Прополиса 10%, 25 мл, настойка, шт

Сипаттама

Дәрілік заттың медицинада қолданылуы

жөніндегі нұсқаулық

Прополис тұндырмасы

Саудалық атауы

Прополис тұндырмасы

Халықаралық патенттелмеген атауы

Жоқ

Дәрілік түрі

Тұндырма, 25 мл

Құрамы

25 мл препараттың құрамында

белсенді зат - прополис 2,5 г,

қосымша заттар: этанол 95 %, тазартылған су

Сипаттамасы

Прополиске тән иісі бар, қызыл-қоңыр түсті мөлдір сұйықтық.

Фармакотерапиялық тобы

Жаралар мен ойық жараларды емдеуге арналған препараттар. Шамадан тыс тыртықтануды емдеуге арналған препараттар. Шамадан тыс тыртықтануды емдеуге арналған басқа да препараттар.

АТХ коды DO3АХ

Фармакологиялық қасиеттері

Препарат омарташылық өнімі – прополистен дайындалған, оның құрамындашайыр, балауыз, эфир майларының қоспасы, бірқатар табиғи қосылыстар: флавоноидтар, даршын қышқылы тұздары, бензой қышқылы бар. Құрамының осындай болуына қарай, препарат бактериостатикалық, бактерицидтік, жараны жазатын, қабынуға қарсы, фунгицидті, аллергияға қарсы және биостимуляциялаушы әсер береді.

Қолданылуы

- тері мен шырышты қабықтардың микрожарақаттары және беткейлік зақымдануларында

- іріңді отитте

- фарингит және тонзиллитте

- гайморитте

- парадонтозда

Қолдану тәсілі және дозалары

Сыртқа, жергілікті, ингаляция түрінде.

- тері жабындарының беткейлік зақымдануында (микрожарақаттар) зақымданған бөлікті Прополис тұндырмасына малынған тампонмен күніне 1-3 рет өңдейді. Созылмалы іріңді отит кезінде іріңінен мұқият тазалағаннан кейін құлаққа Прополис тұндырмасына малынған тампонды, 1-2 минутқа күніне 2-3 рет енгізеді немесе күніне 3-4 рет 1-2 тамшыдан.

– фарингит және тонзиллит кезінде күніне 1-2 рет 6-7 күн бойы бадамша безіне жағады, ингаляция түрінде 1:20 арақатынаста сумен араластырып,күніне 1-2 ингаляция, емдеу курсы 7-10 күн.

– гайморит кезінде мұрынның қосалқы қойнауларын 1:10 арқатынастағы натрий хлориді изотониялық ерітіндісі қосылған Прополис тұндырмасының қоспасымен 14 күн бойы жуып-шаяды- пародонт ауруларында пародонт қалталарына Прополис тұндырмасын турунда түрінде 5 минутқа енгізеді

- ауыз қуысы шырышты қабығының зақымдануларында Прополис тұндырмасын ½ стақан жылы суда 30-40 тамшы тұндырманы ерітіп, шаю түрінде күніне 4-5 рет 3-4 күн бойы қолданады.

Жағымсыз әсерлері

- препарат компоненттеріне аллергиялық реакциялар (қызару, бөртпе, қышыну, күйдіру)

Қолдануға болмайтын жағдайлар

- препарат компоненттеріне, омарташылық өнімдеріне жоғары сезімталдық

- аллергиялық аурулар

- жедел экзема

- 12 жасқа дейінгі балалар

- тері мен шырышты қабықтардағы қанап тұрған жаралар

Дәрілермен өзара әрекеттесуі

Отолорингология, стоматология, дерматология тәжірибесінде кешенді емдеуде микробқа қарсы химиотерапиялық дәрілермен бірге тағайындайды, организмнің жұқпаға қарсыласуын жоғарылататын, ауырғанды басатын, бактерияға қарсы, қабынуға қарсы, сіңіру және регенеративтік жақсы әсерінің есебінен олардың тиімділігін жақсартады. Антисептикалық дәрілермен немесе басқа да омарташылық өнімдермен араластыру ұсынылмайды.

Айрықша нұсқаулар

Аллергиялық реакциялар дамығында препарат қолдануды тоқтатқан жөн.

Жүктілік және лактация кезеңі

Препаратты жүктілік және лактации кезеңінде қолдануға болмайды.

Ішке қолдануға болмайды!

Бронх демікпесімен, экземамен, диатезбен, есекжеммен қандай да бір аллергиялық аурулары бар адамдар, әсіресе жоғары концентрацияда (30-40%), прополиспен ингаляция жасауға сақтықпен қарағандары жөн, өйткені шырышты қабықты ұзақ уақыт шаю прополиске сенсибилизациясына (аллергия туындауына) әкелуі мүмкін.

Жағымсыз әсерлері пайда болғанда препарат қабылдауды тоқтату керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Препарат құрамында этил спирті бар. Емдеу кезеңінде автокөлік жүргізгенде және жоғары зейін қою мен психомоторлық реакциялар жылдамдығын қажет ететін қауіптілігі зор қызмет түрлерімен айналысқанда сақ болу қажет.

Артық дозалануы

Симптомдары: жағымсыз әсерінің күшеюі.

Емі: 0,9% натрий хлориді ерітіндісі - 400 мл, 10 мл натрий тиосульфаты – көктамыр ішіне, В6 және С витамині, белсендірілген көмір – 2,0 г.

Шығарылу түрі мен қаптамасы

25 мл препараттан полиэтилен тығындармен және бұрандалы қақпақтармен тығындалған қызыл-сары шыны құтыда.

50 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге топтық қаптама-картон қорапқа салынады.

Сақтау шарттары

8 ⁰ С-ден 15 ⁰ С-ге дейінгі, суық немесе салқын, жарықтан қорғалған, оттан алыс жерде сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Ақсу - Дэен» БК ЖШС, Қазақстан Республикасы, Шығыс – Қазақстан облысы, Катон – Қарағай ауданы, Ақсу а.

Тел. 8-7233-3025137, Алматыда 8-727-263 96 93, 385-72-97

Тіркеу куәлігінің иесі

“Ақсу-Дэен” БК ЖШС,Қазақстан

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

Алматы қ., 8-727-263-96-93, 385-72-97,e-mail:nagima1407@mail.ru

Дәріханалар

Қалалар