Біздің компаниямыз жайлы жалпы ақпарат.
Дәрілік затты медициналық
қолдану жөніндегі нұсқаулық (Қосымша парақ)
Саудалық атауы
Трипликсам®
Халықаралық патенттелмеген атауы
Жоқ
Дәрілік түрі, дозалануы
Үлбірлі қабықпен қапталған таблеткалар, 5 мг/1.25 мг/5 мг
5 мг/1.25 мг/10 мг
10 мг/2.5 мг/5 мг
10 мг/2.5 мг/10 мг
Жүрек-қантамыр жүйесі. Ренин-ангиотензин жүйесіне әсер ететін препараттар. Басқа препараттармен біріктірілген ангиотензин өзгертуші фермент (АӨФ) тежегіштері. АӨФ тежегіштері, басқа біріктірілімдер. Периндоприл, амлодипин және индапамид
АТХ коды C09BX01
Қолданылуы
Трипликсам® периндоприл/индапамид бірктірілімін белгіленген дозаларда және амлодипинді сол дозаларда қабылдаған кезде аурудың талапқа сай бақылауына жеткен пациенттерде эссенциальды гипертензияны емдеу үшін ауыстыратын препарат ретінде тағайындалады.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- белсенді заттарына, басқа сульфонамидтерге, дигидропиридин туындыларына, басқа АӨФ тежегіштеріне немесе препараттың қосымша заттарына аса жоғары сезімталдық
- анамнездегі ангионевроздық ісіну (Квинке ісінуі), АӨФ тежегіштерінің бұрын қабылдануымен байланысты
-тұқым қуалайтын/идиопатиялық ангионевроздық ісіну
-сол жақ қарыншаның шығар бөлігінің обструкциясы (мысалы, ауыр дәрежедегі қолқа стенозы)
- емделмеген декомпенсацияланған жүрек жеткіліксіздігі бар пациенттер
-жедел миокард инфарктісінен кейінгі гемодинамикалық тұрақсыз жүрек жеткіліксіздігі
- бүйрек функциясының ауыр бұзылуы (креатинин клиренсі 30 мл/минуттан төмен)
-бүйрек функциясыныңауырлығы орташа дәрежелі бұзылуы (креатинин клиренсі 60 мл/минуттан төмен) Трипликсам® препаратының, құрамында 10мг/2,5мг периндоприл/индапамид біріктірілімі бар дозаларында (яғни, Трипликсам® 10мг/2,5мг/5мг және 10мг/2,5мг/10мг)
-бүйрек артерияларының айқын екіжақты стенозы немесе қызмет атқарып тұрған жалғыз бүйрек артериясының стенозы
- қант диабеті немесе бүйрек функциясының бұзылуы бар (ШСЖ < 60мл/мин/1,73м2) пациенттерде алискиренмен бір мезгілде пайдаланылуы
-диализдегі пациенттер
-бауыр энцефалопатиясы
-бауыр функциясының ауыр бұзылуы
-гипокалиемия
-ауыр гипотензия
-шок, кардиогендік шокты қоса
-сакубитрилмен және валсартанмен бір мезгілде қолданылуы
-үдеріс барысында қан теріс зарядты беткейлермен жанасатын экстракорпоральді емшаралар
- жүктілік
- лактация кезеңі
Қолдану кезінде қажетті сақтық шаралары
Бүйрек функциясы
- Бүйрек функциясының ауыр бұзылуы (креатинин клиренсі < 30 мл/мин) кезінде емдеуге болмайды.
- Ауырлық дәрежесі орташа бүйрек функциясының бұзылуы бар пациенттерге (креатинин клиренсі < 60 мл/мин) периндоприл/индапамид біріктірілмін (яғни 10 мг/2,5 мг/5 мг және 10 мг/2,5 мг/10 мг Трипликсам®) 10 мг/2,5 мг дозадағы Трипликсаммен® емдеуге болмайды.
- Бүйрек функциясының бұрынғы айқын бұзылуынсыз гипертензиясы бар кейбір пациенттерде емдеу аясында функционалдық бүйрек жеткіліксіздігінің зертханалық белгілері пайда болуы мүмкін. Бұл жағдайда препаратпен емдеуді тоқтату керек. Одан әрі емдеуді аз мөлшерде немесе препараттың бір компонентімен қайта бастауға болады.
