Флебодиа 600 мг, №30, табл.

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Флебодиа 600

Халықаралық патенттелмеген атауы

Диосмин

Дәрілік түрі, дозалануы

Үлбірлі қабықпен қапталған таблеткалар, 600 мг

Фармакотерапиялық тобы

Жүрек-қантамыр жүйесі. Вазопротекторлар.

Капиллярларды тұрақтандыратын дәрілер.Биофлавоноидтар. Диосмин.

АТХ коды С05СА03

Қолданылуы

- аяқтың лимфовенозды жеткіліксіздігі(аяқтағы ауырлық, шаршау, керіп ауыру сезімдері, кешке қарай күшейетін ауыруы, ісінуі) симптомдарын емдеу

- Геморроидальді түйіндердің тромбозы симптомдарын емдеу

- Микроайналымның бұзылуы кезінде қосымша емдеу

Дәрілік препаратты қолданудың басталуына дейінгі қажетті мәліметтер тізбесі

Қолдануға болмайтын жағдайлар

- препарат компоненттеріне жоғары сезімталдық

- емшек емізу кезеңі (қолдану тәжірибесі шектеулі)

Қолдану кезіндегі қажетті сақтандыру шаралары

Флебодиа 600 мг препараты, үлбірлі қабықпен қапталған таблеткаларын қабылдамас бұрындәрігермен немесе фармацевпен кеңесу қажет.

Бұл дәрілік затты салауатты өмір салтын ұстана отырып, қабылдау ең тиімді.

Күн сәулесі мен жылудың әсерінен аулақ болыңыз, аяғыңызбен ұзақ уақыт түрегеп тұрмауға және артық салмақты болдырмауға тырысыңыз. Күнделікті жаяу жүру тиісті компрессиялық киім кию қан айналымын жақсартады.

Понсо 4R бояғыштың (Е124) болуы аллергиялық көріністердің дамуына әкелуі мүмкін.

Басқа дәрілік препараттармен өзара әрекеттесуі

Басқа дәрілік заттармен өзара әрекеттесуінің клиникалық елеулі әсерлері сипатталмаған.

Адреналин мен норадреналиннің тамыр тарылтқыш әсерінің күшеюі ықтимал.

Арнайы сақтандырулар

Егер қан тамырларының проблемалары мен әлсіздігі 15 күннің ішінде азаймаса, дәрігерге хабарласыңыз.

Геморроидальді түйіндердің тромбозы кезінде емдеу қысқамерзімді болуы керек.

Геморроидальдыі түйіндердің тромбозын емдеу емдеудің басқа әдісімен кешенде жүргізілуі мүмкін. Егер симптомдар ұсынылған емдеу курсынан кейін жойылмаған жағдайда, кейінгі емдеуді таңдайтын маманмен кеңесу керек.

Педиатрияда қолдану

Көзделмеген

Жүктілік және лактация кезеңі

Жүктілік кезеңінде ана үшін зор пайдасы шаранаға төнетін ықтимал қауіптен басым болған жағдайда тек дәрігердің тағайындауы бойынша ғана қолданылуы мүмкін.

Эксприментальді зерттеулерде ұрыққа тератогенді әсер еткені анықталмаған. Осы уақытқа дейін клиникалық практикада жүктілерге препаратты қолданған кезде ұрыққа мальформациялық немесе фетоуытты әсері жағдайы жөнінде хабар болған жоқ.

Препараттың емшек сүтіне енуі туралы деректердің болмауына байланысты емізетін әйелдерге препаратты қабылдау ұсынылмайды.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препараттың көлік құралдарын және басқа механизмдерді басқару қабілетіне теріс ықпалы жөнінде мәліметтер жоқ.

Қолдану жөніндегі нұсқаулар

Дозалану режимі

Ұсынылатын доза:

- Аяқтың лимфовенозды жеткіліксіздігі: тәулігіне 1 таблеткадан, таңертең, таңғы асқа дейін.

- Геморроидальді түйіндердің тромбозы және созылмалы геморройдың асқынуы: тәулігіне 2-3 таблеткадан,тамақтану кезінде.

- Созылмалы геморрой: тәулігіне 1 таблеткадан.

Енгізу әдісі мен жолы

Пероральді.

Қабылдау уақыты көрсетілген қолдану жиілігі

Аяқтың лимфовенозды жеткіліксіздігі

Созылмалы лимфовенозды жеткіліксіздік кезінде тәулігіне 1 таблеткадан, таңертеңгілік, дұрысы таңғы асқа дейін тағайындайды.

