Сипаттама
Саудалық атауы
Ново-ПасситÒ
Халықаралық патенттелмеген атауы
Жоқ
Дәрілік түрі
Қабықпен қапталған таблеткалар
Құрамы
Бір таблетканың құрамында
белсенді заттар:
Ново-ПасситÒ құрғақ экстрактісі – 157.5 мг (дәрілік шүйгіншөп, дәрілік сермене, шілтер жапырақты шайқурай, кәдімгі долана, инкарнат пассифлорасы (әуесгүл), кәдімгі құлмақ, қара аюбадам));
Гвайфенезин – 200 мг
қосымша заттар: сусыз коллоидты кремнийдің қостотығы, микрокристалды целлюлоза, глицерол трибегенаты, магний стеараты, лактоза моногидраты
қабығы: жасыл опадри "AMB 80W31115" (поливинил спирті, титанның қостотығы (Е 171), тазартылған тальк, лецитин, ксантан шайыры, хинолинді сары (Е 104), индигокармин Е 132, темірдің сары тотығы (Е 172).
Сипаттамасы
Сопақша пішінді, сызығы бар ашық-жасыл түсті қабықпен қапталған таблеткалар.
Фармакотерапиялық тобы
Жүйке жүйесі. Психолептикалық препараттар. Ұйықтататын және тыныштандыратын дәрілер. Ұйықтататын және тыныштандыратын басқа препараттар.
АТХ коды N05CХ
Фармакологиялық қасиеттері
Фармакокинетикасы
Гвайфенезин асқазан-ішек жолында жылдам сіңеді, бауырда метаболизденеді, глюкурон қышқылымен байланысады және белсенділігі жойылған метоболиттер түрінде, ең алдымен, несеппен шығарылады. Биологиялық жартылай ыдырау кезеңі - шамамен 1 сағат.
Фармакодинамикасы
Ново-ПасситÒ - құрамында дәрілік өсімдіктердің кешенді экстрактісі (дәрілік шүйгіншөп, дәрілік сермене, шілтер жапырақты шайқурай, кәдімгі долана, инкарнат пассифлорасы (әуесгүл), кәдімгі құлмақ, қара аюбадам) мен гвайфенезин бар негізінен тыныштандыратын әсер беретін біріктірілген препарат.
Ново-ПасситÒ құрамында тыныштандыратын әсерге ие табиғи биологиялық белсенді заттармен (өсімдіктің жиынтық экстрактісі) анксиолитиктердің (бұл жайдайда - гвайфенезин) синергизмдік әсері пайдаланылады.
Галендік компоненттердің уытсыздандыратын әсері, аюбадам мен шілтер жапырақты шайқурайдың - диурездік, шайқурай, долана және сермененің – өт жүргізетін, аюбадамның - жеңіл терлеткішәсерімен қамтамасыз етіледі және синтетикалық ингредиенттердің теріс әсерін азайтуға мүмкіндік береді.
Үрейлік жағдай және қорқыныш кезінде жоғары тиімділік иеленген гвайфенезинді экстракт жиынтығына енгізу нәтижесінде оның анксиолитиктік әсері жүзеге асады.
Қолданылуы
- ашушаңдықпен, үреймен, қорқынышпен, мазасыздықпен, стресспен, зейіннің төмендеуімен, қатты шаршаумен, психикалық ширығу күйімен қатар жүретін неврастениялық синдромның жеңіл түрлері («менеджер синдромы)
- ұйқы бұзылыстарының жеңіл түрлері/ұйқысыздық
- неврозбен байланысты есте сақтаудың бұзылулары
- бас сақинасының адъювантты емі, жүйкенің қатты ширығуы себеп болатын вазомоторлық сипаттағы бас ауырулары, нейроциркуляторлық астениямен болатын психосоматикалық тамыр бұзылыстары, нейрогенді тетания, беттің ауырулары және климактериялық синдром
- функционалдық гастропатия, органикалық зақымдануларсыз диспепсия синдромы, «тітіркенген ішек» синдромы, асқазан зондын енгізуден және невроз белгілерімен болатын органикалық аурулардың адъювантты емі ретінде
- қышынумен қатар жүретін психосоматикалық дерматоздар емі (есекжем, атопиялық экзема және т.б.)