Осы пациенттерге емдеу басталғаннан кейін екі аптадан соң калий мен креатинин деңгейін жиі және емдік тұрақтылық кезеңі бойына екі айда бір рет бақылау қажет етіледі. Бүйрек жеткіліксіздігі негізінен, бұрыннан бар бүйрек жеткіліксіздігі кезінде, бүйрек артериясының стенозын қоса, немесе жүректің ауыр жеткіліксіздігі бар пациенттерде білінген.
Әдетте, препарат бүйрек артерияларының билатеральді стенозы жағдайында немесе бір ғана бүйрек қызмет істеп тұрған жағдайда ұсынылмайды.
- Артериялық гипотензия және/немесе бүйрек жеткіліксіздігінің қаупі (жүрек жеткіліксіздігі, су және электролиттер қорының таусылуы және т.б. жағдайында): периндоприлді пайдаланғанда, әсіресе су мен электролиттер қорының едәуір азаю кезінде (натрийді шектеумен қатаңдиета немесе диуретиктерді ұзақ уақыт қабылдау) артериялық қысымының деңгейі бұрыннан төмен пациенттерде, бүйрек артериясының стенозы, жүректің іркілісті жеткіліксіздігі немесе ісінумен және асцитпен жүретін цирроз жағдайларында ренин-ангиотензин-альдостерон жүйесінің елеулі стимуляциясы байқалған.
- Бұл жүйені ангиотензин өзгертуші фермент тежегішімен бөгеу, әсіресе емдеудің алғашқы екі аптасы ішінде тағайындағанда, бүйректің функционалдық жеткіліксіздігін көрсететін артериялық қысымның күтпеген жерден төмендеуіне және/немесе плазмадағы креатинин деңгейінің артуына алып келеді. Басталуы сирек болса да жедел болуы мүмкін, және белгілері пайда болғанға дейінгі уақыты ауытқып отырады.
Ондай жағдайларда емдеуді төмен дозаларынан бастап, біртіндеп арттыру керек. Жүректің ишемиялық ауруы немесе ми қан айналымының бұзылуы бар пациенттерде шамадан тыс гипотензия миокард инфарктісіне немесе инсультке алып келуі мүмкін.
Тиазидтік және тиазид тәрізді диуретиктер, тек бүйрек функциясы қалыпты немесе аздап бұзылған (ересек адамдағы креатинин деңгейі шамамен 25 мг/л төмен, яғни 220 мкмоль/л) жағдайларда ғана толықтай тиімді.
Егде жастағы адамдарда плазмадағы креатинин деңгейінің көрсеткіштері жас шамасына, салмақ пен жынысына қарай түзетіліп қарастырылуы тиіс.
Диуретик қолданылуымен емнің басында су мен натрий жоғалтылуынан туындаған салдарлы гиповолемия, шумақтық сүзілу жылдамдығының төмендеуіне алып келеді. Бұл қандағы мочевина мен креатинин деңгейлерінің жоғарылауын туғызуы мүмкін. Бүйректің мұндай өтпелі функционалдық жеткіліксіздігінің бүйрек функциясы қалыпты пациенттерде жағымсыз салдары болмайды, бірақ дегенмен де бұрыннан бар бүйрек функциясының бұзылуын нашарлатуы мүмкін.
- Амлодипинді бүйрек жеткіліксіздігі бар пациенттерде қалыпты дозаларында пайдалануға болады. Плазмадағы амлодипин концентрациясының өзгерістері бүйрек функциясының бұзылу дәрежесіне байланысты емес.
Гипотензия және су-электролиттік теңгерімнің бұзылуы
Елеулі гипотензия кезінде изотониялық физиологиялық ерітіндінің вена ішіне инфузиясын жүргізу қажет болуы мүмкін.
Өтпелі гипотензия емдеуді жалғастыру үшін қарсы көрсетілім болып табылмайды. Қанағаттанарлық қан көлемі мен артериялық қысым қалпына келгеннен кейін емдеуді төменірек дозада және тек бір компонентімен қайта бастауға болады.
Натрий деңгейінің төмендеуі алғашында симптомсыз жүруімүмкін, сондықтан да, жүйелі түрде талдаулар жүргізіп отыру аса маңызды. Талдауларды егде жастағыларға және циррозы бар пациенттерге жиірек жүргізу керек.
Барлық диуретиктер гипонатриемияға әкеп соқтыруы, кейде аса күрделі салдарлары болуы мүмкін.
