Біздің компаниямыз жайлы жалпы ақпарат.
Дәрілік препаратты медициналық
қолдану жөніндегі нұсқаулық (Қосымша парақ)
Саудалық атауы
Салицил қышқылы
Халықаралық патенттелмеген атауы
Жоқ
Дәрілік түрі, дозасы
Сыртқа қолдануға арналған спиртті ерітінді, 1%
Фармакотерапиялық тобы
Дерматология. Тері ауруларын емдеуге арналған зеңге қарсы препараттар. Жергілікті қолдануға арналған зеңге қарсы препараттар. Жергілікті қолдануға арналған зеңге қарсы басқа да препараттар. Салицил қышқылы.
АТХ коды D01AE12
Қолданылуы
Қолдануды бастағанға дейін қажетті мәліметтер тізбесі
Қолдануға болмайтын жағдайлар
Қолдану кезінде қажетті сақтық шаралары
Дәрілік затты шырышты қабаттарға, туғаннан бар қалға, түкті сүйелге, гениталий немесе бет аймағындағы сүйелдерге жағуға болмайды.
Дәрі шырышты қабатқа тиіп кеткен жағдайда тиісті аймақты судың мол мөлшерімен жуып шайыңыз. Гиперемия және қабынумен (оның ішінде псориаздық эритродермияда) немесе беткейлік суланған зақымданулармен жүретін тері ауруларында салицил қышқылының сіңірілуініңкүшеюі мүмкін екендігін ескеру керек.
Басқа дәрілік препараттармен өзара әрекеттесуі
Салицил қышқылы жергілікті қолдануға арналған басқа дәрілік заттардың сіңірілуін күшейте отырып, теріден өту қабілетін арттыруы мүмкін.
Сіңірілген салицил қышқылы метотрексат пенпероральді гипогликемиялық ДЗ, сульфонилмочевина туындыларының жағымсыз әсерін күшейтуі мүмкін. Гепаринмен емнің әсерін күшейтеді және қан кетуге түрткі болуы мүмкін. Пиразинамидпен индукцияланған гиперурикемияны бәсеңдетеді.
Пробенецид, сульфинпиразон мен фенилбутазонның подаграға қарсы әсерін бәсеңдетеді.
Салицил қышқылын жергілікті қолданғандақұрамында ацетилсалицил қышқылы және басқа да қабынуға қарсы стероидты емес дәрілер бар дәрілік заттарды, тал қабығы негізінде жасалған препараттардыбір мезгілде пероральді қолдануға болмайды.
Ерітінді резорцинмен(ерітуші қоспалар түзеді) және мырыш тотығымен (ерімейтін мырыш салицилаты) фармацевтикалық үйлеспейді.
Арнайы ескертулер
Педиатрияда қолдану
Балаларда қолдану сақтықты талап етеді. Балаларды емдегенде терінің бірнеше бөлігін бір мезгілде өңдеуге болмайды.
Жүктілік немесе лактация кезінде
Дәрілік затты жүктілік және бала емізу кезеңінде қолдануға болмайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Дозалау режимі
Енгізу әдісі және жолы
Сыртқа.
Емдеу ұзақтығы
Емдеу курсы - 1 аптадан асырмай.
Артық дозаланған жағдайда қолдану қажет шаралар
Жергілікті қолданғанда артық дозалану мүмкіндігі төмен. Әйтсе де, дәрілік заттың үлкен дозасын бір мезгілде жаққанда оныңкератолитикалық әсері күшеюі және аллергиялық реакция байқалуы мүмкін. Бұл жағдайдапрепаратты сумен жуып шайып жіберіп, дәрігердің кеңесіне жүгіну керек. Емісимптоматикалық. Салицил қышқылы ішке түскенде асқазанның шырышты қабаты тітіркенуі мүмкін, асқазан аймағыныңауыруы, жүрек айнуы, кейде құсу пайда болады. Ішке қабылдағанда сілтілендіретін ерітінділерді (натрий гидрокарбонаты) қолданумен судың мол мөлшерімен зондтың көмегімен асқазанды шаюкерек. Зардап шегуші адамға құсуды индукциялау жолыменасқазанды шаюға болмайды.
Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар
Кез келген жағымсыз реакциялар туындаған жағдайда дәрігерге жүгіну керек.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қолдану керек шаралар
Сирек
Тері тарапынан өзгерістер болуы мүмкін: қышыну, күйдіру секілді жергілікті реакциялар; құрғақтық, терінің түлеуі, тітіркенуі, жанаспалы дерматит, препаратты тоқтату талап етілуі мүмкін аллергиялық реакциялардың көріністері (есекжем, қышыну).
Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек
Қазақстан Республикасы Денсаулық сақтау министрлігі «Тауарлар мен көрсетілетін қызметтердің сапасы мен қауіпсіздігін бақылау комитеті» «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
Дәрілік препараттың құрамы
белсенді зат – салицил қышқылы,1.0 г
қосымша заттар: 95%этил спирті, тазартылған су.
Сыртқы түрінің, иісінің, дәмінің сипаттамасы
Спирт иісі бар мөлдір түссіз сұйықтық.
Шығарылу түрі және қаптамасы
40 мл-ден дәрілік затқа арналған бұрандалы қақпағы бар полиэтилен құтыда немесе тығыздағыш элементі барполиэтилен қақпақты немесе бұрандалы қақпағы және полиэтилен тығынмен тығындалған бұрандалы мойны бар шыны массадан жасалған құтыда.
Құтыларға өздігінен желімделетін заттаңба немесе заттаңбалық немесе жазуқағазынан жасалған заттаңбалар жапсырылады.
Құтылар медициналық қолдану жөніндегі қазақ және орыс тілдеріндегі нұсқаулықтың сәйкессанымен бірге орама қағаздан жасалған бумаларға немесе қораптық картоннан жасалған қорапқа немесе жылу ұстайтын полиэтилен үлбірге немесе гофрланған картоннан жасалған жәшіктерге салынады.
Сақтау мерзімі
2 жыл
Жарамдылық мерзімі өткеннен кейін қолдануға болмайды!
Сақтау шарттары
Жарықтан қорғалған жерде, жақсы тұмшаланған ыдыста, 30 оС-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәлімет
«Фармация 2010» ЖШС, Қазақстан Республикасы, 100019, Қарағанды қ.,Чкалов к-сі, 7, тел./факс.: 8 (7212) 42-67-34, e-mail: farmaciyakrg@mail.ru
Тіркеу куәлігінің ұстаушысы
«Фармация 2010» ЖШС, Қазақстан Республикасы, 100019, Қарағанды қ.,Чкалов к-сі, 7, тел./факс.: 8 (7212) 42-67-34, e-mail: farmaciyakrg@mail.ru
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Фармация 2010» ЖШС, Қазақстан Республикасы, 100019, Қарағанды қ.,Чкалов к-сі, 7, тел./факс.: 8 (7212) 42-67-34, e-mail: farmaciyakrg@mail.ru
