Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Нистатин 500000 ЕД № 10 вагин. суппозитории

697
Қолжетімділігі
Сатылымда бар
Үлгі
4840456000218
Елі
Молдова, республика
Өндіруші
FARMAPRIM SRL
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

НИСТАТИН

Саудалық атауы

Нистатин

Халықаралық патенттелмеген атауы

Нистатин

Дәрілік түрі

Қынаптық суппозиторийлер 500 000 ӘБ

Құрамы

Бір суппозиторийдің құрамында

белсенді зат – нистатин 500 000 ӘБ,

қосымша заттар - бутилгидроксианизол, бутилгидрокситолуол, лимон қышқылы, сұйық парафин, қатты май.

Сипаттамасы

Цилиндр пішінді, сары түсті суппозиторийлер. Қимасында ауалы және кеуекті өзегі, шұңғыма тәрізді ойығы болуы мүмкін.

Фармакотерапиялық тобы

Гинекологиялық ауруларды емдеуге арналған антисептиктер мен микробқа қарсы препараттар. Бактерияларға қарсы препараттар. Нистатин.

АТХ коды G01AA01

Фармакологиялық қасиеттері

Фармакокинетикасы

Жергілікті қолданылғанда шырышты қабықтар арқылы сіңбейді

Фармакодинамикасы

Полиенді құрылымды антибиотик. Зеңге қарсы белсенділігі бар. Candida тектес ашытқы тәрізді зеңдерге және аспергиллдерге қатысты белсенді. Фунгистатикалық, ал жоғары дозаларында – фунгицидтік әсер береді. Сезімтал зеңдердің нистатинге төзімділігі өте баяу дамиды. Бактерияларға қатысты тиімсіз.

Нистатиннің құрылымында зеңдердің цитоплазмалық жарғақшаларының стеролды түзілімдеріне заттың жоғары троптылығын шарттайтын қосарлы байланыстар мөлшері көп. Соның салдарынан молекула электролиттердің бақыланбайтын тасымалына ықпал ететін бірнеше өзектер түзе отырып, жасуша жарғақшасына кірігеді. Жасуша сыртқы осмостық күштерге төзімділігін жоғалтады және ериді.

Қолданылуы

- Candida тектес ашытқы тәрізді зеңдер туғызатын аурулардың,вульво-вагинальді аймақтың шырышты қабықтарының кандидозының профилактикасы және емдеуде

- пенициллин препараттарымен және басқа топтың антибиотиктерімен ұзақ емдегенде, әсіресе, тетрациклиндер қатарының антибиотиктерін, левомицетинді, неомицинді және т.б. пероральді қолданғанда, кандидомикоз дамуының алдын алу үшін профилактикалық мақсатта қолданады

Қолдану тәсілі мен дозалары

Қынап ішіне, қынапқа гигиеналық емшаралардан кейін, мүмкіндігінше терең енгізеді. Дозалау режимі жекелей. 1-2 суппозиторийден күніне 2 рет (таңертең және кешке).Емдеу курсының орташа ұзақтығы 10-14 күн

Жағымсыз әсерлері

- жергілікті аллергиялық реакциялар болуы мүмкін

- күйдіру мен шырышты қабықтардың қышыну сезімі

Қолдануға болмайтын жағдайлар

- препарат пен оның құрамдас бөліктеріне аса жоғары сезімталдық

- 18 жасқа дейінгі балалар мен жасөспірімдер

- жүктілік және лактация

Дәрілермен өзара әрекеттесуі

Химиялық үйлесімсіздік: калий перманганатымен, сутегінің асқын тотығымен, натрий гидрокарбонатымен, салицил қышқылымен, сүт қышқылымен. Гидрокортизон мен бүйрекүсті безі қыртыстарының басқа гормондары нистатиннің зеңге қарсы әсерін төмендетеді. Нистатинді клотримазолмен бір мезгілде қолданғанда соңғысының белсенділігі төмендейді.

Айрықша нұсқаулар

Етеккір кезінде емдеуді үзбеу керек. Жыныстық жұбын бір мезгілде емдеу ұсынылады. Емдеу кезеңінде жыныстық қатынаста болмаған жөн

Жүктілік және лактация кезеңі

Нистатинді жүктілік кезеңінде қолдануға болмайды. Емдеу кезінде бала емізуді тоқтату керек

Дәрілік заттың көлік құралдарын және қауіптілігі зор механизмдерді басқару қабілетінеәсер ету ерекшеліктері

Препарат автокөлік басқару немесе техникамен жұмыс жасау қабілетіне әсер етпейді.

Артық дозалануы

Интравагинальді қолданғанда препараттың артық дозаланған жағдайлары байқалмаған

Шығарылу түрі мен қаптамасы

Полиэтиленмен ламинацияланған поливинилхлоридті үлбірден жасалған пішінді ұяшықты қаптамада 5 суппозиторийден.

2 пішінді ұяшықты қаптамадан мемлекеттік және орыс тілдеріндегі қолдану жөніндегі нұсқаулықпен бірге картон қорапшаға салады.

Сақтау шарттары

Құрғақ, жарықтан қорғалған жерде, 25 0С-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

ФАРМАПРИМ ЖШҚ, Кринилор к-сі, 5, Порумбень а., Криулень ауд., Молдова Республикасы, MD-4829

Тіркеу куәлігінің иесі

ФАРМАПРИМ ЖШҚ, Молдова Республикасы

Қазақстан Республикасы аумағында тұтынушылардан дәрілік заттың сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

Қазақстан Республикасындағы «ФАРМАПРИМ СРЛ» фирмасының өкілдігі, Алматы қ., Гоголь к-сі, 86, 528 кеңсе,

тел. 8-727-2796518, tatiana.abdulkhairova@farmaprim.md

Дәріханалар

Тауар артығымен бар
Тауар аз қалды
Аптека №68
Ауезова 137
09:00 21:00
Аптека №184
мкр Центральный 47
9:00-21:00
Аптека №281
улица Ташенова 57
09:00-21:00
Аптека №185
Пр-т Абылайха-хана 28
09:00 - 21:00