Геморроидальді түйіндердің тромбозы және созылмалы геморройдың асқынуы

Геморроидальді түйіндердің тромбозы және созылмалы геморройдың асқынуы кезінде препаратты алғашқы төрт күнде тәулігіне 3 рет 1 таблеткадан тамақтану кезінде; келесі үш күнде тәулігіне 2 рет 1 таблеткадан тамақтану кезінде.

Созылмалы геморрой

Жедел құбылыстар қайтқаннанкейін препаратты қабылдауды 1 таблеткадантәулігіне 1 рет.

Емдеу ұзақтығы

Аяқтың лимфовенозды жеткіліксіздігі

Препаратты қабылдаудың әдеттегі курсы 2 айды құрайды.

Геморроидальды түйіндердің тромбозы және созылмалы геморройдың асқынуы

Емдеу курсы 7 күн. Симптомдар қайта қайталанған жағдайда емдеу курсы дәрігердің тағайындауы бойынша қайталануы мүмкін.

Созылмалы геморрой

Жедел құбылыстар қайтқаннанкейін препаратты қабылдауды 1-2 ай бойы жалғастыру ұсынылады.

Артық дозалану жағдайында қабылдау қажет болатын шаралар

Артық дозалану оқиғалары тіркелген жоқ.

Дәрілік препараттың бір немесе бірнеше дозасын өткізіп алу кезінде қажетті шаралар

Егер препараттың бір немесе бірнеше қабылдануын өткізіп алса, препаратты әдеттегі режимде және әдеттегі дозада қолдануды жалғастыру керек.

Препаратты қолданудың алдында дәрігерден кеңес алу керек.

Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар

Осы дәрілік препаратты әрдайым осы нұсқаулықта сипатталғандай немесе дәрігердің немесе фармацевтің ұсынымы бойынша қабылдаңыз.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиілік санаты клиникалық зерттеулер деректері негізінде тіркелген жиілікке сәйкес жағымсыз реакцияның әрбір түрі үшін анықталады:

Өте жиі (≥1/10), Жиі (≥1/100 <1/10 дейін), Жиі емес (≥1/1000 <1/100 дейін), Сирек (≥1/10000 <1/1000 дейін),Өте сирек (<1/10000)

Сирек (≥1/10000 <1/1000дейін)

- препарат компоненттеріне жоғары сезімталдық

- диспепсиялық бұзылыстар

- бас ауыруы

- аллергиялық реакциялар

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

Белсенді зат - 600 мг тазартылған диосмин (сусыз диосминге баламалы),

қосымша заттар: микрокристалды целлюлоза, тальк, сусыз коллоидты кремнийдің қостотығы, стеарин қышқылы,

қабықтың құрамы:Сепифилмтм 002 қорғаныш үлбірі (гипромеллоза, микрокристалды целлюлоза, макроголь стеараты 400), қызғылт СеписперстмAP 5523 бояғыш заты (пропиленгликоль, гипромеллоза, титанның қостотығы (Е171), қан қызыл түстес бояғыш [Понсо 4R] (Е124), темірдің қызыл тотығы (Е172), темірдің қара тотығы (Е172), Опаглостм 6000 (пальма балауызы, арабалауызы, гуммилак, 95% этил спирті)

Сыртқы түрінің, иісінің, дәмінің сипаттамасы

Дөңгелек пішінді, екі беті дөңес, қызғылт түсті үлбірлі қабықпен қапталған таблеткалар.

Шығарылу түрі және қаптамасы

15 немесе 18 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.

1, 2 және 4 (15 таблеткадан) немесе 1 (18 таблеткадан) пішінді ұяшықты қаптамадан медициналық қолдану жөніндегі нұсқаулықпен бірге картон қорапқа салынады.

Сақтау мерзімі

5 жыл

Қаптамасында көрсетілген жарамдылық мерзімі өткеннен кейін қолдануға болмайды.

Сақтау шарттары

30ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

Иннотера Шузи

Рю Рене Шантеро, Шузи-Сюр-Сис, 41150 Валуар-сюр-Сис, Франция, тел.: +33 2 54 51 22 00, факс: +33 2 54 20 41 00, электронды пошта: aqo.chouzy@innothera.com

Тіркеу куәлігінің ұстаушысы

Лаборатории Иннотера

22 авеню, Аристид Бриан, 94110, г. Аркей, Франция, тел.: +33 1 46 15 29 00, факс: +33 1 45 46 40 15, электронды пошта: licensing@innothera.com

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

ҚР Лаборатории «Иннотек Интернасиональ С.А.С.» өкілдігі

050059, Қазақстан Республикасы,Алматы қ., Әл-Фараби д-лы, 17, 830 т.е., «Нұрлы Тау» бизнес орталығы,4 Б блок,404 кеңсе, тел./факс: +7-727-311-09-71, +7-727-311-09-72, электронды пошта: innotech@innotech.kz

Қалалар