Сипаттама
Дәрілік затты
медициналық қолдану жөніндегі нұсқаулық
Ново-Пассит
Саудалық атауы
Ново-Пассит
Халықаралық патенттелмеген атауы
Жоқ
Дәрілік түрі
Ішуге арналған ерітінді
Құрамы
100 мл препараттың құрамында
белсенді заттар: Ново-Пассит сұйық экстрактісі* - 7,75 г,
гвайфенезин - 4,0 г.
қосымша заттар: натрий бензоаты, натрий цикламаты, ксантан шайыры, 50% инвертоза (фруктоза шәрбаты 50%), натрий сахарині моногидраты, 96% этанол, апельсин хош иістендіргіші 51941А, натрий цитраты дигидраты, мальтодекстрин, пропиленгликоль, тазартылған су.
*(дәрілік шүйгіншөп, дәрілік жау-жапырақ, шілтер жапырақты шайқурай, кәдімгі долана, инкарнат пассифлорасы (страстоцвет), кәдімгі құлмақ, қара ырғай), 96% этанол, тазартылған су
Сипаттамасы
Шәрбат тәрізді, өзіне тән иісі мен дәмі бар, қызыл-қоңырдан күңгірт-қоңыр түске дейінгі мөлдір немесе сәл бұлыңғыр сұйықтық. Сақтау кезінде пайда болып, сілкігенде еритін жеңіл шөгіндінің білінуіне жол беріледі.
Фармакотерапиялық тобы
Жүйке жүйесі. Психолептикалық препараттар.
Басқа препараттармен біріктірілген ұйықтататын және тыныштандыратын препараттар (барбитураттарды қоспағанда)
АТХ коды N05CХ
Фармакологиялық қасиеттері
Фармакокинетикасы зерттелмеген.
Фармакодинамикасы
Құрамында дәрілік өсімдіктердің кешенді сығындысы мен гвайфенезин бар біріктірілген препарат. Дәрілік өсімдіктерден алынған экстракт көбінесе седативті (тыныштандыратын) әсер көрсетеді, гвайфенезин анксиолиттік (үрейленуге қарсы) әсер иеленеді.
Гвайфенезин асқазан-ішек жолында жылдам сіңеді, бауырда метаболизденеді, глюкурон қышқылымен байланысады және белсенділігі жойылған метоболиттер түрінде, ең алдымен, несеппен шығарылады. Биологиялық жартылай ыдырау кезеңі - шамамен 1 сағат.
Қолданылуы
- ашушаңдықпен, үреймен, қорқынышпен, мазасыздықпен, стреспен, зейіннің төмендеуімен, қатты шаршаумен, психикалық ширығу күйімен («менеджер синдромы) қатар жүретін неврастениялық синдромның жеңіл түрлері
- ұйқы бұзылыстарының жеңіл түрлері/ұйқысыздық
- неврозбен байланысты есте сақтаудың бұзылулары
- бас сақинасының адъювантты емі, жүйкенің қатты ширығуы себеп болатын вазомоторлық сипаттағы бас ауырулары, нейроциркуляторлық астениямен болатын психосоматикалық тамыр бұзылыстары, нейрогенді тетания, беттің ауырулары және климактериялық синдром
- функционалдық гастропатия, органикалық зақымдануларсыз диспепсия синдромы, «тітіркенген ішек» синдромы, асқазан зондын енгізуден және невроз белгілерімен болатын органикалық аурулардың адъювантты емі ретінде
- қышынумен (есекжем, атопиялық экзема және т.б.) қатар жүретін психосоматикалық дерматоздар емі
Қолдану тәсілі және дозалары
Ересектер
Ново-ПасситÒ тәулігіне 3 рет 5 мл ерітіндіден (1 шай қасық) қабылданады. Қажет болса, тәуліктік дозаны тәулігіне 3 рет 10 мл дейін арттыруға болады. Қолайсыз мәңгіру білінген жағдайда таңертеңгі және күндізгі дозаларын жартылай азайтумен 2,5 мл, ал кешкілік 5 мл қабылдау қажет. Дозалануын пациент реакциясына қарай өзгертуге болады. Препарат қабылдау арасындағы аралық 8 сағат болуы тиіс.
Жағымсыз әсерлері
Сирек жағдайларда мынадай қолайсыз реакциялар білінуі мүмкін: бас айналу, шаршау, ұйқышылдық, аллергиялық реакциялар, экзантема, асқазан-ішек жолының бұзылыстары (жүрек айну, құсу, түйілулер, қыжыл, диарея, іш қату), зейін қоюдың төмендеуі, олар препаратты тоқтатудан кейін басылады.
Қолдануға болмайтын жағдайлар
- препарат компоненттеріне, әсіресе гвайфенезинге жоғары жеке сезімталдық
- миастения, эпилепсия
- балалар мен 18 жасқа дейінгі жасөспірімдер
- жүктілік және лактация кезеңі
Айрықша нұсқаулар
Препаратты асқазан-ішек жолының жедел ауруларында абайлап қолдану керек.
Ішуге арналған ерітінді құрамында 9% этанол ерітіндісі және 10,3% глюкоза бар. Қант диабеті бар пациенттер Ново-Пасситті® емдеуші дәрігердің бақылауымен қабылдауы тиіс. Препараттың бір дозасының (5 мл) құрамында 481 мг этанол бар.
Емделу кезінде алкогольді ішімдіктер тұтынуға болмайды.
Препараттың автокөлікті және қауіптілігі зор механизмдерді басқару қабілетіне әсер ету ерекшеліктері
Емделу кезеңінде жоғары зейін қоюды және психомоторлық реакциялар шапшаңдығын талап ететін автокөлікті және аса қауіпті қызмет түрлерін басқарудан бас тарту қажет.
Дәрілермен өзара әрекеттесуі
Ново-Пассит® құрамына кіретін гвайфенезин ОЖЖ бәсеңдету әсерін көрсететін заттардың, сондай-ақ этанолдың әсерін күшейтеді.
Артық дозалануы
Симптомдары: ұйқышылдық, жабырқау сезімі, кейінірек – жүрек айну, жеңіл бұлшықет әлсіздігі, буындардың ауыруы, асқазанда ауырлық сезіну.
Емі: асқазанды шаю, симптоматикалық ем жүргізу. Арнайы антидоты жоқ.
Шығарылу түрі және қаптамасы
Алғашқы ашылуы бақыланатын және өлшегіш қалпақшасы бар жасыл түсті пластмасса қақпақпен тығындалған күңгірт шыны құтыларда 100, 200 және 450 мл препараттан.
Медициналық қолдану жөніндегі мемлекеттік және орыс тілдеріндегі нұсқаулықпен бірге 1 құтыдан картон қорапшаға салынады.
Сақтаушарттары
Түпнұсқалық қаптамасында, жарықтан қорғалған жерде 25°С-ден аспайтын температурада сақтау керек. Балалардың қолы жетпейтін жерде сақтау керек!
Сақтау мерзімі
4 жыл
Жарамдылық мерзімі өткеннен кейін қолдануға болмайды!
Босатылу шарттары
Рецептісіз
Өндіруші
«Тева Чех Өндірістері с.р.о.», Опава, Комаров, Чех Республикасы
Тіркеу куәлігінің иесі
«Тева Чех Өндірістері с.р.о.», Опава, Комаров, Чех Республикасы
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):
«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғылы 17/1, Нұрлы тау БО, 5Б, 6 қабат. Телефон: (727) 3251615; е-mail: safety.kazakhstan@tevapharm.com; веб сайт: www.teva.kz
