Куриозин 0,1% 15 г гель

Сипаттама

Дәрілік затты медициналық қолдану

жөніндегі нұсқаулық

КУРИОЗИН

Саудалық атауы

Куриозин

Халықаралық патенттелмеген атауы

Жоқ

Дәрілік түрі

Гель, 15 г

Құрамы

1 сықпа гельдің құрамында

белсенді зат - 15,4 мг мырыш гиалуронаты (15,0 мг натрий гиалуронатына және 5,0 мг мырыш хлоридіне баламалы)

қосымша заттар: калий сорбаты, натрий гидроксиді, карбомер, инъекцияға арналған су

Сипаттамасы

Іс жүзінде иіссіз, түссіз немесе түссіз дерлік мөлдір гель.

Фармакотерапиялық тобы

Безеу бөртпесін емдеуге арналғанпрепараттар. Безеу бөртпесін емдеуге арналғансыртқа қолданылатын препараттар. Безеу бөртпесін емдеуге арналғансыртқа қолданылатын басқа да препараттар.

АТХ коды D10AX

Фармакологиялық қасиеттері

Фармакокинетикасы

Дені сау адамдардың қан плазмасында гиалурон қышқылының концентрациясы 10-нан 100 мкг/л дейінгі шектерде болады. Қан плазмасындағы гиалурон қышқылының деңгейі физиологиялық тұрғыда таңертең, сондай-ақ егде жаста және бауыр функциясының бұзылуларында жоғарылайды.Гиалурон қышқылы қан плазмасынан жылдам шығарылады және төмен молекулалы қосылыстарға негізінен бауырда ыдырайды. Жартылай шығарылуы (t1/2) 2,5-5,5 құрайды. Гиалурон қышқылы несеппен мүлде бөлінбейді (1%).

Адамдағы экзогенді гиалурон қышқылының фармакокинетикасы туралы деректердің аздаған саны бар.

Фармакодинамикасы

Безеу түзілуінің екі негізгі этиологиялық факторларымен қатар (атап айтқанда, май бездерінде тіндердің тесілуі және олардың түтіктерінің гиперкератозы) Propionibacterium acnes бактериялары қатысуына жауап ретінде өндірілетін биологиялық белсенді заттар босап шығуының мәні зор. Мұндай өзгерістер зақымданған тіндерде гиалурон қышқылының мөлшерін төмендетеді; гиалурон қышқылына жоғары қажеттілік Куриозин гелін жергілікті қолданумен түзетілуі мүмкін. Гиалурон қышқылы табиғи полимер, дәнекер тін жасушааралық матриксінің қажетті мукополисахариді болып табылады. Оның физикалық-химиялық қасиеттеріне негізделген басқа молекулалармен және жасушалармен өзара әрекеттесуі гиалурон қышқылының көптеген биологиялық үдерістерге қатысуын өмірлік маңызды етеді. Гиалуронқышқылы және су молекулалары дисперсиялық матрица түзеді, ол терінің созылғыштығын және тонусын қамтамасыз етуге қатысады. Протеогликандардың басқа молекулаларымен бірге, гиалурон қышқылы дәнекер тіндердің жасушааралық матрицатұрақтандырғышы ретінде әсер етеді. Мырыш липаза P. acnes белсенділігін бәсеңдетеді және бактерияға қарсы қасиеттерді иеленген.

Гиалурон қышқылы және су молекулалары тін ақауының орнын толтыратын дисперсиялық матрица түзеді, жасушалар үшін сыртқы каркас қызметін атқарады, гранулоциттер мен макрофагтардың белсенділігін арттырып, фибробласттар мен ангиогенездіңпролиферациясынкүшейтеді. Натрий тұзынан айырмашылығы, мырыш гиалуронатының әртүрлі бактериялар штамдарына қатысты бактериостатикалық қасиеттері бар.

Қолданылуы

- кәдімгі безеудіңауырлығы жеңіл және орташа дәрежедегі барлық түрлерін жергілікті емдеуде (әсіресе комедонды және папулезді-пустулезді безеулер)

Қолдану тәсілі және дозалары

Препарат сыртқа қолдануға арналған. Терінің зақымданған бөліктерін мұқият тазалағаннан кейін Куриозин® гелін тәулігіне екі рет жұқалап жағылады.

Гель бірнеше минут ішінде сіңеді, сондықтан таңғыш салудың қажеті жоқ.

Жағымсыз әсерлері

Жиі (>1/100 - <1/10)

- емдеудің басындағы жеңіл ашыту сезімі және терінің қызаруы

- тері құрғаған кезде тырысу сезімі пайда болуы мүмкін

Мұндай көріністер әдетте емді жалғастырған кезде жоғалады.

Қолдануға болмайтын жағдайлар

- препараттың кез келген ингредиенттеріне аса жоғары сезімталдық

Дәрілермен өзара әрекеттесуі

Анықталмаған.

Айрықша нұсқаулар

Препарат жасөспірімдерге қолдануға арналған.

Препарат фотосезімталдықты туындатпайды, теріні немесе іш киімді боямайды.

Жүктілік, лактация кезеңі

Препаратты жүктілік кезінде және лактация кезеңінде қолдану туралы деректер жоқ.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автомобиль және жұмыс механизмдерін басқару қабілетіне ықпал етпейді.

Артық дозалануы

Артық дозалану жағдайлары туралы хабарлар жоқ.

Шығарылу түрі және қаптамасы

15 г препараттан тесетін ұштығымен ақ полиэтилен қалпақшасы бар алюминий сықпада.

1 сықпадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

30оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды

Дәріханалардан босатылу шарттары

Рецептісіз

Өндіруші ұйымның атауы және елі

«Гедеон Рихтер» ААҚ, Венгрия

Тіркеу куәлігі ұстаушысының атауы және елі

«Гедеон Рихтер» ААҚ, Венгрия

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

«Гедеон Рихтер» ААҚ ҚР өкілдігі, Алматы қ., Төле би к-сі 187

E-mail: info@richter.kz

Телефон: 8-(7272)-58-26-22, 8-(7272)-58-26-23

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

«Гедеон Рихтер» ААҚ ҚР өкілдігі, Алматы қ., Төле би к-сі 187

E-mail: pv@richter.kz

Телефон: 8-(7272)-58-26-22, 8-(7272)-58-26-23, 8-701-787-47-01

Дәріханалар

Қалалар