Гиповолемиямен жүретін гипонатриемия сусыздануға және ортостатикалық гипотензияның дамуына алып келуі мүмкін. Хлор иондарының қатарлас жоғалтылуы салдарлы компенсаторлық метаболизмдік алкалозды туғызуы мүмкін: бұл әсерінің туындау жиілігі мен айқындығы елеусіз.
Калий деңгейі
- Индапамидтің периндоприлмен және амлодипинмен біріктірілімі, әсіресе диабеті немесе бүйрек жеткіліксіздігі бар пациенттерде гипокалиемияның басталуының алдын ала алмайды. Кез-келген гипертензияға қарсы препаратты диуретикпен үйлестіріліп пайдаланылған жағдайдағы сияқты, плазмадағы калий деңгейін жүйелі түрде тексеріп отыру керек.
- Периндоприлді қоса, АӨФ тежегіштерін қабылдаған кейбір пациенттерде, сарысудағы калий деңгейінің жоғарылағаны байқалған. Гиперкалиемияның дамуы үшін қауіп факторлары келесі жағдайлар болып табылады: бүйрек жеткіліксіздігі, бүйрек функциясының нашарлауы, жас шамасы (> 70 жас), қант диабеті, қатарлас құбылыстар, атап айтқанда, сусыздану, жүректің жедел декомпенсациясы, метаболизмдік ацидоз және калий жинақтаушы диуретиктерді (мысалы, спиронолактон, эплеренон, триамтерен немесе амилорид), калий қоспаларын немесе құрамында калий бар тұз алмастырғыштарын үйлестіріп қолдану; немесе бұл пациенттердің, сарысудағы калий деңгейін арттыратын басқа препараттарды (мысалы, гепарин, триметоприм/сульфаметоксазол ретінде де белгілі ко-тримоксазол) қабылдауы. Калий қоспаларын, калий жинақтаушы диуретиктерді немесе құрамында калий бар тұз алмастырғыштарды пайдалану, әсіресе бүйрек функциясы бұзылған пациенттерде, сарысудағы калий деңгейінің елеулі артуына алып келуі мүмкін. Гиперкалиемия күрделі, кейде тіпті фатальді аритмияларды туғызуы мүмкін. Препаратты жоғарыда аталған дәрілермен бір мезгілде қолдану қажет болса, оларды сақтықпен қабылдау және сарысудағы калий деңгейін бақылауды жиі жүргізу керек (4.5 бөлімін қараңыз).
- Гипокалиемиямен жүретінкалий мөлшерінің төмендеуі тиазидтік және тиазид тәрізді диуретиктерді пайдаланған кездегі негізгі қауіп болып табылады. Калий деңгейінің төмендеуін (< 3,4 ммоль/л) егде жастағы және/немесе жүдеген адамдарда (олардың препараттарды көп мөлшерде қабылдайтын-қабылдамайтындығына қарамастан), ісінумен қатар жүретін циррозы және асциті бар пациенттерде, жүректің ишемиялық ауруы және жүрек жеткіліксіздігі бар жоғары қауіп тобындағы пациенттерде сияқты болдырмау керек.
Ондай жағдайларда гипокалиемия жүрек гликозидтерінің уыттылығы мен аритмиялар қаупін арттырады.
QT аралығы ұзарған пациенттер сондай ақ, себебінің туа біткен немесе ятрогенді екеніне байланыссыз, қауіп тобына жатады. Гипокалиемия, брадикардия сияқты, ырғақ бұзылуының, атап айтқанда, өлімге ұшыратуы мүмкін «пируэт» типті полиморфты қарыншалық тахикардияның дамуына ықпал ететін фактор болып табылады.
Барлық жағдайларда калий деңгейіне талдауды жиі жүргізу қажет. Плазмадағы калий деңгейінің бірінші талдауын емдеу басталғаннан кейінгі алғашқы аптаның ішінде жүргізу керек.
Калий деңгейінің төмендігі анықталған жағдайда осы жай-күйіне түзету жүргізу қажет.
