Тауарлардың көрінісі фотосуретте көрсетілгеннен өзгеше болуы мүмкін

Синупрет экстракт № 20 табл покрытые оболочкой

3441
Қолжетімділігі
Сатылымда бар
Үлгі
4029799168018
Елі
Германия
Өндіруші
Bionorica AG
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

Cинупрет® экстракт

Саудалық атауы

Cинупрет® экстракт

Халықаралық патенттелмеген атауы

Жоқ

Дәрілік түрі

Қабықпен қапталған таблеткалар

Құрамы

Қабықпен қапталған бір таблетканың құрамында

белсенді заттар:

Дәрілік өсімдік шикізатынан алынған

құрғақ нативті сығынды :

шерменгүл тамыры, тостағаншасы бар наурызгүл гүлдері, қымыздық шөбі, аюбадам гүлі, нарқайсар шөбі (1:3:3:3:3), (3-6:1, экстрагент – 59% этанол к/к) – 160 мг

қосымша заттар:

таблетканың ядросында:

аравия шайыры, кальций карбонаты (Е 170), целлюлоза, микрокристаллды целлюлоза, магний стеараты, гидрофобты кремнийдің қостотығы, мальтодекстрин;

қабықтың құрамында:

кальций карбонаты (Е 170), карнауб балауызы, микрокристаллды целлюлоза, 25% хлорофилл ұнтағы (Е 141), декстрин, глюкоза шәрбаты, гипромелоза, индигокармин (алюминий лагы)(Е 132), рибофлавин (Е 101), стеарин қышқылы, сахароза, тальк, титанның қостотығы (Е 171)

Сипаттамасы

Дөңгелек пішінді, қабықпен қапталған, екі жағы дөңес және беті тегіс жасыл түсті таблеткалар.

Фармакотерапиялық тобы

Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімді қоспағанда.Қақырық түсіретін препараттар. Қақырық түсіретін препараттардың біріктірілімі

АТХ коды R05CA10

Фармакологиялық қасиеттері

Фармакокинетикасы

Өсімдіктен жасалған біріктірілген препараттардың фармакокинетикалық параметрлеріне бөлек зерттеулер жүргізу қажет емес.

Фармакодинамикасы

Өсімдіктен жасалған біріктірілген дәрілік препарат.

Фармакологиялық қасиеттері препараттың құрамына кіретін биологиялық белсенді заттармен шартталған. Синупрет® экстракты секретолитикалық, қабынуға қарсы, вирусқа қарсы әсер етеді. Асқынулардың алдын ала отырып, мұрынның қосалқы қойнауларынан және жоғарғы тыныс алу жолынан экссудаттың шығарылуына ықпал етеді.

Қолданылуы

Тұтқыр секреттің пайда болуымен қатар жүретін жедел және созылмалы риносинуситтер (этмоидиттер, фронтиттер, гаймориттер).

Қолдану тәсілі және дозалары

Ересектерге: 1 таблеткадан күніне 3 рет

Емдеу курсы 7-14 күнді құрайды.

Ең жоғарғы ұсынылатын тәуліктік дозасы – 3 таблетка.

Таблеткаларды шайнамай, судың аздаған мөлшерімен іше отырып, жұтады.


Жағымсыз әсерлері

Жағымсыз реакциялардың жиілігін бағалау үшін келесі шкаланы пайдаланады:

Өте жиі (≥1/10) – яғни препаратты қолданудың 10 жағдайына 1 жағдайдан артық;

Жиі (≥1/100-ден <1/10 дейін) – яғни 100-ге 1 жағдайдан артық, дегенмен препаратты қолданудың 10 жағдайына 1 жағдайдан кем;

Жиі емес (≥1/1000-нан <1/100 дейін) – яғни 1000-ға 1 жағдайдан артық, дегенмен препаратты қолданудың 100 жағдайына 1 жағдайдан кем;

Сирек (≥ 1/10000-нан <1/1000 дейін) - яғни 10000-ға 1 жағдайдан артық, дегенмен препаратты қолданудың 1000 жағдайына 1 жағдайдан кем;

Өте сирек (<1/10000) - яғни препаратты қолданудың 10000 жағдайына 1 жағдайдан кем;

Белгісіз – қолда бар деректердің негізінде жиілігін анықтау мүмкін емес.

