Верона № 20 капс

Сипаттама

Дәрілік затты медициналық қолдану

жөніндегі нұсқаулық

Верона

Саудалық атауы

Верона

Халықаралық патенттелмеген атауы

Жоқ

Дәрілік түрі

Капсулалар

Құрамы

Бір капсуланың құрамында

белсенді заттар:

жатаған тамыртікен жемісінің қою экстрактісі300.0 мг

қысқы шие тамырының қою экстрактісі100.0 мг

әдемі аргирея тұқымының қою экстрактісі60.0 мг

күйдіретін мукуна тұқымының қою экстрактісі 25.0 мг

қосымша зат: тальк

капсула қабығының құрамы: желатин, су, титанның қостотығы (Е171), қызыл хош иісті бояғыш (Е 129), № 1 FD&C бриллиантты көк бояғыш (Е 133), хинолинді сары бояғыш №10 (Е 104), метилпарагидроксибензоат, пропилпарагидроксибензоат, натрий лаурилсульфаты

Сипаттамасы

Корпусы мен қақпағы қызыл түсті, корпусы мен қақпағына «Верона» деп басып жазылған, № 0 өлшемді қатты желатинді капсулалар. Капсуланың ішінде – өзіне тән хош иісі бар қоңыр түсті аморфты ұнтақ.

Фармакотерапиялық тобы

Урологиялық ауруларды емдеуге арналған препараттар. Эрекцияның бұзылуын емдеуге арналған препараттар. Эрекция бұзылғанда қолданылатын біріктірілген препараттар.

АТХ коды GO4BE30

Фармакологиялық қасиеттері

Фармакокинетикасы

Препараттың әсері оның компоненттерінің бірлескен әсері болып табылады,компоненттердің барлығы бірге маркерлер немесе биологиялық зерттеулер көмегімен бақылануы мүмкін емес, сондықтан кинетикалық байқаулар жүргізу мүмкіндігі жоқ. Фармокинетикасын зерттеу тек жекелеген биобелсенді компоненттерге ғана жүргізілген.

Фармакодинамикасы

ВЕРОНА – еркектердің сексуалдық аясындағы функционалдық бұзылуларды, сондай-ақ ерлер мен әйелдер бедеулігін емдеуге арналған құрылымы гормональді емес кешенді фитопрепарат.

Жатаған тамыртікен құрамында стероидты сапониндер бар. Эндогенді тестостерон қалыптастыруды ұлғайту жолымен сперматогенезді көтермелейді, лютеиндеуші гормонның шығарылуын көтермелей отырып, Сертоли жасушалары мөлшерін арттырады. Ұрпақты болу функциясының қалпына келуіне, шәуһет көлемінің артуына және тұтқырлығы төмендеуіне ықпал етеді. Жыныстық құштарлықты жоғарылатады және эректильді функцияны жақсартады. Мезгілсіз ерте эякуляцияны болдырмайды. Тамыртікен сондай-ақ эстроген гормоны түзілуінің көтермеленуіне және артуына ықпал етеді, ол әйелдерде жыныстық құштарлықты жоғарылатады, овуляцияға жеңіл көтермелеуші әсері бар, сонысымен ұрпақты болу функциясын қалпына келтіреді. Жалпы көңіл-күйді жақсартады, шаршағыштықты, ашушаңдықты азайтады, дене және ақыл-ой жұмыстарына қабілеттілікті арттырады, зат алмасуды қалпына түсіреді.

Қысқы шие құрамында алкалоидтар (сомниферин, визанин, сомнин, анагигрин, тропин); амин қышқылдары (тирозин, холин, аланин, пролин, цистин, триптофан); флавоноидтар; гликозидтер бар. Жалпы сергітетін,иммуномодуляциялайтын, антиоксидантты әсері бар.Қуық асты безі мен ұрық қалтасы қызметінынталандырады. Эрекцияны жоғарылатады. Көңіл-күйді жақсартады.

Әдемі аргирея құрамында майлы май, шайыр, танин бар. Жалпы нығайтатын әсер береді, организмнің уақытынан ерте қартаю үдерісін баяулатады. Адаптогенді, сергітетін және диурездік әсерге ие.

Күйдіретін мукуна құрамында алкалоидтар (мукадин, мукадинин, пуридин); гликозидтер, минералдар, майлы қышқылдар бар. Жыныс функциясын реттеуге (бастапқы жағдайына байланысты сергітетін немесе тыныштандыратын) әсер етеді. Айқын жалпы сергіткіш қасиеттері бар.Либидоның жоғарылауына ықпал етеді. Жыныс функциясын реттеуге (бастапқы жағдайына байланысты сергітетін немесе тыныштандыратын) әсер етеді.

