Сипаттама
Дәрілік затты медициналық қолдану
жөніндегі нұсқаулық
Ундевит
Саудалық атауы
Ундевит
Халықаралық патенттелмеген атауы
Жоқ
Дәрілік түрі
Драже
Құрамы
Бір драженің құрамында
Белсенді заттар: ретинола пальмитаты1.817 мг
(3300 ХБ)
альфа-токоферола ацетаты10.00 мг
тиамин гидрохлориді2.00 мг
рибофлавин2.00 мг
пиридоксин гидрохлориді3.00 мг
цианокобаламин0.002 мг
кислота аскорбиновая75.00 мг
никотинамид20.00 мг
фолий қышқылы0.070 мг
рутозид тригидраты10.00 мг
кальций пантотенаты3.00 мг
қосымша заттар: бидай ұны, крахмал патокасы, тальк, күнбағыс майы (күнбағыс майы), сахар (сахароза), араның балауызы,бұрыш жалбызы майы.
Сипаттамасы
Сары-қызғылт-сары түсті шар тәрізді пішінді, біртекті боялған иісі бар драже
Фармакотерапиялық тобы
Дәрумендер. Полидәрумендер.
АТХ коды А11ВA
Фармакологиялық қасиеттері
Метаболизмдік үдерістердің маңызды факторлары болып табылатын құрамында дәрумендердің кешені бар біріктірілген препарат.
Фармакодинамикасы
Ретинол пальмитаты терінің, шырышты қабаттардың, көздің қалыпты функциясын қамтамасыз етеді.
Тиамин гидрохлориді коэнзим ретінде көмірсу алмасуына, жүйке жүйесінің қызмет істеуіне қатысады.
Рибофлавин – жасушалық тыныс алу және көру арқылы қабылдау үдерістерінің маңызды катализаторы.
Пиридоксин гидрохлориді коэнзим ретінде ақуыз алмасуына және нейромедиаторлар синтезіне қатысады.
Цианокобаламин нуклеотидтер синтезіне қатысады, қалыпты өсу, қан түзілуі және эпителиальді жасушалар дамуының маңызды факторы болып табылады; фолий қышқылының метаболизмі және миелин синтезі үшін қажет.
Никотинамидтіндік тыныс алу үдерістеріне, май және көмірсу алмасуына қатысады.
Аскорбин қышқылы коллаген синтезінқамтамасыз етеді; шеміршектер, сүйектер, тістердің құрылымы және функциясы қалыптасуы және демелуіне қатысады; гемоглобин түзілуіне, эритроциттер пісіп жетілуіне ықпал етеді.
Кальций пантотенаты А коэнзимінің құрамдас бөлігі ретінде ацетилдену және тотығу үдерістерінде маңызды рөл атқарады; эпителий және эндотелий құрылуына, регенерациясына ықпал етеді.
Фолий қышқылы аминқышқылдарының, нуклеотидердің, нуклеин қышқылдардың синтезіне қатысады; қалыпты эритропоэз үшін қажет.
Альфа-токоферол ацетаты антиоксидантты қасиеттері бар, эритроциттердің тұрақтылығын демейді, гемолизді ескертеді; жыныс бездерінің, жүйке және бұлшықет тіндерінің функциясына оң әсер етеді.
Рутозид тригидраты тотығу-қалпына келтіру үдерістеріне қатысады, антиоксидантты қасиеттері бар, тотығуға жол бермейді және тіндердегі аскорбин қышқылының жинакталуы ықпал етеді.
Фармакокинетикасы
Препараттың құрамына кіретін фармакокинетикалық ингредиенттерге байланысты.
Ретинол пальмитаты ішек саңылауында ретинолға гидролизденеді, ол содан соң сіңіріледі. Қандағы А дәруменінің тасымалдануыкүрделі ақуыз кешінін қамтамасыз етеді, ол ретинол байланыстыратын ақуызбен қосыла отырып оны шумақтық сүзгіден сақтайтын, ретинол және тироксин байланыстыратын преальбуминнің тікелей тасымалдаушысы ретинол байланыстыратын ақуыздан тұратын байланыстыратын ақуыз. Кешен нысана тіндерде циркуляцияланады, мұнда дәрумен босай отырып, жасушаға өтеді де, жасушалардың арнайы рецепторлы учаскелерімен байланысады. Бауырда аспен бірге қабылданатын 30 – 50 % ретинол жинақталады, қалған 50-70 %-ы өзгермеген түрде циркуляцияланады және тотыққаннан кейін бірнеше күн бойы несеп және нәжіс арқылы шығарылады.