Келесі мүмкін болатын жағымсыз әсерлер:

Асқазан-ішек жолының тарапынан:

- жиі – асқазан-ішек бұзылыстары (жүрек айну, метеоризм, диарея, ауыздың құрғауы, іштің ауыруы)

Иммундық жүйе тарапынан:

- жиі емес – терінің аса жоғары сезімталдық реакциялары (тері бөртпесі, терінің қызаруы, терінің және көздің қышынуы)

- белгісіз – жүйелік аллергиялық реакциялар (ангионевроздық ісіну, демікпе, беттің ісінуі)

Жүйке жүйесі тарапынан:

- жиі емес – бас айналу

Жоғарыда сипатталған немесе басқа жағымсыз әсерлер пайда болғанда препаратты қабылдауды тоқтатып, дәрігерге барған жөн.

Қолдануға болмайтын жағдайлар

- препараттың кез-келген компонентіне жоғары сезімталдық

- 18 жасқа дейінгі балалар және жасөспірімдер

- асқазанның және он екі елі ішектің ойық жаралы ауруы

- фруктозаны көтере алмаушылық, сахароза-изомальтазалық жеткіліксіздік, глюкоза-галактоза мальабсорбциясы

Дәрілермен өзара әрекеттесуі

Басқа дәрілік заттармен өзара әрекеттесуі қазіргі уақытқа дейін белгісіз. Басқа дәрілік заттармен арнайы зерттеулер жүргізілген жоқ, сондықтан Синупрет экстрактымен бір мезгілде қабылданатын басқа дәрілермен әсері артуы немесе төмендеуі мүмкін екендігін жоққа шығаруға болмайды.


Айрықша нұсқаулар

Егер симптомдары 7-14 күннен астам сақталса немесе мерзімді қайталанса, дәрігермен кеңескен жөн.

Температура көтерілген, мұрыннан қан кеткен, қатты ауырған, мұрыннан шырышты-іріңді бөлініс, көру бұзылған, беттің ассиметриясы мен ұйыған жағдайда дәрігерден кеңес алған жөн, себебі көрсетілген симптомдар риносинуситтердің барлық формалары үшін күшті болып есептеледі.

Асқазан-ішек жолы ауруларының асқынуы сатысындағы пациенттерге Синупрет® экстрактын сақтықпен, стақан су ішумен тамақтан кейін қабылдау қажет.

Диабетиктер үшін ақпарат:

1 таблетканың құрамында орташа есеппен 0,02 «нан бірлігі» бар

Жүктілік және лактация кезеңі

Жүктілік және емшек емізу кезінде қолдануға болмайды (клиникалық деректердің жеткіліксіздігінен).

Көлік құралын немесе қауіптілігі зор механизмдерді басқару қабілетіне ықпал ету ерекшеліктері

Ұсынылған дозада препарат көлікті басқару және қауіптілігі зор механизмдермен жұмыс істеу қабілетіне әсер етпейді.

Артық дозалануы

Артық дозалану жағдайлары туралы хабарланған жоқ. Артық дозалану жағдайында «Жағымсыз әсерлері» бөлімінде сипатталған жағымсыз әсерлер айқын болуы мүмкін. Бұл жағдайда препаратты қабылдауды тоқтатып, дәрігерге барған жөн. Артық дозалану кезінде емдеу-симптоматикалық.

Шығарылу түрі және қаптамасы

10 қабықпен қапталған таблеткадан алюминий фольгадан және ПВХ/ПВДХ үлбірден жасалған пішінді ұяшықты қаптамаға салынады.

2 немесе 4 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Түпнұсқалық қаптамада, 30о С-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Бионорика СЕ, D-92308 Ноймаркт/Германия

Тіркеу куәлігінің иесі

Бионорика СЕ, D-92308 Ноймаркт/Германия

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын, және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«Бионорика КАЗ» ЖШС

РК, 050060, Алматы қ., Жароков көшесі, 331 үй., тел: 250-93-99

e-mail: info@bionorica.kz

Дәріханалар

Тауар артығымен бар
Тауар аз қалды
Аптека №184
мкр Центральный 47
9:00-21:00