Тауарлардың көрінісі фотосуретте көрсетілгеннен өзгеше болуы мүмкін

Уролесан № 40 капс

3338
Қолжетімділігі
Сатылымда бар
Үлгі
4823004006030
Елі
Украина
Өндіруші
Киевмедпрепарат ОАО
  • Сипаттама
  • Дәріханалар

Сипаттама

Дәрілік заттың медициналық қолдану

жөніндегі нұсқаулық

УРОЛЕСАН®

Саудалық атауы

Уролесан®

Халықаралық патенттелмеген атауы

Жоқ

Дәрілік түрі

Капсулалар

Құрамы

Бір капсуланың құрамында

белсенді заттар:

жабайы сәбіз жемістерінің (Daucus carota)/ құлмақ бүршігінің (Lupuli flos)/ жұпаргүл шөбінің (Origani herba) (1/1,4/1) Уролесан қою экстрактісі (10-26:1), экстрагент - 96 % этанол (к./к.), 10 % ылғалға шаққанда - 10.70мг; бұрыш жалбызы майы (Aetheroleum menthae piperitae) - 7.46 мг; сібір самырсын майы (Abietis sibiricae aetheroleum)- 25.50 мг,

қосымша заттар: ауыр магний карбонаты, лактоза моногидраты, майсана майы, магний алюмометасиликаты, тальк, картоп крахмалы, динатрий эдетаты (трилон Б).

Капсула корпусының құрамы: патенттелген көк V (Е 131), хинолинді сары (Е 104), титанның қостотығы (Е 171), темірдің сары тотығы (Е 172), желатин.

Капсула қақпақшасының құрамы: патенттелген көк V (Е 131), хинолинді сары (Е 104), титанның қостотығы (Е 171), темірдің сары тотығы (Е 172), желатин

Сипаттамасы

Корпусы мен қақпағы жасыл түсті, «0» нөмірі бар, қатты желатинді капсулалар. Капсуланың ішіндегісі – теңбілдері және бұрыш жалбызы мен самырсын майларының иісі бар жасылдау реңді сары-сұрдан сұр-қоңыр түске дейінгі түйіршіктелген ұнтақ және/немесе нығыздалған масса. Басқан кезде шашылатын агломераттар болуына жол беріледі.

Фармакотерапиялық тобы

Урологиялық ауруларға арналған басқа препараттар. Урологиялық ауруларды емдеуге арналғанбасқа препараттар, спазмолитиктерді қоса. Урологиялық ауруларды емдеуге арналған басқа препараттар.

АТХ коды G04BХ

Фармакологиялық қасиеттері

Фармакокинетикаcы. Зерттелмеген.

Фармакодинамикасы. Өсімдік тектес біріктірілген препарат. Уролесан® препаратыныңқұрамдастары несеп шығару жолдары мен бүйректегі қабыну құбылыстарын азайтады, бүйрек пен бауырды қанмен қамсыздандырудың күшеюіне ықпал етеді, диуретикалық, бактерияларға қарсы, өт айдайтын әсер береді, несепте қорғаныш коллоид түзеді және жоғары несеп жолдары мен өт қалтасы тегіс бұлшықеттерінің тонусын қалыпқа келтіреді.

Уролесан® мочевина мен хлоридтердің шығарылуын арттырады, қуық және бүйректен майда конкременттер мен құмның шығарылуына ықпал етеді.

Қолданылуы

- жедел және созылмалы бүйрек және несеп шығару жолдарының инфекцияларында (циститтер және пиелонефриттер)

- несептас ауруында және несепқышқыл диатезінде (оларды жойғаннан кейінгі конкременттер түзілуінің профилактикасы)

- созылмалы холециститтер (оның ішінде калькулезді), өт жолдарының дискинезиясы, өт-тас ауруларында.

Қолдану тәсілі және дозалары

Препаратты тамақтану алдында ішке қабылдайды.

