Сипаттама
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Лацидофил ® - WM
Халықаралық патенттелмеген атауы
Жоқ
Дәрілік түрі, дозасы
Капсулалар
Фармакотерапиялық тобы
Ас қорыту жүйесі және зат алмасу. Диареяға қарсы, ішекке арналған қабынуға қарсы/микробқа қарсы препараттар. Диареяға қарсы микроорганизмдер. Сүт қышқылын өндіретін микроорганизмдер.
АТХ коды А07FA01
4.1 Қолданылуы
- антибиотиктермен емдеу кезінде және одан кейін асқазан-ішек жолының микрофлорасы бұзылыстарының профилактикасында
- саяхатшылар диареясының профилактикасында
- антибиотикпен емдеу кезінде және одан кейін демеуші емде
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- белсенді заттарға немесе препарат құрамына кіретін қосымша заттардың қандай да біреуіне аса жоғары сезімталдық;
- сиыр сүті ақуызына немесе сояға расталған аллергия;
- лактаза (Лапп түрі) немесе сахараза-изомальтаза тапшылығы;
- галактоза көтере алмаушылығымен байланысты тұқым қуалайтын кінәраттар, фруктоза көтере алмаушылығымен байланысты бұзылулар, глюкоза-галактоза мальабсорбциясы.
Қолдану кезіндегі қажетті сақтық шаралары
Емдеуші дәрігерге рецептісіз препараттарды қоса, пациент қабылдайтын барлық препараттар туралы хабарлау қажет.
Басқа дәрілік препараттармен өзара әрекеттесуі
Басқа дәрілік препараттармен өзара әрекеттесу жағдайлары туралы хабарланбаған.
Арнайы ескертулер
Келесі топтарға жататын пациенттер осы дәрілік препаратты қолданар алдында дәрігермен кеңесуі тиіс:
- қызба, құсу немесе іштің қатты ауыруы бар пациенттер;
- жедел панкреатиті бар пациенттер;
- орталық веналық катетерлері бар пациенттер және операциядан кейінгі кезеңдегі пациенттер, әсіресе анамнезінде миокардитке немесе эндокардитке нұсқаулар бар пациенттер немесе жүрекке, асқазан-ішек жолына немесе ауыз қуысына операция жасағаннан кейінгі пациенттер (тіс жұлуды қоса), себебі ашық жаралар бактериялық инфекцияның ықтимал ену орындары болып табылады;
- қан аралас нәжіспен пациенттер, әсіресе нәрестелер мен егде жастағы пациенттер, себебі өткізгіш ішек бөгеттері бактериялық инфекцияның ықтимал ену орындары болып табылады;
- аллогенді трансплантаттары бар пациенттерді, радиотерапияға немесе химиотерапияға ұшырайтын пациенттерді, иммундық жүйесі дамымаған пациенттерді, шала туған нәрестелерді, ЖИТС-пен, лимфомамен ауыратын пациенттерді немесе кортикостероидтармен ұзақ уақыт емделген пациенттерді қоса алғанда, иммунитеті бұзылған немесе бәсеңдеген пациенттер;
- пробиотиктерді қолданғанда лактоацидоз туындауы мүмкін, қысқа ішек синдромына шалдыққан балалар. Пациенттердің осы санатында L. helveticus сияқты лактобактериялардың штаммдарын қолдану қанда бақылауды қажет етеді және лактат деңгейі жоғарылаған жағдайда дереу тоқтатылуы тиіс.
Жүктілік немесе лактация кезінде
Препаратты қолданар алдында бала емізетін әйелдер немесе жүкті әйелдер дәрігермен кеңесуі керек.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Лацидофил® - WM автокөлік жүргізу және механизмдерді басқару қабілетіне әсер етпейді.
Қолдану бойынша ұсынымдар
Дозалау режимі
3 жас пен 6 жас аралығындағы балаларға капсуланы ашып, оның ішіндегісін бөлме температурасындағы суға немесе тағамға араластырып беруге болады.
Ішек микрофлорасын қалыпты етіп ұстап тұру үшін профилактикалық мақсатта: 6 айдан асқан балаларға күнара 1 капсуладан; 3 жас және одан үлкен балаларға 1 капсуладан күніне 1 рет; ересектерге күніне 1–2 капсуладан. Қабылдау ұзақтығы 20 күн.
Антибиотиктерді қабылдауға байланысты диареяның профилактикасы және емдеу үшін (оның ішінде Clostridium difficile таяқшасынан туындаған), Лацидофилді антибиотиктерді қабылдаудан 2 сағат бұрын немесе кейін тағайындайды.