Верона – жыныстық белсенділікті биологиялық көтермелейтін және жалпы нығайтатынәсері бар өсімдік тектес препарат.

Бедеулікте -Верона сперматогенезді организмнің гормондық теңгерімін бұзбастан, фолликуластимуляциялаушы гормонды, тестостерон мен лютеиндеуші гормонды (жанамалы түрдесперматозоидтардың түзілуі мен жетілуін көтермелейтін) физиологиялық деңгейге дейін арттыру жолымен көтермелейді. Ұрпақты болуды қалпына келтіретін және ретке келтіретін әсер етеді (шәуһат көлемінің артуына, сперматозоидтар концентрациясы мен қозғалғыштығының жоғарылауына, олардың патологиялық түрлерінің мөлшерінің азаюына ықпал етеді).

Сексуалдық сферада функционалдық бұзылыстарда - препараттың әсерімен лютеиндеуші гормон деңгейі артады, ол тестостеронның түзілуін күшейтеді, соның салдарынан либидо менэрекцияның ұзақтығы артады. Астения-невроздық реакциялар айқындылығының төмендеуіне ықпал етеді, бұл жыныстық құштарлықтың күшеюіне, эрекция жиілігі, қарқындылығы мен ұзақтығының жоғарлауынаалып келеді. Адаптогенді, жалпы сергіткіш әсер етеді.

Қолданылуы

Сексуалдық аясының функционалдық бұзылуларында:

- еркектерде жыныстық құштарлық төмендегенде, эрекция әлсірегенде, уақытынан ерте эякуляцияда, созылмалы астениялық(нейровертеброгендік және психо-вегетативтік синдромдар) жағдайлар үдерісінде қалыптасқан сперматогенездің бұзылуында

- эректильді дисфункция, олиго – астеноспермияда.

Қолдану тәсілі және дозалары

Астения кезінде, либидо төмендегенде күніне 1-2 капсуладан 4-6 апта бойы

Соматикалық аурулар аясында еркектерде жыныстық сферасындағы функционалдық бұзылыстарында –2 капсула күніне 2 рет 8 апта бойы

Импотенция – 2 капсула күніне 2 рет 8 апта бойы

Олигоспермия- 2 капсула күніне 2 рет 8 апта бойы.

Капсуланы таңертеңгілік тамаққа дейін, кешке – ұйықтар алдында, ең дұрысы сүтпен ішіп, қабылдайды.

Жағымсыз әсерлері

- есекжем, терінің қышынуы және бөртпе түріндегі аллергиялық реакцияларболуы мүмкін. Веронапрепаратынқолдану кезіндеаллергиялық реакциялар дамыған кезде дәрігерге көріну керек.

Қолдануға болмайтын жағдайлар

- препарат компоненттеріне жеке жоғары сезімталдық

- 18 жасқа дейінгі балалар және жасөспірімдер

Дәрілермен өзара әрекеттесуі

Қазіргі уақытқа дейін Верона препаратының дәрілік өзара әрекеттесуі сипатталмаған. ОЖЖ басатын дәрілік заттармен, антидепрессанттармен, барбитураттармен, алкогольмен бірге қолданылмайды.

Айрықша нұсқаулар

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Әсер етпейді

Артық дозалануы

Анықталмаған

Шығарылу түрі және қаптамасы

20 немесе 60 капсуладан индукциялық дәнекерлеу арқылы дәнекерленген, тығыздығы жоғары полиэтиленнен жасалған құтыға салынған. Құтыға өзі жабысатын заттаңба жапсырылады. Капсулалар бар құтыға ылғал жұтатын қапшық салынады, бос кеңістік медициналық гигроскопиялық мақтамен толтырылады.

Құтыны қолдану жөніндегі мемлекеттік және орыс тілдеріндегі нұсқаулықпен бірге картон қорапқа салады.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханадан босатылу шарттары

Рецептісіз

Өндіруші

Хербион Пәкістан Пвт. Лтд.

30/28 Коранги өндірістік аймағы,

Карачи қ., Пәкістан

Тіркеу куәлігінің иесі

Хербион Пәкістан Пвт. Лтд., Пәкістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«Фармация Юниверсал» ЖШС

Алматы қ., Чаплин/Халиуллин к-сі 71/66

Тел: 234-48-53, 234-44-88

Факс: 234-41-77

Е-mail: info.kz@herbion.com

Қалалар