Альфа-токоферол ацетаты белсенді тасымалдау механизмдерінің қатысуымен жіңішке ішекте сіңіріледі, сондай-ақ өт болғанда алдымен лимфаға, содан соң қан плазмасына өтеді. Қанда ол хиломикрондар құрылымында циркуляцияланады. Қан плазмасынан барлық тіндерге жеткізіледі, оларда (әсіресе бауырда) қан плазмасындағы оның деңгейін демеуші депо құрайды. Организмде бірқатар метаболиттерге айнала отырып, токоферол биотрансформацияға ұшырайды, олардың кейбіреулері Е дәруменінің-белсенділігіне ие. Е дәрумені негізінен өтпен ішекке шығарылады: парентеральді енгізілген α – токоферолының 80 %-ы бір апта ішінде өтпен ішекке шығарылады. Токоферолдың бір бөлігі энтерогепатикалық рециркуляцияға қатысады.
Тиамин гидрохлориді. Қан плазмасынан жартылай шығарылу кезеңі 24 сағатты құрайды. Тиаминнің артығы несеппен, еркін түрде немесе пиримидин метаболиті ретінде шығарылады.
Рибофлавин. Организмге түскеннен кейін рибофлавин коферментті түрлерге өзгереді: флавинмононуклеотид (ФМН) және флавинадениндинуклеотид (ФАД) организмнің тіндерінде жинақталады. Артығы несеппен өзгермегентүрде шығарылады.
Пиридоксин гидрохлориді. Пиридоксиннің жартылай шығарылу кезеңі 15-тен 20 күнге дейін. Сіңірілгеннен кейін В6 дәрумені пиридоксаль-5 фосфат түрінде ферменттердің құрамына кіреді, бұлшықеттерде жинақталады және бауырда 4-пиридоксин қышқылына дейін ыдырайды да, бүйрек арқылы шығарылады.
Никотинамид бауырда бірқатар өнімдерге ыдырайды, ол несеппен негізгі метаболиттер түрінде шығарылады (М-метил-2-пиридон-5-карбон қышқылы және N-метилникотинамид).
Цианокобаламин.Цианокобаламин арнайы ішкі фактор арқылы сіңіріледі. Қанда В12 дәруменін тіндерге тасымалдайтын I және II транскобаламиндермен байланысты. Цианокобаламиннің негізінен бауырда жинақталады. Бауыр ауруларында В12 дәруменінің жинақталуы төмендейді, оның жоғалуы артады. Бауырдан өтпен ішекке шығарылады, одан қайта сіңіріледі. Ішек ауруларында, әсіресе фолий қышқылының жеткіліксіздігінде, дәруменнің энтерогепатикалық рециркуляция үдерісі бұзылады, ол организмнен оның жойылуына әкеп соғады. Бұл жағдайда гиповитаминоз тағамдағы дәрумен жеткіліксіздігіне қарағанда жылдам орын алады. В12 дәрумені негізінен бүйрек арқылы шығарылады.
Аскорбин қышқылы ішу арқылы қабылдағаннан кейін 4 сағаттан соң қан плазмасындағы ең жоғары концентрациясына жетеді, дозаның 60 %-ы несеппен 24 сағат ішінде, аскорбин қышқылы немесе оның метаболиті дигидроаскорбин қышқылы түрінде шығарылады.
Фолий қышқылы 30 минуттан соң қан плазмасына түседі де, барлық тіндерде таралады, алайда оның мөлшерінің 2/3 бөлігі организмде бауырда анықталады, маңызды мөлшерлері ликворда жинақталады. Қабылданған фолий қышқылының бір бөлігі биотрансформацияға ұшырайды, бір бөлігі несеппен өзгермеген түрде шығарылады. Жартылай шығарылу кезеңішамамен 4-5 сағатты құрайды.
Рутозид тригидраты. Рутозидтің биожетімділігі 10-15 %. Организмде флавоноидтар биотрансформацияға ұшырайды. Рутин несеппен шығарылатын гомованилинді, оксифенилсірке және диоксифенилсірке қышқылына айналады.
