Эвкалипт-М № 20 табл
Тауарлардың көрінісі фотосуретте көрсетілгеннен өзгеше болуы мүмкін

Эвкалипт-М № 20 табл

Қолжетімділігі
Тауар қолда жоқ
Үлгі
8717627107686
Елі
Франция
Өндіруші
Natur Produkt
  • Сипаттама

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)


Саудалық атауы

Эвкалипт-М


Халықаралық патенттелмеген атауы

Жоқ


Дәрілік түрі, дозалануы

Соруға арналған таблеткалар


Фармакотерапиялық тобы

Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімді қоспағанда. Қақырық түсіретін препараттар. Қақырық түсіретін препараттар біріктірілімі.

АТХ коды R05СА10


Қолданылуы

кешенді терапияның құрамындағы жоғарғы тыныс алу жолдары мен жұтқыншақтың қабыну аурулары (фарингит, ларингит, трахеит).


Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- әсер етуші затқа (заттарға) немесе қосымша заттардың кез келгеніне аса жоғары сезімталдық

- 18 жасқа дейінгі балалар

- сахароза, изомальтоза тапшылығы

- фруктозаға төзімсіздік

- глюкоза-галактоза мальабсорбциясы

Қолдану кезіндегі қажетті сақтандыру шаралары

Ұзақ емдеу ауыз қуысының микрофлорасының табиғи тепе-теңдігін бұзуы мүмкін.

Басқа дәрілік препараттармен өзара әрекеттесуі

Эвкалипт майының препараттары басқа дәрілік заттардың метаболизміне қатысатын бауыр ферменттерінің белсенділігін өзгерте алады. Эвкалипт препараттары мен диабетке қарсы дәрілерді бір мезгілде қолданғанда қандағы глюкоза деңгейінің төмендеуі және қанда қанттың азаюының дамуы мүмкін.

Арнайы сақтандырулар

Педиатрияда қолдану

Препаратты 18 жасқа дейінгі балаларға қолдануға болмайды

Жүктілік немесе лактация кезеңінде

Препаратты жүктілік кезінде және емшекпен емізу кезеңінде препаратты осы санаттағы пациенттерде қолдану қауіпсіздігі туралы деректердің болмауына байланысты қолдануға болмайды.

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері

Препаратты қолдану автокөлікті немесе қауіптілігі зор механизмдерді басқару қабілетіне әсер етпейді.


Қолдану жөніндегі нұсқаулар

Дозалау режимі

Ересектерге 1 таблеткадан күніне 3-4 рет

Қолдану тәсілі

Таблеткаларды ауызда шайнамай, сору керек. Препаратты тамақ ішудің арасында қабылдау керек. Емдеудің ұзақтығы 5 күннен аспауы керек.

Артық дозалану жағдайында қабылдау қажет болатын шаралар

Симптомдары: аллергиялық реакциялардың болуы мүмкін

Емі: симптоматикалық ем.

Дәрілік препаратты қолдану тәсілін түсіндіру үшін медицина қызметкерінен кеңес алуға кеңес береміз.


Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

аллергиялық реакциялар

Сирек

диспепсиялық құбылыстар.


Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz


Қосымша мәліметтер

Дәрілік препарат құрамы

Бір таблетканың құрамында

белсенді заттар: левоментол 6,00 мг, эвкалипт майы 5,50 мг;

қосымша заттар: сахарин, сорбитол, магний стеараты, хош иісті «ара балы» үстемесі, хинолинді сары Е 104, индигокармин Е 132.

Сыртқы түрінің, иісінің, дәмінің сипаттамасы

Ментол және эвкалипттің иісі бар екі жағында ағаштың фонында «NP» нақыштап ойылған шеттері қиғашталған беті тегіс дөңгелек пішінді ашық және күңгірт дақтары бар ашық-жасыл түсті таблеткалар.


Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамада 10 таблеткадан.

2 пішінді қаптамадан қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынады.


Сақтау мерзімі

3 жыл.

Жарамдылық мерзімі өткеннен кейін қолдануға болмайды.


Сақтау шарттары

25ºС-ден аспайтын температурада сақтау керек.

Балалардың қолы жетпейтін жерде сақтау керек!


Дәріханалардан босатылу шарттары

Рецептісіз


Өндіруші туралы мәліметтер

Натур Продукт Еуропа Б.В., Твейберг 17, 5246 XL Розмален, Нидерланды

Телефон: +31(0)73-6480848, факс: +31(0)73-64103840

Электрондық пошта: info@natur-produkt.nl

Тіркеу куәлігінің ұстаушысы

«Бауш Хелс» ЖШҚ

Ресей Федерациясы,115162, Мәскеу қ., Шаболовка к-сі, 31 үй, 5-құр,

Тел./ факс: +7 495 510 2879

Электрондық пошта: office.ru@bauschhealth.com


Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Бауш Хелс» ЖШС

Қазақстан Республикасы, Алматы қ., A26T9G0, Қажымұқан к-сі 22/5

Телефон + 7 727 3 111 516, факс +7 727 3 111 517

Электрондық пошта: office.kz@bauschhealth.com