Кальций деңгейі
Тиазидтік және тиазид тәрізді диуретиктер кальцийдің несеппен шығарылуын төмендетуі мүмкін және плазмадағы кальций мөлшерінің жеңіл және уақытша артуына алып келуі мүмкін. Кальцийдің айтарлықтай жоғарылаған мөлшері диагнозы анықталмаған гиперпаратиреозбен байланысты болуы мүмкін. Ондай жағдайларда емдеуді қалқанша маңы бездерінің функциясын зерттегенге дейін тоқтата тұру керек
Реноваскулярлық гипертензия
Реноваскулярлық гипертензияны емдеу реваскуляризациямен жүзеге асырылады.Дегенмен, ангиотензин өзгертуші фермент тежегіштері реноваскулярлық гипертензиясы бар, қайта қалпына келтіру операциясын күтіп жүрген пациенттерге немесе ондай операцияға мүмкіндік болмаған жағдайда, жағымды әсер етуі мүмкін.
Егер Трипликсам® бүйрек артериясының расталған немесе күмәнді стенозы бар пациенттерге тағайындалса, емдеуді стационарлық жолмен, төмен дозаларын пайдаланып және бүйрек функциясы мен калий деңгейін бақылауға ала отырып бастау керек, өйткені кейбір пациенттерде бүйректің функционалдық жеткіліксіздігі байқалған, ол емдеуді тоқтатқан кезде тыйылған.
Жөтел
Ангиотензин өзгертуші ферменттің тежегіштерін пайдаланғанда құрғақ жөтел байқалған. Ол тұрақтылығымен сипатталады және емдеуді тоқтатқан кезде басылады. Аталған симптом жағдайында ятрогенді этиологиясын қарастыру керек. Егер ангиотензин өзгертуші ферменттің тежегішін тағайындау қажет болса, емдеуді жалғастыруға болады.
Атеросклероз
Барлық пациенттерде гипотензия қаупі болады, бірақ жүректің ишемиялық ауруы немесе ми қанайналымының жеткіліксіздігі бар пациенттерге ерекше көңіл бөлу керек, және емдеуді төмен дозасынан бастау керек.
Гипертензиялық криз
Амлодипиннің гипертензиялық криз кезіндегі қауіптілігі мен тиімділігі анықталмаған.
Жүрек жеткіліксіздігі/жүректің ауыр жеткіліксіздігі
Жүрек жеткіліксіздігінде препаратты абайлап қабылдау керек.
Жүректің ауыр жеткіліксіздігі (NYHA III және IV класы) бар пациенттерде өкпенің ісіну жиілігі плацебо тобына қарағанда, амлодипинді қабылдаған топта жоғарырақ болған. Амлодипинді қоса, кальций өзекшелерінің блокаторларын, жүректің іркілісті жеткіліксіздігі бар пациенттерде сақтықпен пайдалану керек, өйткені олар болашақта жүрек-қантамыр асқынулары мен өлім қаупін арттыруы мүмкін.
Жүректің ауыр жеткіліксіздігі (IV дәрежелі) бар пациенттерде емдеуді медициналық қадағалаумен бастапқы төмен дозасынан бастау керек. Гипертензиясы және коронарлық жеткіліксіздігі бар пациенттерді бета-блокаторлармен емдеуді үзбеу керек: АӨФ тежегіштерін бета-блокаторларға қосады.
Аортальді немесе митральді клапан стенозы / гипертрофиялық кардиомиопатия
АӨФ тежегіштерін сол жақ қарыншаның шығар бөлігінің өткізгіштігінің бұзылуы бар пациенттерде сақтықпен пайдалану керек.
Диабеті бар пациенттер
Инсулинге тәуелді қант диабеті бар пациенттерде (калий деңгейінің артуына өздігінен болатын бейімділік) емдеуді медициналық қадағалаумен төменгі дозасынан бастау керек.
Бұрын диабетке қарсы препараттарды ішу арқылы немесе инсулинді қабылдаған, атап айтқанда АӨФ тежегішімен емдеудің алғашқы айы кезінде, диабеті бар пациенттерде гликемия деңгейін бақылауға алу керек.
Диабеті бар пациенттерде, әсіресе калий деңгейі төмен болғанда, қандағы глюкоза деңгейін бақылап отыру қажет.
Этникалық айырмашылығы
Ангиотензин өзгертуші фермент тежегіштері қабылдаған жағдайдағы сияқты басқа нәсіл өкілдеріне қарағанда қара нәсілділер өкілдерінде артериялық қысымды төмендету үшін периндоприлдің тиімділігі аз, бұл артериялық қысымы жоғары қара нәсілді популяция пациенттерінде ренин белсенділігінің төмен болуы жиі байқалады.
