Оргил 500 мг, №10, табл.

Сипаттама

Дәрілік затты медициналық қолдану

жөніндегі нұсқаулық

ОРГИЛ^®

Саудалықатауы

ОРГИЛ^®

Халықаралықпатенттелмеген атауы

Орнидазол

Дәрілік түрі

Үлбірлі қабықпен қапталған таблеткалар 500 мг

Құрамы

Үлбірлі қабықпен қапталған бір таблетканың құрамында

белсенді зат – 500 мг орнидазол,

қосымша заттар: микрокристалды целлюлоза, жүгері крахмалы, натрий кроскармеллозасы, магний стеараты, тазартылған су.

қабықтың құрамы: Опадрай 03В53217 қызғылт-сары*

*- қабықтың құрамы: FD&C сары № 6 алюминий лагы (AP0072), полиэтиленгликоль, FD&C сары № 6 алюминий лагы (AP0024), гипромеллоза, титанның қостотығы (Е 171).

Сипаттамасы

Дөңгелек пішінді, қызғылт-сары түсті қабықпен қапталған таблеткалар.

Фармакотерапиялық тобы

Паразитке қарсы препараттар, инсектицидтер және репелленттер. Протозойға қарсы препараттар. Амебиазды және басқа протозойлық инфекцияларды емдеуге арналған препараттар. Нитроимидазол туындылары. Орнидазол

АТХ коды P01AB03

Фармакологиялық қасиеттері

Фармакокинетикасы

Орнидазол ішке қабылдағанда жеңіл және жылдам сіңеді. Биожетімділігі 90% құрайды. Плазмадағы ең жоғары концентрациясына қабылдағаннан кейін 3 сағаттан соң жетеді. Ақуыздармен байланысуы шамамен 13% жуықты құрайды. Жұлын сұйықтығына, организмнің басқа да сұйықтықтары мен тіндеріне өтеді. Орнидазол бауырда метаболизденеді. Жартылай шығарылу кезеңі 13 сағатты құрайды. Препараттың несеппен 63 %-ға дейін, ал ішек арқылы – 22%-ға дейін шығарылады

Фармакодинамикасы

ОРГИЛ®– протозойға қарсы дәрі, 5-нитроимидазолдың туындысы. Протозойлық және бактериялық инфекцияларды емдегенде тиімділігі жоғары. Trichomonas vaginalis,Entomoeba histolytica, Giardia lamblia (Giardia intestinalis), сондай-ақ Bacteroides spp. және Clostridium spp., Fusobacterium spp. сияқты кейбір анаэробты бактерияларға және анаэробты кокктарға қатысты белсенді.

Қолданылуы

- трихомониазда (трихомонадты вульвовагинит, уретрит, бартолинит, цервицит, простатит, аднексит)

- амебиазда (амебалы дизентерия, ішектен тыс амебиаз, оның ішінде бауырдың амебалы абсцессі)

- лямблиозда

- хирургиялық және гинекологиялық араласулардан кейінгі анаэробты инфекциялардың профилактикасы үшін

Қолдану тәсілі және дозалары

ОРГИЛ^® таблеткаларын тамақтанудан кейін қабылдайды.

Трихомониаз: 500 мг (1 таблетка) тәулігіне 2 рет (таңертең және кешке) 5 күн бойы немесе бір рет 1.5 г (3 таблетка) кешке. Бактерияға қарсы әсеріне қол жеткізу үшін қосымша қынаптық таблеткаларды қолдану ұсынылады.

Инфекцияны қайта жұқтырмау үшін жыныстық жұптасына да емдеу курсын жүргізу қажет.

Ішек амебиазында: 1.5 г (3 таблетка) тәулігіне 1 рет, дене салмағы 60 кг астам болғанда - тәулігіне 2 г (4 таблетка: 2 таблетка таңертең және 2 таблетка кешке). Емдеу курсы - 3 күн.

Ішектен тыс амебиазда: 0.5 г (1 таблетка) ішке, 5-10 күн бойына таңертең және кешке.

Лямблиозда: ішке, тәулігіне 1.5 г (3 таблетка). Емдеу курсы - 1-2 күн.

Анаэробты бактериялардан туындаған инфекциялардың профилактикасы: операция алдында 0.5-1 г (1-2 таблеткадан), операциядан кейін - 1 таблеткадан 3-5 күн бойына тәулігіне 2 рет.

