған, «ГЕРОФАРМ» бедерленіп жазылған. Құтыға ССТ 29.1-2001 бойынша өздігінен жапсырылатын заттаңба жапсырылады.

5 құтыдан МемСТ 25250-88 немесе ТУ РБ 00916408.002-94 бойынша ПЭТФ полиэтилентерефталатты маркасы немесе ТУ 2255-001-90190458-2011 бойынша АПЭТ маркалы поливинилхлоридті үлбірден және МемСТ 745-2014 бойынша алюминий фольгадан жасалған пішінді ұяшықты қаптамада. 2 пішінді ұяшықты қаптамадан қазақ және орыс тіліндегі медициналық қолдану жөніндегі нұсқалықпен бірге картоннан жасалған импорттық қорапшаға салынған.

Топтық қаптама мен тасымалдаушы ыдыс МемСТ 17768-90 сәйкес.

Сақтау шарттары

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«ГЕРОФАРМ» ЖШҚ, Ресей

191119, Санкт-Петербург, Звенигородская к-сі, 9 үй

Тел. (812) 703-79-75 (көп каналдық), факс (812) 703-79-76

Тіркеу куәлігінің ұстаушысы

«ГЕРОФАРМ» ЖШҚ, Ресей

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ГЕРОФАРМ» ЖШҚ Қазақстан Республикасындағы өкілдігі

Алматы қ., Тимирязев к-сі, 42 үй, 15/108-109 павильон, 339 кеңсе

Тел. 8 (727) 334-15-70

Қалалар