Хирургиялық араласу/жалпы анестезия
Ангиотензин өзгертуші фермент тежегіштері анестезия жағдайында, әсіресе егер, пайдаланылып отырған анестетик гипотензиялық әлеуеті бар препарат болып табылатын болса, гипотензияға алып келуі мүмкін.
Осылайша, ангиотензин өзгертуші ферменттің ұзақ әсер ететін периндоприл сияқты тежегіштерімен емдеуді, хирургиялық операциядан бір күн бұрын тоқтату ұсынылады.
Бауыр функциясының бұзылуы
Сирек жағдайларда АӨФ тежегіштерін қабылдау холестаздық сарғаюмен басталатынжәне бауырдың фульминантты некрозына және (кейде) өлімге дейін үдейтін синдроммен байланысты болып келеді. Бұл синдромының механизмі белгісіз. АӨФ тежегіштерін қабылдап жүрген, сарғаю немесе бауыр ферменттердің едәуір жоғарылауы байқалған пациенттер АӨФ тежегіштерін қабылдауды тоқтатуы және тиісті медициналық бақылау жүргізілуі тиіс.
Амлодипиннің жартылай шығарылу кезеңі және АUC көрсеткіштері бауыр функциясы бұзылғанда артады; дозалары жөнінде ұсынымдар жоқ. Осыған байланысты амлодипин қабылдауды төмен дозасынан бастау және емдеудің басында да, дозасын арттырғанда да сақ болу керек.
Бауыр функциясының ауыр бұзылуы кезінде дозасын баяу титрлеу және мұқият бақылау қажет.
Бауыр функциясы бұзылғанда біріктірілген Трипликсам® препаратының тиімділігі зерттелмеген. Осы біріктірілімнің әрбір жеке компонентінің әсерін ескере отырып, Трипликсамды® бауыр функциясының ауыр бұзылуы бар пациенттерге қолдануға болмайды және бауыр функциясының ауырлығы жеңілден орташа дәрежеге дейінгі бұзылуы бар пациенттерде сақтықпен қолданылуы тиіс
Несеп қышқылы
Несеп қышқылының мөлшері жоғары пациенттерде подагра ұстамаларына бейімділік артуы мүмкін.
Егде жастағы адамдар
Емдеуді бастағанға дейін бүйрек функциясы мен калий деңгейлерін тексеру керек. Бастапқы дозасы артериялық қысымның өзгерісіне байланысты, әсіресе, су-электролиттік бұзылулар болған жағдайда, кенеттен гипотензияның дамуын болдырмау үшін тиісінше түзетіледі.
Егде жастағы адамдарда амлодипиннің дозасын абайлап арттыру керек.
ТрипликсамÒ қабылдаудан бұрын дәрігермен сөйлесіңіз
Егер көру қабілетінің төмендеуі немесе көздің ауыруы болса. ТрипликсамÒ қабылдағаннан бастап бірнеше сағаттан аптаға дейін пайда болатын көздің тамырлы қабығында сұйықтықтың жиналу (хориоидальды жалқық)немесекөз қысымының жоғарылауы белгілері болуы мүмкін. Ем болмаған жағдайда көру қабілетінің қалпына келмеуі мүмкін. Егер сізде бұрын пенициллинге немесе сульфонамидке аллергиялық реакция болса, сізде хориоидальды жалқық дамуы қауіпі жоғары болуы мүмкін.
Қосымша заттар
Трипликсам® бір таблеткасының құрамында 1ммоль кем натрий (23 мг) бар, яғни іс жүзінде болмайды.
Басқа дәрілік препараттармен өзара әрекеттесуі
Гиперкалиемия туындататын препараттар:
Кейбір препараттар немесе емдік кластар гиперкалиемияның туындау жиілігін арттыруы мүмкін: алискирен, калий тұздары, калий жинақтаушы диуретиктер, АӨФ тежегіштері, ангиотензин II рецепторларының антагонистері, ҚҚСП, гепариндер, циклоспорин немесе такролимус сияқты иммуннодепрессанттар, триметоприм. Бұл препараттардың біріктірілімі гиперкалиемия қаупін арттырады.
- Үйлесімді қолдану қарсы көрсетілімді
Алискирен: диабеті немесе бүйрек функциясының бұзылуы бар пациенттерде гиперкалиемия қаупі арта түседі, бүйрек функциясы нашарлайды және жүрек-қантамыр аурулары мен өлім жағдайлары артады.