Қолдану тәсілі және дозалары
Ново-ПасситÒ 1 таблеткадан тәулігіне 3 рет қабылданады. Қажет болса, тәуліктік дозаны тәулігіне 3 рет 2 таблеткаға дейін арттыруға болады. Қажетсіз мәңгіру пайда болған жағдайда таңертеңгі және күндізгі дозаларын ½ таблеткаға, ал кешкілік дозада 1 таблетканы қабылдау қажет. Дозалануын пациенттің реакциясына қарай өзгертуге болады. Препарат қабылдау арасындағы аралық 8 сағат болуы тиіс.
Ново-ПасситÒ таблеткаларын сусындармен бірге қабылдаған дұрыс (шай, шырын). Асқазан-ішек жайсыздығы немесе жүрек айну сезімі пайда болған жағдайда препаратты тамақпен бірге қабылдаған жөн.
Жағымсыз әсерлері
- бас айналу
- шаршағыштық, ұйқышылдық
- аллергиялық реакциялар, экзантема
- жүрек айну, құсу, түйілулер, қыжыл, диарея, іш қату
- зейін қоюдың төмендеуі
Барлық жағымсыз әсерлердің белгілері препаратты тоқтатқаннан кейін тез жоғалады.
Қолдануға болмайтын жағдайлар
- препарат компоненттеріне, әсіресе гвайфенезинге жекелей жоғары сезімталдық
- миастения
- эпилепсия
- 18 жасқа дейінгі балалар
- сирек тұқым қуалайтын лактоза жақпаушылығы, туа біткен лактаза жеткіліксіздігі немесе глюкоза-галактоза мальабсорбциясы проблемалары
Айрықша нұсқаулар
Препаратты асқазан-ішек жолының жедел ауруларында, бауыр функциясының күрделі бұзылуларында, ОЖЖ уыттану кезінде абайлап қолдану керек.
Емделу кезінде алкогольді ішімдіктер тұтынуға болмайды.
сирек тұқым қуалайтын лактоза жақпаушылығы, туа біткен лактаза жеткіліксіздігі немесе глюкоза-галактоза мальабсорбциясы проблемалары
бар пациенттерге препарат таблеткаларын қабылдауға болмайды.
Жүктілік және лактация кезеңі
Ново-ПасситÒ жүктілік және лактация кезеңінде қабылдау тек қана жедел қажеттілік жағдайында және дәрігердің бақылауымен қолдануға болады.
Терісі ақшыл түсті пациенттерге препаратты қабылдау уақытында УК жарықтың (күн сәулесі ванналары, УК шамдар, солярий) қарқынды әсерінен аулақ болған жөн.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Емделу кезеңінде жоғары зейін қоюды және психомоторлық реакциялар жылдамдығын қажет ететін қауіптілігі зор қызмет түрлерімен айналысудан тартына тұру қажет.
Дәрілермен өзара әрекеттесуі
Ново-Пассит® құрамына кіретін гвайфенезин ОЖЖ бәсеңдететін ықпалы бар заттардың, сондай-ақ этанолдың әсерін күшейтеді.
Артық дозалануы
Симптомдары: басында - ұйқышылдық, жабырқау сезімі, кейінірек – жүрек айну, жеңіл бұлшықеттік әлсіздік, буындардың ауыруы, асқазанда ауырлық сезіну.
Емі: асқазанды шаю, симптоматикалық ем жүргізу. Арнайы антидоты жоқ.
Шығарылу түрі және қаптамасы
10 таблеткадан алюминий фольгадан және поливинилхлоридті үлбірден жасалған пішінді ұяшықты қаптамаға салынады.
1 немесе 3 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
30, 60 немесе 100 таблеткадан бұрап жабылатын қақпағы және жапсырылған заттаңбасы бар полиэтилен құтыларға салынған.
1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
Сақтаушарттары
25°C-ден аспайтын температурада түпнұсқалық қаптамада сақтау керек. Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін пайдалануға болмайды.
Босатылу шарттары
Рецептісіз
Өндіруші
«Тева Чех Кәсіпорны с.р.о.», Опава, Комаров, Чех Республикасы
Тіркеу куәлігінің ұстаушысы
«Тева Чех Кәсіпорны с.р.о.», Опава, Комаров, Чех Республикасы
Қазақстан Республикасы аумағында тұтынушылардан дәрілік заттыңсапасына қатысты шағымдар қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:
«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғ., 17/1, Нұрлы Тау БО, 5Б, 6 қабат. Телефон: (727)3251615, е-mail:
safety.Kazakhstan@tevapharm.com, веб сайт: www.teva.kz
