Тауарлардың көрінісі фотосуретте көрсетілгеннен өзгеше болуы мүмкін

КЕТО плюс 60 мл шампунь

4875
Қолжетімділігі
Сатылымда бар
Үлгі
8904091113910
Елі
Индия
Өндіруші
Гленмарк
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

КЕТОПЛЮС

Саудалық атауы

Кетоплюс

Халықаралық патенттелмеген атауы

Жоқ

Дәрілік түрі

60 мл және 150 мл сусабын

Құрамы

1 мл препараттың құрамында

белсенді заттар: 20 мг кетоконазол,

48 % дисперстік мырыш пиритионы 10 мг мырыш пиритионына баламалы,

қосымша заттар: алюминий және магний силикаты, коллоидты кремнийдің қостотығы, концентрацияланған хлорсутек қышқылы, гипромеллоза 50 СРS, имидомочевина, Кармоизин Супра бояғышы IH, швейцариялық Р3043 шоғыры хош иістендіргіші, пропиленгликоль, таза інжу сусабын негізі, тазартылған су.

Сипаттамасы

Жағымды иісі бар, қызғылт түсті тұтқыр сұйықтық.

Фармакотерапиялық тобы

Дерматология. Басқа дерматологиялық препараттар. Емдік сусабындар. Басқалары.

ATХ коды D11AС30

Фармакологиялық қасиеттері

Фармакокинетикасы

Жергілікті қолданылғанда кетоконазол мен мырыш пириотинының сіңірілуі елеусіз. Сусабынды ұзақ уақыт қолданғанда, қанда белсенді заттарының мөлшері анықталмайды, сондықтан, препараттың жүйелі әсері болмайды.

Фармакодинамикасы

Кетоконазол, имидазол-диоксоланның синтетикалық туындысы, Trichophyton spp., Epidermophyton spp., Microsporum spp. сияқты дерматофиттерге және Candida spp. және Malassezia furfur (Pityrosporum ovale) сияқты ашытқытәрізді зеңдерге қатысты зеңге қарсы әсерге ие.

Мырыш пиритионы эпителий жасушаларына пролиферацияға қарсы әсерге ие және терінің шамадан тыс қабыршықтануын туғызатын Pityrosporum ovale мен Pityrosporum orbiculare қатысты зеңге қарсы белсенділік танытады.

Кетоплюс сусабыны әдетте, қайызғақпен және себореялық дерматитпен астасатын бас терісінің қабыршықтануы мен қышынуын азайтады.

Қолданылуы

- қайызғақ пен себореялық дерматиттің профилактикасы және емдеу үшін

Қолдану тәсілі және дозалары

Сыртқа қолдануға арналған.

Қолдану тәсілі:

  • Шашты және бастың түкті бөлігінің терісін сумен сулаңыз.
  • Шаш пен бастың түкті бөлігін жууға арналған көбік түзілуі үшін, сусабынның жеткілікті мөлшерін жағыңыз.
  • Сусабынды массажды қимылдармен шашқа және бастың түкті бөлігінің терісіне бір минуттай жайып жағыңыз.
  • Сусабынды жылы сумен шайып тастаңыз. Үдерісті қайталаңыз және сусабынды шаш пен түкті теріде 3 минутқа қалдырыңыз.
  • Жылы сумен шайып, шашты сүлгімен немесе фенмен кептіру керек.

Сусабынды 4 апта бойы аптасына екі рет, әр 3 күн сайын пайдалану керек.Профилактика үшін - 1 ай бойы аптасына бір рет.