Экстракорпоральді ем:
қан теріс зарядты беткейлермен жанасатын экстракорпоральді емшаралар: ультрафильтрациялық белсенділігі жоғары жарғақшалар (мысалы, полиакрилонитриндік жарғақшалар) қолданылатын диализ немесе гемофильтрация және декстран сульфаты қолданылатын тығыздығы төмен липопротеиндердің аферезі – ауыр анафилактоидтық реакциялар қаупін арттырады. Ондай ем қажет болған жағдайда, диализге арналған жарғақшаның басқа түрін немесе гипертензияға қарсы дәрінің басқа класынпайдалану керек.
Сакубитрил мен валсартан: периндоприлді сакубитрилмен және валсартанмен бір мезгілде қолдануға болмайды, өйткені, неприлизин мен АӨФ бір мезгілде бәсеңдеуі ангионевроздық ісіну қаупін арттырады. Периндоприлдің соңғы дозасын қабылдау мен сакубитрил және валсартанмен емделуді бастаудың аралығы кемінде 36 сағатты құрауы тиіс. Сакубитрил және валсартанның соңғы дозасын қабылдау мен периндоприлмен емдеуді бастаудың арасында кемінде 36 сағат аралықты ұстау қажет.
- Үйлесімді қолдану ұсынылмайды
Периндоприл/индапамид
Литий: литийді АӨФ тежегіштерімен үйлесімді қабылдағанда сарысудағы литий концентрациясының қайтымды ұлғаюы және уыттылығы анықталды. Периндоприлді индапамидпен біріктірілімде литиймен бір мезгілде қабылдау ұсынылмайды, бірақ егер бұл қажет болса, сарысудағы литий деңгейін мұқият бақылау керек.
Периндоприл
Алискирен: диабеті немесе бүйрек функциясының бұзылуыжоқ пациенттерде гиперкалиемия қаупі жоғарылайды, бүйрек функциясы нашарлайды және жүрек-қантамыр аурулары және өлім жағдайы көбейеді
АӨФ тежегіштерімен және ангиотензин рецептор блокаторларымен үйлесімді қолдану:
Әдебиеттерде атеросклероз, жүрек жеткіліксіздігі немесе шеткі ағзалардың зақымдалуынсыз диабет анықталған пациенттерде АӨФ тежегішімен және ангиотензин рецепторларының бөгегіштерімен үйлесімді емдеу гипотензияның, естен танулардың, гиперкалиемияның және бүйрек функциясы нашарлауының (бүйрек функциясының жедел бұзылуын қоса) жиілігінің ренин-ангиотензин-альдостерон жүйесімен монотерапиямен салыстырғанда жоғарырақ болуына әкелетіні еске алынады. Қосарлы блокада (мысалы, АӨФ тежегішін ангиотензин II рецепторларының антагонисімен біріктіру) бүйрек функциясын, калий мен артериялық қысым деңгейлерін мұқият қадағалай отырып, белгілі бір жеке-дара жағдайлармен шектелуі тиіс.
Эстрамустин: ангионевроздық ісіну сияқты жағымсыз әсерлерінің ұлғаю қаупі (Квинке ісінуі).
Калий жинақтаушы препараттар (мысалы, триамтерен, амилорид), калий (тұздар):
Гиперкалиемия (потенциалды түрде өлімге соқтыратын), әсіресе бүйрек функциясы бұзылуымен бірге(аддитивті гиперкалиемиялық әсері). Периндоприлді жоғарыда аталған препараттармен біргеқабылдау ұсынылмайды. Егер жоғарыда аталған препараттармен біріктіріліп қолдануқажет болса, оларды сақтықпен қабылдау керек, және сарысудағы калий деңгейіне жиі бақылау жүргізу керек. Жүрек жеткіліксіздігінде спиронолактонды пайдалану туралы ақпарат «Препараттарды біріктіріліп қолдану айрықша сақтықты талап етеді» бөлімінде келтірілген.
Ко-тримоксазол (триметоприм/сульфаметоксазол):
Ко-тримоксазолды (триметоприм/сульфаметоксазол) бір мезгілде қолдану гиперкалиемия қаупін арттырады
Амлодипин
Дантролен (инфузия): қарыншалық фибрилляция және жүрек-қантамырлық коллапстың верапамил қабылдағаннан кейін және вена ішіне дантролен енгізуден кейінгі гиперкалиемияға байланыстылығы анықталды. Қатерлі гипертермияны емдегенде қатерлі гипертермияға бейім пациенттерде гиперкалиемия қаупінен амлодипин сияқты кальций өзекшелері бөгегіштерін біріктіріліп қолданудан аулақ болу ұсынылады.
