Сипаттама
Саудалық атауы
Новокаин
Халықаралық патенттелмеген атауы
Прокаин
Дәрілік түрі, дозалануы
Инъекцияға арналған ерітінді 0.5% 2 мл, 5 мл; 2% 2 мл,
Фармакотерапиялық тобы
Жүйке жүйесі. Анестетиктер. Жергілікті анестетиктер. Аминобензой қышқылыныңэфирлері. Прокаин
АТХ коды N01BA02
Қолданылуы
- жергілікті анестезияда (инфильтрациялық, өткізгіштік, перидуральді, эпидуральді, жұлындық- субарахноидальді, сүйекішілік)
- блокада жасау үшін (вагосимпатикалық және паранефральді блокада, экзема, нейродермит, ишиалгия кезіндегі паравертебральді блокада)
Дәрілік препаратты қолданудың басталуына дейінгі қажетті мәліметтер тізбесі
Қолдануға болмайтын жағдайлар
- әсер етуші зат прокаинге (оның ішінде пара-аминобензой қышқылына және басқа жергілікті анестетик-эфирлерге) немесе қосымша заттарының кез келгеніне аса жоғары сезімталдық
- тіндердегі айқын фиброзды өзгерістер (жылжымалы инфильтрат әдісімен анестезияға арналған)
- енгізілген орындағы іріңді үдеріс
- жедел қан кетумен жүретін шұғыл операциялар
- миастения
- артериялық гипотензия
- 12 жасқа дейінгі балаларға
Сақтықпен
12-ден 18 дейінгі балалар
Қолдану кезіндегі қажетті сақтандыру шаралары
Новокаин әдетте жақсы көтерімді, әйтсе де ол жағымсыз әсерлер туындатуы мүмкін болғандықтан, оны енгізудің барлық әдісінде сақтықпен қолдану керек.
Кейде симпатомиметиктерді тағайындауды қажет ететін айқын гипотензия байқалады.
Препарат жедел қан кетумен асқынғаншұғыл операцияларда, бауыр қанайналымының төмендеуімен жүретін жағдайларда, жүрек-қантамыры жеткіліксіздігінің үдеуінде, қабыну ауруларында және инъекция орнының инфекция жұқтыруында, псевдохолинэстераза тапшылығында, бүйрек жеткіліксіздігінде, 65 жастан асқан егде пациенттерде, ауыр науқастарда, әлсіреген науқастарда сақтықпен қолданылады.
Анестезия кезінде организмнің өмірлік маңызы бар функцияларына бақылаужүргізу керек.
Анестетикті қолданар алдында препаратқа жекелей сезімталдыққа міндетті
түрде сынама жүргізу керек.
Жергілікті анестезия жүргізгенде белгілі бір жалпы дозаны қайта қолданғанда, Новокаиннің уыттылығы соғұрлым жоғары болады, қолданылатын ерітінді неғұрлым концентрацияланған болып табылса.
Препарат шырышты қабықтан сіңбейді, сондықтан тері бетіне қолданғандабеткейлік анестезияны қамтамасыз етпейді.
Басқа дәрілікпрепараттармен өзара әрекеттесуі
Вена ішіне енгізгенде Новокаин жалпы анестезияға арналған дәрілердің, ұйықтататын, седативті препараттардың, есірткілік анальгетиктер ментранквилизаторлардың орталық жүйке жүйесіне бәсеңдететін әсерін күшейтеді.
Препаратты есірткілік анальгетиктермен бір мезгілде тағайындағандааддитивті әсері байқалады, ол жұлындық және эпидуральді анестезия жүргізгенде пайдаланылады, бұл кезде тыныс алудың бәсеңдеуі күшейеді.
Вазоконстрикторлар (эпинефрин, метоксамин, фенилэфрин) Новокаиннің жергілікті жансыздандыратын әсерін ұзартады.
Препарат суксаметонийден туындаған, жүйке-бұлшықет блокадасын ұзартады,өйткені екі препарат таплазма холинэстеразасымен гидролизденеді.
Новокаин миорелаксациялайтын дәрілік заттардың әсерін күшейтеді және ұзартады.
Новокаин дәрілік заттардың миастенияға қарсы әсерін төмендетеді, әсіресе оны жоғары дозада қолданғанда, бұл миастенияны емдеуді қосымша түзетуді талап етеді.
Холинэстераза тежегіштері (миастенияға қарсы дәрілік заттар, циклофосфамид, демекарин, экотиофат, тиотепа) Новокаин метаболизмін төмендетеді, сондықтан оларды бірге тағайындауға болмайды.
Антикоагулянттар (ардепарин, далтепарин, данапароид, эноксапарин, гепарин, варфарин) Новокаинмен бір мезгілде қолданғанда қан кетудің дамуқаупін жоғарылатады.