Ересектер үшін ұсынылатын доза 1 капсуладан тәулігіне 3 рет. Жедел жағдайларда (оның ішінде бүйрек және бауыр шаншуы кезінде) емдеу курсының ұзақтығы 5-тен 7 күнге дейін, созылмалы жағдайларда – 7 күннен 1 айға дейін құрайды. Бүйрек және бауыр шаншуы туындағанда бір реттік дозаны 2 капсулаға дейін бір мәрте жоғарылатуға болады, мұнан соң келесі қабылдауда әдеттегі бір реттік дозаға (1 капсула) оралған жөн.

Жағымсыз әсерлері

Әдетте Уролесан® жақсы көтерімді. Препаратты қолданғанда болуы мүмкін:

  • ас қорыту жолы тарапынан: диспепсиялық құбылыстар (жүрек айну, құсуды қоса);
  • аллергиялық реакциялар, оның ішінде гиперемия, есекжем, қышыну сезімі, беттің қызаруы, тері бөртпесі, ангионевроздық ісіну (тамақтың жыбырлау сезімі, тыныс алудың қиындауы, беттің, тілдің ісінуін қоса);
  • орталық және шеткері жүйке жүйесі тарапынан: бас айналу, жалпы әлсіздік;
  • жүрек-қантамыр жүйесі тарапынан: артериялық гипертензия, гипотензия, жүрек тұсының ауыруы.

Қолдануға болмайтын жағдайлар

- препарат компоненттеріне жоғары сезімталдық

- гастриттер (сөліністік жеткіліксіздігі бар гастриттерден өзге), асқазан мен он екі елі ішектің ойық жара ауруы

- жүктілік және лактация кезеңі

- 18 жасқа дейінгі балаларға

Дәрілермен өзара әрекеттесуі

Басқа дәрілік заттармен өзара әрекеттесуі белгісіз.

Айрықша нұсқаулар

Егер конкременттердің диаметрі 3 мм асатын болса, препаратты қолдануға болмайды.

Препарат құрамында қосымша заттар лактоза және картоп крахмалы бар, сондықтан сирек тұқым қуалайтын галактоза жақпаушылығының түрлері, лактаза жеткіліксіздігі, глюкоза-галактоза мальабсорбциясы синдромы немесе жоғары сезімталдық немесе глютен жақпаушылығы бар пациенттерге препараттың бұл түрін қолдануға болмайды.

Балалар.

Препарат 18 жасқа дейінгі жасөспірімдер мен балаларға қолданылмайды.

Жүктілік немесе бала емізу кезеңінде қолдану.

Препараттың жүктілік немесе бала емізу кезеңінде қолданылуы зерттелмеген.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Жағымсыз әсерлерінің дамуы мүмкіндігін ескере отырып, сақтық таныту қажет.

Артық дозалануы

Артық дозаланғанда болуы мүмкін: жүрек айну, бас айналу, препараттың тыныштандыратын әсерінің күшеюі.

Емі: симптоматикалық ем. Жылы сұйықты көп мөлшерде ішу, тыныштық, белсендірілген көмір, атропин сульфаты (0,0005 – 0,001 г).

Шығарылу түрі және қаптамасы

10 капсуладан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.

4 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Түпнұсқалық қаптамасында, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецептісіз

Өндіруші

«Киевмедпрепарат» ЖАҚ

Украина, 01032, Киев қ., Саксаганский к-сі, 139

Тіркеу куәлігі ұстаушысының атауы мен елі

«Киевмедпрепарат» ЖАҚ, Украина.

Қазақтан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

«Фармамед СҮ» ЖШС,

Алматы қ., Ходжанов к-сі, 67 ғимарат, 4а т.е.

Тел.: +7 (727) 344-99-05/06

E-mail: Almaty@pharmamed.kz

Дәріханалар

Тауар артығымен бар
Тауар аз қалды
Аптека №184
мкр Центральный 47
9:00-21:00
Аптека №281
улица Ташенова 57
09:00-21:00
Аптека №68
Ауезова 137
09:00 21:00