Сертозин раствор д/инъекций 1000 мг/4 мл № 5 амп

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Сертозин

Халықаралық патенттелмеген атауы

Цитиколин

Дәрілік түрі, дозасы

Инъекцияға арналған 500 мг/4 мл, 1000 мг/4 мл ерітінді

Фармакотерапиялық тобы

Жүйке жүйесі. Психоаналептиктер. Зейін тапшылығы және аса жоғары белсенділік кезінде қолданылатын психостимуляторлар (ADHD -Attention deficit hyperactivity disorder) және ноотропты дәрілер.Басқа психостимуляциялаушы және ноотропты дәрілер. Цитиколин.

АТХ коды N06ВХ06

Қолданылуы

- жедел және жеделге жуық фазалардағы инсультпен байланысты неврологиялық және когнитивтік бұзылуларды емдеуде

- бассүйек жарақатымен байланысты неврологиялық және когнитивтік бұзылуларды емдеуде

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- цитиколинге немесе препараттың қосымша компоненттерінің кез келгеніне аса жоғары сезімталдық

- парасимпатикалық жүйке жүйесінің гипертониясы бар пациенттер

Басқа дәрілік препараттармен өзара әрекеттесуі

Цитиколин құрамында леводопа бар препараттардың әсерін күшейтеді.

Препаратты құрамында центрофеноксин немесе меклофеноксат бар дәрілік заттармен бір мезгілде тағайындауға болмайды.

Арнайы ескертулер

Вена ішіне енгізу баяу (дозасына байланысты 3-тен 5 минутқа дейін) болуы тиіс.

Вена ішіне тамшымалы инфузия түріндегі енгізу кезінде перфузия жылдамдығы минутына 40-тан 60 тамшыға дейін құрауы тиіс.

Персистерлейтін бассүйекішілік қан құйылу жағдайында вена ішіне өте баяу енгізгенде (минутына 30 тамшы) күніне 1000 мг дозадан асырмау ұсынылады.

Жүктілік және лактация

Жүкті әйелдерде цитиколинді қолдану туралы деректер жеткіліксіз.

Препаратты жүктілік кезінде, айқын қажеттілік жағдайларынан басқа, яғни күтілетін емдік пайдасы кез келген ықтимал қауіптен асып кеткен жағдайларда қолдануға болмайды.

Цитиколиннің емшек сүтіне шығарылуы және оның шаранаға әсері туралы деректер белгісіз. Сондықтан, емшек сүтімен емізу кезінде препараттың ана үшін күтілетін пайдасы шарана үшін ықтимал қауіптен асып кеткен кезде ғана тағайындалады.

Көлік құралын немесе ықтимал қауіпті механизмдерді басқару қабілетіне әсер ету ерекшеліктері

Сертозин психомоторлық реакциялардың жоғары жылдамдығын талап ететін автокөлік жүргізу және механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

Препаратты бұлшықет ішіне, вена ішіне баяу (дозасына байланысты 3-тен 5 минутқа дейін) немесе вена ішіне тамшымалы инфузия түрінде енгізуге болады.

Вена ішіне тамшымалы инфузия түріндегі енгізу кезінде перфузия жылдамдығы минутына 40-тан 60 тамшыға дейін құрауы тиіс.

Бұл препараттың құрамы қажет болған жағдайда пероральді қабылдауға мүмкіндік береді. Ампуланың ішіндегісін тікелей немесе жарты стақан суда (120 мл) еріту арқылы қабылдауға болады.

Ампуладағы инъекцияға арналған ерітінді бір рет қолдануға арналған. Ампуланы ашқаннан кейін ерітіндіні дереу пайдалану керек. Пайдаланылмаған препаратты тастау керек. Препарат вена ішіне изотоникалық ерітінділердің барлық түрлерімен үйлесімді. Оны гипертониялық глюкоза ерітіндісімен де араластыруға болады.

Ересектер

Ұсынылатын доза жағдайдың ауырлығына байланысты тәулігіне 500 мг-ден 2000 мг-ға дейін құрайды.

Пациенттердің ерекше топтары

Егде жастағы науқастар

Осы жас тобы үшін дозаны қандай да бір нақты түзету қажет емес.

Балалар

Балаларда қолдану тәжірибесі шектеулі. Сондықтан препаратты күтілетін пайда кез келген ықтимал қауіптен асып кетсе ғана қолдану керек.

Енгізу әдісі және жолы

Вена ішіне немесе бұлшықет ішіне енгізу үшін.

Артық дозаланған жағдайда қолдану қажет шаралар

Препарат уыттылығының төмен болуына байланысты, тіпті емдік дозалардан кездейсоқ асып кетсе де, уыттану жағдайлары күтілмейді.

Кездейсоқ артық дозаланғанда симптоматикалық ем тағайындалады.

Препаратты қолдану әдісін түсіндіру үшін медициналық маманнан кеңес алу ұсынылады.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Өте сирек

• елестеулер
• бас ауыру, бас айналу
• артериялық гипертензия, артериялық гипотензия
• ентігу
• жүрек айнуы, құсу, эпизодтық диарея
• гиперемия, уртикария, экзантема, пурпура
• қалтырау, ісіну

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір ампуланың ішінде

белсенді зат – 522.52 мг немесе 1045.04 мг натрий цитиколині (500.0 мг немесе 1000.0 мг цитиколинге баламалы)

қосымша заттар: натрий гидроксиді, хлорсутек қышқылы, инъекцияға арналған су.

Сыртқы түрінің, иісінің, дәмінің сипаттамасы

Мөлдір, түссіз немесе қоңыр-сары ерітінді.

Шығарылу түрі және қаптамасы

4 мл препараттан түссіз шыны ампулаларға құйылады.

5 ампуладан пішінді ұяшықты қаптамаға салады. 1 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Сақтау шарттары

Жарықтан қорғалған жерде25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәлімет

ФармаВижн Сан. ве Тидж. А.Ш.,

Давутпаша Джаддеси №145 Топкапы, Зейтинбурну/Стамбул, Түркия

Тіркеу куәлігінің ұстаушысы

Др. Сертус Илач Санайи Ве Тиджарет Лимитед Ширкети,

15 Теммуз Мах., Джами Йолу Джад. № 50, Гириш Кат, Багджылар, Стамбул, Түркия

Тел.: +90 (212) 474 70 50, Факс: +90 (212) 474 09 01, info@drsertus.com.tr

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«РИН Фарм» ЖШС, Қазақстан Республикасы, Алматы қ., Сүйінбай д-лы, 222 б

Тел/факс: 8 (7272) 529090, электронды пошта: rin_pharma@mail.ru

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«TROKA-S PHARMA» ЖШС, Алматы, Сүйінбай д-лы 222 б

Ұялы тел: +7 701 786 33 98, е-mail: pvpharma@worldmedicine.kz

Дәріханалар

Қалалар