Лизак со вкусом малины № 10 табл д/рассасыв-я
Тауарлардың көрінісі фотосуретте көрсетілгеннен өзгеше болуы мүмкін

Лизак со вкусом малины № 10 табл д/рассасыв-я

1679
Қолжетімділігі
Сатылымда бар
Үлгі
4823002241570
Елі
Украина
Өндіруші
Фармак ОАО
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

ЛИЗАК®

Саудалық атауы

Лизак®

Халықаралық патенттелмеген атауы

Жоқ

Дәрілік түрі

Таңқурай дәмі бар соруға арналған таблеткалар

Құрамы

1 таблетканың құрамында:

белсенді заттар: лизоцим гидрохлориді құрғақ затқа шаққанда - 10 мг, деквалиний хлориді 100 % құрғақ затқа шаққанда - 0,25 мг,

қосымша заттар: декстроза моногидраты ST, повидон, магний стеараты, дәмдеуіш қоспалар: хош иістендіргіш: таңқурай иісімен, таңқурай иісі бар табиғи хош иістендіргіш; бояғыш: темірдің қызыл тотығы (Е 172).

Сипаттамасы

Қызғылт түсті, қызылдау реңді, дақтары бар, беті тегіс, сызығы мен ойығы бар, таңқурай дәмімен таблеткалар.

Фармакотерапиялық тобы

Респираторлық жүйе. Тамақ ауруларын емдеуге арналған препараттар. Антисептиктер. Басқа да препараттар

АТХ коды R02АА20

Фармакологиялыққасиеттері

Фармакокинетикасы

Деквалиний хлориді өте елеусіз мөлшерде сіңіріледі. Лизоцим асқазан-ішек жолынан жақсы сіңеді. Қандағы концентрация шыңына 1-1,5 сағаттан соң жетеді. Лизоцим организм тіндеріне кең таралады, әсіресе шырышты қабықта жиналады. Ішек ферменттерімен гидролизденеді, метаболиттер түрінде несеппен шығарылады.

Фармакодинамикасы

Лизак® – жергілікті антисептикалық, бактерияға қарсы және зеңге қарсы әсері айқын біріктірілген препарат. Препараттың емдік әсері оның құрамына кіретін компоненттерге байланысты.

Деквалиний хлориді – квинолиндер тобының жергілікті антисептигі, антисептикалық әсерге ие - көбіне жергілікті; бактерияға қарсы әсері – негізінен грамоң және грамтеріс микроорганизмдерге қатысты; зеңге қарсы әсері - негізінен Candida albicans, Trychophyton кейбір түрлеріне және эпидермофиттерге қарсы білінеді.

Бактерицидтік әсері еріту және деполимеризациялау жолымен қоздырғыштың ақуыздары менферменттерін денатурациялауға, сондай-ақ гликолизбен және дегидрогеназдар белсенділігін жоюға; рибосомалар деңгейінде ақуыздар синтезін бұзуға; жасушалық жарғақшаның цитолизіне негізделген. Бактериостатикалық әсерінің негізінде беткейлік белсенді катионды әсері бар, ол грамтеріс микроорганизмдерге қарағанда грамоңдарға қатысты күштірек білінеді.

Лизоцим – бұл мукополисахарид, жасушалық қабырғалардың ерімейтін полисахаридтерінің еритін мукопептидтерге айналуы салдарларынан грамоң бактерияларға қатысты тиімді. Ол сондай-ақ грамтеріс бактерияларға, вирустарға және зеңдерге қатысты тиімді.

Лизоцим жергілікті қабынуға қарсы әсер етеді және организмнің арнайы емес қорғанысын арттырады.

Қолданылуы

- препаратқа сезімтал қоздырғыштар туындатқан ауыз қуысы мен тамақтың қабыну үдерістерін жергіліктіантисептикалық емдеуде (катаральді, ойық жаралы, фиброзды гингивиттер; афтозды стоматиттер; ауыз қуысы мен жұтқыншақ кандидозы; фарингиттер; тонзиллиттер; ларингиттер және глосситтер)

- ауыз қуысы мен тамаққа операциялық араласымға дейінгі және кейінгі инфекциялар профилактикасында

Қолдану тәсілі және дозалары

Соруға арналған 1 таблеткадан әр 2-3 сағат сайын (тәулігіне 10 таблеткадан көп емес) қолданылады.

Қабыну симптомдары азайған соң – 1 таблеткадан әр 4 сағат сайын.

Таблетканы шайнамай, баяу сору керек. Препаратты қабылдағаннан кейінгі 30 минут ішінде тамақтанбау және ештеңе ішпеу керек.