Кальций пантотенаты. Дәрумен асқазан-ішек жолдарынан жылдам сіңеді, қан плазмасынан барлық тіндерде2-ден 45 мкг/г-ге дейінгі концентрация жасай отырып оларда жақсы сіңеді. Үлкен концентрациялары бауырда, бүйрекүсті бездерінде, жүректе және бүйректе анықталады. Биотрансформацияға ұшырамайды және қабылданған дозаның – 70 %-ы өзгермеген түрде несеппен, 30 %-ы нәжіспен шығарылады.
Қолданылуы
-гиповитаминозды профилактикалау және емдеуде
- егде және қарттық жаста зат алмасуды жақсарту үшін
- антибиотиктерді қолданғанда
- өткерген аурулардан кейін сауығу кезеңінде
- жоғары дене және ми жүктемелерінде
Қолдану тәсілі және дозалары
«Ундевит» дражесін тамақтанғаннан кейін ішу арқылы қабылдауға тағайындайды.
Гиповитаминозды профилактикалау үшін ересектерге күніне 1 дражеден қабылдау керек. Сауығу кезеңінде егде жаста және қарттық кезеңінде зат алмасуын жақсарту үшін, жоғары дене және ми жүктемелерінде тәулігіне
2-3 дражеден. Емдеу курсы 20-30 күн. Курстар арасындағы үзілістер 1-3 ай. Дәрігердің ұсынысы бойынша курсты қайталауға болады.
Жағымсыз әсерлері
Препаратты ұсынылатын дозаларда қабылдау кезінде жағымсыз әсерлері анықталмаған.
Ықтимал
- аллергиялық реакциялар (тері бөртпелері, гиперемия)
Қолдануға болмайтын жағдайлар
- препараттың компоненттеріне жоғары сезімталдықта
- сақтықпен: бауырдың ауыр зақымдануларында, асқазан және он екі елі ішектің ойық жара ауруында
- тұқым қуалайтын фруктоза жақпаушылығы немесе галактоза мальабсорбциясы бар адамдарда
- 18 жасқа дейінгі балаларға.
Басқа дәрілік заттармен өзара әрекеттестігі
Артық дозалануға жол бермеу үшін басқа полидәрумендік кешендермен бір мезгілде қабылдауға болмайды.
Айрықша нұсқаулар
Несептің түсі сарыға боялуы мүмкін, ол мүлдем зиянсыз және препараттың құрамында рибофлавин болуымен түсіндіріледі.
Жүктілік және лактация
Жүктілік кезінде тәуліктік дозаны дәрігердің ұсынысы бойынша жүктілік мерзіміне қарай анықтайды.
Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері
Жоқ
Артық дозалануы
А гипервитаминоздағы симптомдары: диарея, көрудің бұзылуы, оссалгия, бастың ауыруы, тәбеттің төмендеуі, алопеция, гастралгия, жоғары қажығыштық, құсу, анемия, гепатоспленомегалия, субпериостальді қан құйылуы, сүйек эпифиздерінің уақытынан бұрын жабылуы.
В6 гипервитаминоздағы симптомдары: атаксия, шеткері невропатия.
Емдеу: симптоматикалық, препаратты қабылдауды тоқтату.
Шығарылу түрі және қаптамасы
50 дражеден полимерлі материалдан жасалған банкеде. 1 банка медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған. Полимерлі материалдан жасалған банкелердің санына тең мөлшерде медициналық қолдану жөнінде мемлекеттік және орыс тілдеріндегі нұсқаулықты жирылған картоннан жасалған қораптарға салынған.
Сақтау шарттары
Құрғақ, жарықтан қорғалған жерде, 25°С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
1 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
«Марбиофарм» ААҚ
Ресей Федерациясы, 424006, Марий Эл Республикасы, Йошкар-Ола қ.,
К.Маркс к-сі, 121.
Тел.: (8362) 42-03-12, факс: (8362) 45-00-00
e-mail: marbiopharm@marbiopharm.ru
Тіркеу куәлігінің иесі
«Марбиофарм» ААҚ, Ресей Федерациясы
Қазақстан Республикасы аумағында тұтынушылардан дәрілік заттың сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері(телефоны, факсі, электронды поштасы)
ЖК Утегенова Б.А.
010000, Қазақстан, Астана қ., Алматы ауд, Рамазан 33 көш., 9-пәтер
Тел.: +77017076181
Электронды поштасы b.utegenova_ip@mail.ru