МАО тежегіштерімен қолдану (фуразолидон, прокарбазин, селегилин) гипотензия даму қаупін жоғарылатады, сондықтан оларды жергілікті анестетиктерге дейін 10 күн бұрын тоқтату керек.
Новокаиндігуанадрел, гуанетидин, мекамиламин, триметафанмен қолданғанда артериялық қысымның және брадикардияның күрт төмендеу қаупі артады.
Новокаиннің метаболиті пара-аминобензой қышқылысульфаниламидтердің бәсекелес антагонисі болып табылады және олардыңмикробтарға қарсы әсерін әлсіретуі мүмкін, сондықтан осы препараттарды бір уақытта қолдануға болмайды.
Құрамында ауыр металлдар бар дезинфекциялайтын ерітінділермен Новокаин инъекциясы орнын өңдеген кезде, ауыру және ісіну түрінде жергілікті реакция даму қаупі артады
Арнайы сақтандырулар
Жүктілік және лактация кезеңі
Жүктілік және лактация кезеңінде препаратты аса сақтықпен, абсолюттінақты көрсетілімдері бойыншақолдану керек.
Дәрілік заттың көлік құралын және қауіптілігі зор механизмдердібасқару қабілетіне әсер ету ерекшеліктері
Дәрілік препараттың жағымсыз әсерлерін ескеріп, көлік құралдарын немесе қауіптілігі зор механизмдерді басқаруда сақтық шараларын сақтау керек.
Қолдану жөніндегі нұсқаулар
Дозалану режимі
Новокаин ерітіндісінің дозасы және концентрациясы операциялық араласымның сипатына, қолдану тәсіліне, пациенттің жасына және жағдайына байланысты.
Жергіліктіанестезия үшін
Инфильтрациялықанестезияда0,25% – 0,5%ерітінді қолданылады (бір рет енгізу үшін1 г асырмай); тіндердің тығыз жылжымалы инфильтрациялы әдісі бойынша анестезия жүргізу үшін (А.В. Вишневский бойынша) – 0,125% – 0,25% ерітінді; аумақтық, эпи –жәнеперидуральді анестезия үшін – 2% 20- 25 мл ерітінді; жұлын анестезиясы үшін – 2% 5мл ерітінді.
Инфильтрациялыанестезия үшін келесі ең жоғары дозалар тағайындалған (ересектер үшін): операция басында алғашқы бір реттік доза– 1,25 г асырмай (500 мл 0,25% ерітінді) немесе 0,75 г (150 мл 0,5% ерітінді). Ары қарай операцияның әрбір сағаты бойы – 2,5 г асырмай (1000 мл 0,25% ерітінді) немесе 2 г (400 мл 0,5% ерітінді) (0,5 г дейін бір рет адреналинсіз және 1 г адреналинмен).
Сіңірілуінің азаюы және әсерінің ұзаруы үшін Новокаинді 0,1% адреналин ерітіндісімен бірге қолданады, оған асептикалық түрде Новокаиннің 2-5 мл ерітіндісіне 1 тамшы есебімен қосады.
Препаратты сүйекішілік анестезиясында 0,25% 50-150 мл ерітіндісін қолдануға болады.
Блокада жасау үшін
Экзема және нейродермитте паравертебральдіблокадада сезімтал жүйке діңгегі проекциясының аймағына Новокаиннің 70-100 мл0,25% ерітіндісінің тері ішілік инъекциясы ұсынылады.
Паранефральді блокадада (А.В. Вишневский бойынша) бүйрек маңы шеліне Новокаиннің 50-80 мл 0,5% ерітіндісін немесе 100-150 мл 0,25% ерітіндісін енгізеді.
Вагосимпатикалық блокадада - Новокаиннің 30-100 мл 0,5% ерітіндісі.
Новокаиннің ең жоғары дозасы (ересектер үшін): бұлшықет ішіне енгізгенде бір реттік дозасы 0,1 г, вена ішіне енгізгендебір реттік дозасы - 0,05 г; тәуліктік дозасы–парентеральді енгізгенде 0,1 г.
Новокаинді төменконцентрацияда (0,125% немесе 0,25%) қолдану қажет болғанда препаратты қолданар алдында натрий хлоридінің стерильді изотониялық ерітіндісімен қажет концентрацияға дейін сұйылтады.
Вена ішінеенгізуді натрий хлоридінің изотониялық ерітіндісінде баяу жүргізеді.