Жағымсыз әсерлері

Жиі емес (1/1000, <1/100)

- алопеция

- терінің құрғауы

- шаш текстурасының өзгеруі

- бөртпе

- терінің шымылдатып ашыту сезімі

- көзден жас парлау

- фолликулиттер

- қолданылған аумақтағы эритема, жергілікті тітіркену, жергілікті қышыну

Сирек (≥1/10,000,<1/1,000)

- қолданылған аумақтағы терінің аса жоғары сезімталдығы

- дисгевзия

- көздің тітіркенуі

- акне, жанаспалы дерматит, терінің қабыршықтануы, терінің тітіркенуі

- қолданылған аумақтағы пустулалар

Жиілігі белгісіз

- ангионевроздық ісіну

- есекжем

- шаш түсінің өзгеруі

Қолдануға болмайтын жағдайлар

- кетоконазолға, басқа азол туындыларына, мырыш пиритионына, препараттың қосымша компоненттеріне аса жоғары сезімталдық

- балалар мен 18 жасқа дейінгі жасөспірімдерге

Дәрілермен өзара әрекеттесуі

Зерттелмеген.

Айрықша нұсқаулар

  • Көзге тиюін болдырмаңыз. Сусабын көзге тиіп кеткен жағдайда, көзді сумен жуып-шаю керек.
  • Сусабынды жүйелі түрде қолданғаннан кейін жағдай нашарлаған немесе жақсарулар болмаған жағдайда, дәрігермен кеңесу қажет.
  • Сусабынды қолданғанда химиялық бұйралаудан зақымданған шаштар түсуі мүмкін.
  • Жағымсыз реакциялар немесе тітіркенулер пайда болса, сусабынды қолдануды тоқтату қажет.
  • Анамнезде пиритионға аллергиялық реакциялар немесе консерванттарға, бояғыштарға аллергия болған жағдайда, дәрігерге хабарлау керек.

Препаратты жергілікті қолдануға арналған глюкокортикостероидтарды (ГКС) қолданып жүрген пациенттерде пайдаланғанда, тоқтату синдромын болдырмау үшін, ГКС қолдануды Кетоплюс сусабынымен бірге қолдануды жалғастырып, ГКС 2-3 апта ішінде біртіндеп тоқтату ұсынылады.

Себореялық дерматит пен қайызғақ көбінесе шаш түсуінің күшеюімен қатар жүреді. Сирек жағдайларда, Кетоплюс сусабынын қолданғанда шаш түсуінің күшейгені білінген.

Жүктілік жәнелактация кезеңі

Кетоконазол мен мырыш пиритионы сыртқа қолданғаннан кейін тері арқылы болар-болмас сіңірілетіндіктен, Кетоплюс сусабынын жүктілік және лактация кезінде пайдалануға болады. Бірақ сусабынды қатаң түрде көрсетілімі бойынша, егер анасы үшін күтілетін пайдасы шарана мен бала үшін ықтимал қауіптен асып түсетін болса ғана қолдану керек.

Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері

Кетоплюс сусабыны автомобильді басқару және техникамен жұмыс жасау қабілетіне әсер етпейді.

Артық дозалануы

Кетоплюс сусабынын пайдаланғанда артық дозалануының дамуы күтілмейді, өйткені препарат тек сыртқа қолдануға арналған. Байқаусызда ішке қабылданған жағдайда, арнайы шаралар қажет емес. Аспирациялануын болдырмас үшін, құстыруға немесе асқазанды шаюды пайдалануға тыйым салынады.

Шығарылу түрі және қаптамасы

Пластик құтыдағы 60 мл немесе 150 мл сусабын. 1 құты медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде 25°С-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

2 жыл

Жарамдылық мерзімі өткеннен кейін қабылдауға болмайды.

Дәріханадан босатылу шарттары

Рецептісіз

Өндіруші/Қаптаушы

Гленмарк Фармасьютикалз Лтд, ПЛОТ № Е 37,39, МИДС Ареа, Сатпур, Насик – 422007,Махараштра, Үндістан.

Тіркеу куәлігінің иесі

Гленмарк Фармасьютикалз Лтд, Үндістан

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефоны,факсы,электронды поштасы):

Гленмарк Фармасьютикалз ЛТД ҚР өкілдігі, 050059, Алматы қ., Әл-Фараби даңғылы,7, «Нұрлы Тау» бизнес орталығы, 4 А блогы, 12 кеңсе.

тел: + 7(727) 311 04 41.

Дәріханалар

Тауар артығымен бар
Тауар аз қалды
Аптека №184
мкр Центральный 47
9:00-21:00