Балаларға: 6-12 айлық - күніне 1 капсуладан; 1-3 жастағы - 1 капсуладан күніне 2 рет; 3–12 жастағы - 1 капсуладан күніне 2–3 рет; 12 жастан асқан балалар мен ересектерге — 1–2 капсуладан күніне 3 рет. Қабылдау ұзақтығы антибиотиктерді қолдану мерзіміне немесе аурудың симптомдары жойылғанға дейін анықталады. Әрі қарай препаратты профилактика үшін қолдануға болады (жоғарыдан қараңыз).
Тағам рационы өзгеруіне, саяхат жасау мен басқа себептерге байланысты ішектің транзиторлы дисфункциясында (диареяда, сондай-ақ іш қатуда), 6- 12 айға дейінгі балаларға - 1 капсуладан күніне 1 рет, 1-3 жастағы балаларға - 1 капсуладан күніне 2 рет; 3 жастан асқан балаларға –симптомдар жойылғанға дейін - 1 капсуладан күніне 3 рет, ересектерге – симптомдар жойылғанға дейін 1–2 капсуладан күніне 3 рет. Одан кейін препаратты қабылдаудың профилактикалық режимі пайдаланылуы мүмкін.
Енгізу әдісі мен жолы
Ішке қабылдау үшін. Капсулаларды ас ішу кезінде немесе ас ішкенге дейін 30 минут бұрын, бөлме температурасындағы судың аздаған мөлшерімен бірге қабылдайды.
Артық дозалану жағдайында қабылдануы қажет шаралар
Анықталмаған.
Дәрілік препаратты қолдану тәсілін түсіндіру үшін медициналық
қызметкерден кеңес алу үшін жүгіну ұсынылады.
ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар
Барлық дәрілік заттар сияқты, бұл препарат жағымсыз реакцияларды тудыруы мүмкін, бірақ олар барлық адамдарда бола бермейді.
Өте сирек жағдайларда аллергиялық реакция, бөртпе немесе диарея түрінде көрінетін аса жоғары сезімталдық туралы хабарланды. Мұндай жағдайларда симптомдар жойылғанша препаратты қолдануды тоқтата тұру ұсынылады. Басқа жағымсыз әсерлер белгісіз.
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
Бір капсуланың құрамында
белсенді заттар: lactobacillus rhamnosus R0011 –1.9 109 КТБ
lactobacillus helveticus R0052 – 0.1109 КТБ
(Бактериялық өсіріндінің жалпы мөлшері) (2.0109 КТБ)
қосымша заттар: мальтодекстрин, магний стеараты, аскорбин қышқылы, желатин.
Сыртқы түрінің, иісінің және дәмінің сипаттамасы
Мөлдір қатты желатинді капсулалар, өлшемі №2.
Капсула ішіндегісі – кішкентай сарғыш дақтары бар ұсақ дисперстік ақ ұнтақ.
Шығарылу түрі және қаптамасы
10 капсуладан ПВХ үлбірден және алюминий фольгадан жасалған пішінді ұяшықты қаптамада.
2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.
Сақтау мерзімі
3 жыл
Жарамдылық мерзімі өткеннен кейін қолдануға болмайды!
Сақтау шарттары
+2-ден +8°С-ге дейінгі температурада тоңазытқышта сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
«Лаллеман Хелс Солюшнс Инк.»
8480 бул. Саинт Лаурент, Монреаль, Квебек, Канада H2P 2M6
Тел: +1 514 381 5631, факс: + 1-450-433-9722, электронды пошта:
https://lallemand-health-solutions.com/en/contact-us/
Тіркеу куәлігінің ұстаушысы
«УОРЛД МЕДИЦИН ЛТД.»
Бербути к-сі, 10/Алмасиани к-сі, 19-21, 26 кеңсе (корп.II), Тбилиси қ-сы, Грузия
Тел: + 995 32 2 21 28 12, факс: + 995 32 2 21 28 13,
Электронды пошта: worldmedicine.llc.geo@gmail.com
Қазақстан Республикасының аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)
«РИН Фарм» ЖШС, Қазақстан Республикасы, Алматы қ., Сүйінбай д-лы, 222 б
Тел/факс: 8 (7272) 529090, rin_pharma@mail.ru
Қазақстан Республикасының аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«TROKA-S PHARMA» ЖШС, Алматы, Сүйінбай даңғылы 222 б
Тел: +7 701 786 33 98, (24-сағаттық қол жетімділік).
е-mail: pvpharma@worldmedicine.kz