Емдеуді ауру симптомдары жойылғаннан кейін тағы да 1-2 тәулік бойы жалғастыру ұсынылады.

Лизак® препаратын ауру симптомдары жойылғанша қолдану ұсынылады. Егер симптомдар 5-7 тәулік емдеуден кейін жойылмаса, емдеудің мұнан арғы тактикасын белгілеу үшін дәрігерге жүгіну қажет.

Жағымсыз әсерлері

Келесі жағымсыз реакциялар болуы мүмкін:

Белгісіз: жүрек айнуы, ауыздың құрғауы; ауыз қуысының дисбактериозы (жоғары дозаларында ұзақ уақыт қолданғанда); есекжемді, бөртпені, қышынуды, тамақтың және ауыз қуысының шырышты қабығының шымылдатып ашытуы мен тітіркенуін қоса аллергиялық реакциялар.

Сирек жағдайларда ауыз қуысының шырышты қабығының ойық жаралары мен некрозы туындауы мүмкін.

Қандай-да бір жағымсыз реакциялар туындаған жағдайда, препаратты қолдануды тоқтату және ары қарай емдеуге қатысты міндетті түрде дәрігермен кеңесу керек.

Қолдануға болмайтын жағдайлар

- препараттың әсер ететін заттарына немесе қосымша заттардың қандай да біріне аса жоғары сезімталдық

- төрттік аммоний байланысына аллергия (мысалы, бензалконий хлоридіне)

- 18 жасқа дейінгі балалар мен жасөспірімдер

Дәрілермен өзара әрекеттесуі

Кайексалатпен (гиперкалиемияны емдеуге арналған дәрі) бір мезгілде қолданғанда тері мен шырышты қабықтың, әсіресеасқазан-ішек жолы шырышты қабығында некроздық ауыр зақымданулардың даму ықтималдығы бар.

Деквалиний хлоридінің бактерияға қарсы белсенділігі аниондыдетергенттерді, мысалы, тіс пастасын бір мезгілде қолданған кезде төмендейді.

Препаратты холинэстераза тежегіштерімен бірге қолданбаған жөн.

Лизоцим пенициллин, хлорамфеникол сияқты бактерияға қарсы препараттардың тиімділігін күшейтеді.

Айрықша нұсқаулар

Соруға арналған, таңқурай дәмі бар 1 таблетканың құрамында 0,05 НБ бар, мұны қант диабетімен науқастар ескеруі қажет.

Инфекцияның жайылуының негізгі клиникалық симптомдары болған жағдайда, бактерияға қарсы жүйелі ем тағайындау қажет. Қандай-да бір жағымсыз әсерлер пайда болған жағдайда, Лизак® препаратын қабылдауды тоқтату және басқа дәрілік затты тағайындау қажет.

Жергілікті емдеуге арналған басқа препараттармен бір мезгілде қолдануды сақтықпен жүргізу керек.

Педиатрияда қолданылуы

Препараттың бұл дәрілік түрін балаларды емдеу үшін қолдануға болмайды.

Жүктілік және лактация кезінде қолданылуы

Бақыланатын зерттеулер жүргізілген жоқ. Соған байланысты, жүктілік немесе емшек емізу кезінде препаратты дәрігермен кеңескеннен кейін, егер емдік әсері шаранаға/балаға ықтимал қаупінен асып түсетін болса ғана қолдануға болады.

Препараттың көлік және қауіптілігі зор механизмдерді басқару қабілетіне әсер ету ерекшеліктері

Лизак® препараты зейін қоюды қажет ететін жұмыстарды (автокөлік басқару және қозғалмалы механизмдермен жұмыс істеу) атқаруға әсер етпейді.

Артық дозалануы

Артық дозалануы туралы деректер жоқ.

Шығарылу түрі және қаптамасы

10 таблеткадан мөлдір емес полимер үлбірден (пигменттелген ақ) және тесілген немесе тесілмеген баспалы лакталған алюминий фольгадан жасалған пішінді ұяшықты қаптамаға салынған.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Сақтау шарттары

25 ºС-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Фармак» ЖАҚ, Украина, 04080, Киев қ., Фрунзе к-сі, 74.

Тіркеу куәлігінің ұстаушысы

«Фармак» ЖАҚ, Украина

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасындағы «Фармак» ЖАҚ өкілдігі

Қазақстан Республикасы, Алматы қ., индексі 050012, Амангелді к-сі, 59 «А», «Шартас» бизнес орталығы, 9-қабат. Тел/факс +7 (727) 267 63 73, электрондық пошта: а.aspetova@farmak.kz

Дәріханалар

Тауар артығымен бар
Тауар аз қалды
Аптека №184
мкр Центральный 47
9:00-21:00