Жағымсыз әсерлері

- диспепсия, АІЖ функциясының бұзылуы (оның ішінде жүрек айнуы), дәм сезудің бұзылуы

- аллергиялық реакциялар (тері бөртпесі, қышыну)

Сирек:

- полиурия (ангиотензин II-рецепторларын ішінара бөгеуі мүмкін)

- ұйқышылдық, бас ауыру, бас айналу, қажығыштық, уақытша естен тану,

ОЖЖ (атаксия, дизартрия, тремор, құрысулар) жәнешеткері жүйкелердің (күйдіру сезімі, аяқ-қол ұюы, парестезиялар) зақымдануы

- лейкопоэзді басуы

-«бауыр» ферменттері белсенділігінің өзгеруі, аллергиялық реакциялар

Қолдануға болмайтын жағдайлар

- препаратқажоғары сезімталдық

- орталық жүйке жүйесінің аурулары (эпилепсия, мидың зақымдануы, жайылған склероз)

- созылмалы алкоголизм

- жүктілік және лактация кезеңі

- 18 жасқа дейінгі балалар

Дәрілермен өзара әрекеттесуі

ОРГИЛ® кумаринді қатардағы антикоагулянттардың әсерін күшейтеді, векуроний бромидінің миорелаксациялаушы әсерін ұзартады.

Басқа 5-нитроимидазол туындыларымен бірге қолданғанда шеткері невропатия, депрессия эпилепсия түріндегі құрысулар байқалуы мүмкін.Орнидазол альдегиддегидрогеназаны тежемейді, сондықтан алкогольмен өзара әрекеттеспейді.

Микросомалалық ферменттер тежегіштерімен (барбитураттар, бензодиазепиндер, рифампициндер және т.б.) бір мезгілде қолдану орнидазолдың сарысуда жартылай ыдырау кезеңін қысқартады. Микросомалалық ферменттердің тежегіштері (циметидин, макролидтер және т.б.) орнидазолдың жартылай ыдырау кезеңін ұзартады.

Нейроуытты және гемауытты препараттармен ОРГИЛ® біріктірілімі ұсынылмайды.

Айрықша нұсқаулар

Трихомониазды емдеген кезде жұптастардың екеуін де емдеу керек.

Бүйрек функциясының ауыр жеткіліксіздігінде, сондай-ақ егде жастағы науқастарда жасерекшелігіне байланысты бауыр функциясының жеткіліксіздігіне байланысты дозалауды төмендетуді қарастырған жөн.

Орталықжүйке жүйесініңаурулары бар (органикалық ауруларда және құрысу реакцияларына бейімділікте) науқастарға және қан түзу жүйесі, бауыр аурулары, маскүнемдік кезінде сақтықпенқабылдау керек.

ОРГИЛ^® құрамында әр таблеткада 1 ммоль аздау натрий (23 мг) бар, яғни шын мәнінде «натрий жоқ».

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын басқару, дәлдікті және реакция жылдамдығын талап ететін механизмдермен жұмыс істеу кезінде реакция жылдамдығын төмендетуі мүмкін екендігін ескерген жөн.

Артық дозалануы

Симптомдары: құрысулар, депрессиялық реакциялар, шеткері неврит.

Емі симптоматикалық. Антидоты белгісіз.

Құрысулар кезінде – диазепам.

Шығарылу түрі және қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада. 1 немесе 10 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Кусум Хелткер Пвт. Лтд.,

СП 289 (А), Риико Индл. Ареа Чопанки, Бхивади (Радж.), Үндістан

Тіркеу куәлігінің иесі

Кусум Хелткер Пвт. Лтд., Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электрондық пошта)

«Дәрі-Фарм (Қазақстан)» ЖШС

заңды мекенжайы: Алматы қ., Достық даңғ., 117/6, «Хан Тәңірі» БО

орналасқан мекенжайы: Алматы қ., Достық даңғ., 117/6, «Хан Тәңірі» БО.

Телефон/факс: 8(727) 295-26-50

E-mail: claims@kusum.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Дәрі-Фарм (Қазақстан)» ЖШС, Алматы қ., Достық даңғ., 117/6, «Хан Тәңірі» БО.

Телефон/факс: 8(727) 295-26-50

Электрондық пошта: phv@kusum.kz

Қалалар