Грейпфрут немесе грейпфрут шырыны:
Кейбір пациенттерде биожетімділігі жоғарылауы мүмкін және гипотензиялық қасиеттері күшеюіне әкелуі мүмкін.
- Үйлесімді қолдану айрықша сақтықты талап етеді
Периндоприл/индапамид
Баклофен: гипертензияға қарсы әсері артады. Артериялық қысымды бақылау керек және тиісінше гипертензияға қарсы дәрілер дозасын өзгерту керек.
Қабынуға қарсы стероидты емес дәрілік заттар (жоғары дозалардағы ацетилсалицил қышқылын қоса):
Қабынуға қарсы препараттармен (яғни қабынуға қарсы дозадағы ацетилсалицил қышқылы, ЦОГ-2тежегіштері және селективті емес ҚҚСД) АӨФ тежегіштерін бір мезгілде тағайындағанда гипертензияға қарсы әсері төмендеуі мүмкін. АӨФ тежегіштерін және ҚҚСД үйлесімде қолдану сарысудағы калий деңгейінің артуына, әсіресе бұрыннан бүйрек функциясы бұзылуы бар пациенттерде, болжамды жедел бүйрек жеткіліксіздігін қоса, бүйрек функциясының нашарлау қаупінің артуына әкелуі мүмкін. Біріктірілімді әсіресе егде жастағы адамдарда сақтықпен қолдану керек. Пациенттер судың жеткілікті мөлшерін қабылдауы тиіс, ал бүйрек функциясы үйлесімді ем басынан, сондай-ақ соңынан мезгіл-мезгіл бақылануы тиіс.
Периндоприл
Диабетке қарсы препараттар (инсулин, ішу арқылы қабылданатынгипогликемиялық препараттар):
АӨФ тежегіштерін және диабетке қарсы препараттарды (инсулин, ішу арқылы қабылданатын гипогликемиялық препараттар) үйлесімді қолданғанда гипогликемия қаупіне және қандағы глюкоза деңгейін төмендететін әсерінің күшеюіне әкелуі мүмкіндігін көрсеткен. Бұл феномен біріктірілген емнің бірінші аптасы ішінде және бүйрек функциясы бұзылуы бар пациенттерде болады.
Калий жинақтамайтын диуретиктер:
АӨФ тежегішімен емдеу басталғаннан кейін, диуретиктерді қабылдап жүрген, әсіресе, сұйықтық және/немесе тұз қорының таусылуы байқалған пациенттерде, артериялық қысым түсіп кетуі мүмкін. Гипотензиялық әсерін диуретикті тоқтатып, периндоприлдің төмен және біртіндеп арттырылатын дозаларымен емдеу басталғанға дейін сұйықтық көлемі мен тұздардың қабылдануын арттыра отырып төмендетуге болады.
Артериялық гипертензия кезінде, диуретиктермен алдыңғы емдеу тұздар/ сұйықтық қорларының таусылуын тудыруы мүмкін болса, АӨФ тежегішімен емдеу басталғанға дейін диуретикті қабылдауды тоқтата тұру керек, содан кейін артынан калий жинақтамайтын диуретикті қосуға немесе АӨФ тежегішін төмен дозасынан бастап, біртіндеп арттыруға болады.
Жүректің іркілісті жеткіліксіздігін диуретиктермен емдеу кезінде АӨФ тежегішін қабылдауды, калий жинақтамайтын диуретиктің дозасын төмендеткеннен кейін, өте төмен дозасынан бастауға болады.
Барлық жағдайларда бүйрек функциясын (креатинин деңгейін) АӨФ тежегіштерін пайдалана отырып емдеудің алғашқы апталары ішінде бақылауға алу керек.
Калий жинақтаушы диуретиктер (эплеренон, спиронолактон):
Бұрын АӨФ тежегіштерін және ілмекті диуретиктер пайдаланған,лықсыту фракциясы <40% және (NYHA) жіктемесі бойынша II-IV класты жүрек жеткіліксіздігін емдеу уақытында эплеренонды немесе спиронолактонды тәулігіне 12,5-50 мг дозадаАӨФ тежегіштерінің төмен дозаларымен бір мезгілде қабылдау, әсіресе, препараттардың бұл біріктірілімін қабылдау ұсынымдарын сақтамаған жағдайларда, өлімге соқтыруы ықтимал гиперкалиемияның даму қаупіне әкеледі.