Пациенттердің ерекше топтары
Балалар
Педиатриялық тәжірибеде дозасына дене салмағына байланысты анықтау керек, бірақ дене салмағына 15 мг/кг асырмайды
Енгізу әдісі және жолы
Препарат тері ішіне, бұлшықет ішіне, вена ішіне қолданылады
Артық дозалану жағдайында қабылдау қажет болатын шаралар
Артық дозалану жағдайларында препарат енгізуді дереу тоқтату керек. Жергілікті анестезия жүргізгенде енгізетін орынды адреналинмен егуге болады. Вена ішіне енгізгенде қарқынды диурезді жолға қою шараларын жүргізу керек. Симптоматикалық ем.
Оттегімен ингаляция қамтылатын жалпы реанимациялық емшаралар, қажет болғанда – өкпені жасанды желдетуді жүргізу. Егер құрысулар 15-20 секундтан астам созылса, оларды тиопентал (100-150 мг) немесе диазепамды (5-20 мг) вена ішіне енгізу арқылы басу керек. Артериялық гипотензия және/немесе миокард депрессиясы кезінде вена ішіне эфедрин (15-30 мг) енгізеді, ауыр жағдайларда – уытсыздандыру және симптоматикалық ем.
Аяқ немесе қолдың бұлшықеттеріне инъекциядан кейін уыттанудың дамуы жағдайында жалпы қан айналымына препараттың одан әрі түсуін азайту үшін жедел бұрау таңуға болады.
Дәрілік препараттың бір немесе бірнеше дозасын өткізіп алу кезіндегі қажетті шаралар
Дәрілік затты өткізіп алған қабылдаудың орнын толтыру үшін қос дозаны қабылдамаңыз.
Тоқтату синдромы қаупінің болуына көрсетілім
Қатысы жоқ
Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар
Дәрілік препаратты қолданар алдында дәрігерге немесе фармацевтке жүгініңіз.
Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
-бас ауыруы, бас айналуы, әлсіздік, ұйқышылдық
- жүрек айнуы, құсу
- артериялық қысымның жоғарылауы немесе төмендеуі, коллапс, брадикардия, шеткері вазодилятация, аритмия, кеуде қуысының ауыруы
- көру және естудің бұзылуы, нистагм
- тремор, құрысулар
- метгемоглобинемия
- аллергиялық реакциялар (дерматит, есекжем, терінің қышынуы, эритема,
ангионевроздық ісіну, анафилаксиялық шок)
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препарат құрамы
1 мл ерітіндінің құрамында
белсенді зат -прокаин гидрохлориді5.0 мг20.0 мг
қосымша заттар:хлор сутек қышқылының 0.1 М ерітіндісі,инъекцияға арналған су
Сыртқы түрінің, иісінің, дәмінің сипаттамасы
Мөлдір, түссіз немесе сәл боялған ерітінді
Шығарылу түрі және қаптамасы
2 мл, 5 мл 0.5 % ерітіндіден, 2 мл 2 % ерітіндіден сындыру нүктесі немесе сындыру сақинасы бар шприцпен толтыратын шыны ампулаларға құйылады. Әр ампулаға қағаздан жасалған заттаңба жапсырылады.
2 мл-ден 0.5 % ерітіндімен 5 немесе 10 ампуладан поливинилхлоридті үлбірден және алюминий фольгадан жасалған пішінді ұяшықты қаптамаға қапталады.
5 мл-ден 0.5 % ерітіндімен 5 ампуладан поливинилхлоридті үлбірден және алюминий фольгадан жасалған пішінді ұяшықты қаптамаға қапталады.
2 мл-ден 2 % ерітіндімен 5 немесе 10 ампуладан поливинилхлоридті үлбірден және алюминий фольгадан жасалған пішінді ұяшықты қаптамаға қапталады.
Пішінді ұяшықты қаптамалар медициналық қолдану жөніндегі мемлекеттік және орыс тіліндегі бекітілген нұсқаулықпен бірге картон қорапқа салынады.
Медициналық қолдану жөніндегі нұсқаулықтар саны қаптама саны бойынша салынады.
Сақтау мерзімі
3 жыл
Жарамдылық мерзімі өткеннен кейін қолдануға болмайды!
Сақтау шарттары
Жарықтан қорғалған жерде, 250С -ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәліметтер
«Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмірі +7 7252 (610151)
Автожауапбергіш нөмірі +7 7252 (561342)
Электронды пошта complaints@santo.kz
Тіркеу куәлігінің ұстаушысы
«Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмірі +7 7252 (610151)
Автожауапбергіш нөмірі +7 7252 (561342)
Электронды пошта complaints@santo.kz
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Химфарм» АҚ, Қазақстан Республикасы, Шымкент қ., Рашидов к-сі, 81
Телефон нөмірі +7 7252 (610150)
Электронды поштасы phv@santo.kz ; infomed@santo.kz