Аталған біріктірілімді қабылдауды бастағанға дейін гиперкалиемияның және бүйрек функциясы бұзылуының бар-жоқтығын анықтаңыз.
Емнің бірінші айында калиемия және креатинемияға мұқият бақылау, бастапқыда аптасына бір рет, содан кейін айына бір рет жүргізу ұсынылады.
Рацекадотрил: АӨФ тежегіштері (мысалы, периндоприл) ангионевроздық ісінуді туғызуы мүмкін екендігі белгілі. Бұл қауіп рацекадотрилмен (жедел диареяны емдеуге арналған дәрі) бір мезгілде қолданғанда жоғарылай түседі.
mTOR тежегіштері (мысалы, сиролимус, эверолимус, темсиролимус):
Сүтқоректілердің рапамицин нысанасы (mTOR) тежегіштерін бір мезгілде қолдануангионевроздық ісіну қаупін арттырады.
Индапамид
Полиморфты қарыншалық «пируэт» типті тахикардия дамуына әкелетін препараттар:
Гипокалиемия даму қаупі салдарынан, индапамидті төмендегілер сияқты полиморфты қарыншалық «пируэт» типті тахикардия дамуына әкелетін препараттармен үйлесімде сақтықпен қолдану керек:
-IA класының аритмияға қарсы препараттары (квинидин, гидроквинидин, дизопирамид);
-III класының аритмияға қарсы препараттары (амиодарон, дофетилид, ибутилид, бретилиум, соталол);
-кейбір нейролептиктер (хлорпромазин, циамемазин, левомепромазин, тиоридазин, трифлюоперазин), бензамидтер (амисульприд, сульпирид, сультоприд, тиаприд), бутирофенондар (дроперидол, галоперидол), басқа да нейролептиктер (пимозид);
-бепридил, цизаприд, дифеманил, в/і эритромицин, галофантрин, мизоластин, моксифлоксацин, пентамидин, спарфлоксацин, в/і винкамицин, метадон, астемизол, терфенадин сияқты басқа да препараттар.
Төмен калий деңгейініңпрофилактикасы және қажет болғанда түзету: QT аралығын бақылау.
Амфотерицин В (в/і), глюкокортикоид және минералокортикоидтар(жүйелі), тетракозактид, стимулияциялаушы іш жүргізгіштер:
Калий деңгейінің төмендеу қаупінің жоғарылауы (аддитивті әсері). Калий деңгейін бақылау және қажет болғанда түзету; жүрек гликозидтерін пайдаланған емге ерекше назар аударылуы тиіс. Стимуляцияламайтын іш жүргізгіштер пайдалану керек.
Жүрек гликозидтері:
Калий деңгейі төмен болғанда жүрек гликозидтерінің уытты әсері артады.Калий деңгейі мен ЭКГ бақылау және, қажет болса емді қайта қарау керек.
Аллопуринол:
Индапамидпен бір мезгілде қолдану аллопуринолға жоғары сезімталдық реакцияларының жиілігін арттырады.
Амлодипин
CYP3A4 индукторлары:
Белгілі CYP3A4 индукторларымен тағайындағанда плазмада амлодипиннің концентрациясы өзгеруі мүмкін. Сондықтан қатар жүретін емдеу кезінде және одан кейін де артериялық қысымды бақылау және дозаны реттеп отыру қажет. Әсіресе бұлар күшті CYP3A4 индукторлары (мысалы, рифампацин, шілтерлі шайқурай) болғанда.
CYP3A4 тежегіштері:
Амлодипинді CYP3A4 күшті немесе орташа тежегіштерімен (протеаза тежегіштері, зеңге қарсы азольді препараттар, эритромицин немесе кларитромицин сияқты макролидтер, верапамил немесе дильтиазем) үйлестіріп қолдану амлодипин экспозициясының елеулі артуына алып келуі мүмкін. Бұл ФК ауытқуларының клиникалық білінулерінің егде жастағы адамдарда айқындығы басым болуы мүмкін. Сондықтан клиникалық бақылау және доза түзету қажет болуы мүмкін. Кларитромицин мен амлодипинді бір мезгілде қабылдаған пациенттерде, гипотензия қаупі артады. Амлодипин менкларитромицинді бірге тағайындаған кездепациенттерді мұқият бақылау ұсынылады.