Сипаттама
Дәрілік затты медициналық қолдану жөніндегі нұсқаулық
ДИоФЛАН®
(DIOFLAN)
Саудалық атауы
Диофлан®
Халықаралық патенттелмеген атауы
Жоқ
Дәрілік түрі
Үлбірлі қабықпен қапталған таблеткалар, 500 мг
Құрамы
Бір таблетканың құрамында
белсенді зат: 500 мг тазартылған микрондалған флавоноидты фракция, оның құрамында: 450 мг диосмин және 50 мг гесперидин1,
қосымша заттар: микрокристалды целлюлоза, натрий крахмалы гликоляты (А типі), гипромеллоза, натрий лаурилсульфаты, тальк, магний стеараты, бүркеуге арналған «Opaglos 2 Orange» № 97А239672 қоспасы
1- «Гесперидин» деген атау флавоноидтар қоспасын білдіреді: изороифолин, гесперидин, линарин, диосметин
2- Бүркеуге арналған «Opaglos 2 Orange» № 97А23967 қоспасының құрамында: натрий
карбоксиметилцеллюлозасы, мальтодекстрин, декстроза моногидраты, титанның
қостотығы (Е 171), стеарин қышқылы, тальк, темірдің сары тотығы (Е 172), темірдің
қызыл тотығы (Е 172), күн батар түстес сары FCF (Е 110)
Сипаттамасы
Сопақша пішінді, екі беті дөңес, бір жағында сызығы және екінші жағында «КМП» деген жазуы бар, бозғыл-қызғылт түсті үлбірлі қабықпен қапталған таблеткалар. Сындыратын жерінде сарғыш түсті ядросы көрінеді.
Фармакотерапиялық тобы
Ангиопротекторлар. Капиллярлар өткізгіштігін төмендететін препараттар. Биофлавоноидтар. Басқапрепараттармен біріктірілген диосмин.
АТХ коды С05СА53
Фармакологиялық қасиеттері
Фармакокинетикасы
Жартылай шығарылу кезеңі 11 сағатты құрайды. Препараттың әсер етуші заттары негізінен ішек арқылы шығарылады. Несеппен орташа алғанда дозаның 14 % шығарылады.
Фармакодинамикасы
Препарат венотонустық және ангиопротекторлық әсерлерге ие, веналық тонусты жоғарылатады, веналар созылымдығы мен веностазды азайтады, микроциркуляцияны жақсартады, капиллярлар өткізгіштігін азайтып, олардың төзімділігін жоғарылатады, лимфа дренажын жақсартады, лимфа ағып шығуын арттырады. Препарат сондай-ақ лейкоциттер мен эндотелийдің өзара әрекеттесуін, капиллярдан кейінгі венуладалейкоциттер адгезиясын азайтады. Бұл қабыну медиаторларының вена қабырғалары мен вена қақпақшалары жармаларына зақымдаушы әсерін төмендетеді.
Қолданылуы
- вена-лимфа жеткіліксіздігін (аяқта ауырлықты сезіну, ауыру, ісіну және құрысулар) симптоматикалық емдеуде
- геморрой жедел ұстамаларымен байланысты функционалдық симптомдар.
Қолдану тәсілі және дозалары
Ұсынылатын доза күніне 2 таблетка, күннің ортасында 1 таблетка, 1 таблетка кешке тамақтану кезінде.
Геморрой жедел ұстамасы кезінде: бастапқы 4 күнде6 таблетка (2 таблетка күніне 3 рет), содан соң – одан кейінгі 3 күнде 4 таблеткадан (2 таблеткадан күніне 2 рет).
Емдеу курсының ұзақтығын емдеуші дәрігер белгілейді.
Емдеудің орташа ұзақтығы 2–3 айды құрайды.
Жағымсыз әсерлері
Жағымсыз реакциялар даму жиілігі және ағзалар жүйесі бойынша жіктелген. Жиілік санаты мынадай шартты белгілерге сәйкес анықталады: өте жиі (≥ 1/10), жиі (≥ 1/100 <1/10 дейін), жиі емес (≥1/1000 до <1/100), сирек (≥1/10000 <1/1000 дейін), өте сирек (<1/10000), жиілігі анықталмаған (белгілі деректерге сүйеніп бағалау мүмкін емес).
Жиі
- диарея, диспепсия, жүрек айну, құсу
- колит
Жиі емес
Сирек
- бас айналу, бас ауыру, жалпы дімкәстік
- тері бөртпесі, қышыну, есекжем
Жиілігі белгісіз
- іштің ауыруы
- беттің, еріннің, қабақтың ісінуі және Квинке ісінуі
Қолдануға болмайтын жағдайлар
- анамнезде препараттың қандай да бір компонентіне жоғары сезімталдық;
- лактация кезеңі;
- 18 жасқа дейінгі балалар мен жасөспірімдер
Дәрілермен өзара әрекеттесуі
Өзара әрекеттесуіне зерттеулер жүргізілмеген. Өзара әрекеттесу жағдайлары туралы деректер жоқ.
Айрықша нұсқаулар
Геморрой жедел ұстамалары кезінде Диофлан қолдану аноректальді аймақтың басқа аурулары спецификалық емін алмастырмайды. Препарат қысқа курсқа тағайындалады. Жүргізілген ем тиімсіз болғанда, қосымша тексеру жүргізіп, емді түзету керек. Препаратты вена қан айналымының бұзылуы бар пациенттерге тағайындаған кезде оларды күн астында ұзақ болудан сақтану, аяқпен ұзақ тұру, дене салмағын төмендету және қан айналымын жақсартатын арнайы шұлықтар кию қажеттілігі жайында хабардар еткен жөн.
Препарат құрамына кіретін бояғыштарға және қосымша заттарға аллергиялық реакциялар туындауы мүмкін.
Жүктілік
Тәжірибелік зерттеулерде тератогендік әсері айқындалмаған.
Қазіргі кезге дейін жүкті әйелдерге препаратты қолданған кездегі қандай да бір жағымсыз әсерлері хабарланбаған.
Дәрілік заттың автокөлік құралын немесе қауіптілігі зор механизмдерді басқару қабілетіне әсер ету ерекшеліктері
Диофлан автокөлікті және қауіптілігі зор механизмдерді басқару қабілетіне әсер етпейді.
Артық дозалануы
Артық дозалану жағдайлары туралы хабарланбаған.
Ұсынылған дозадан асырып жіберген жағдайда асқазанды шайып, сорбент қабылдап, дәрігерге қаралу керек. Жағымсыз әсерлері күшеюі мүмкін.
Емі: симптоматикалық.
Шығарылу түрі және қаптамасы
10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.
3 немесе 6 пішінді ұяшықты қаптамадан медициналық қолдану жөніндегі нұсқаулықпен бірге картон қорапшаға салынған.
Сақтау шарттары
Түпнұсқалық қаптамасында, 25 0С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
«Киевмедпрепарат» ЖАҚ
Украина, 01032, Киев қ., Саксаганск к-сі, 139
Тіркеу куәлігінің иесі
«Киевмедпрепарат» ЖАҚ, Украина
Қазақстан Республикасы аумағында тұтынушылардан өнім сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
«Артериум» корпорациясының Қазақстан Республикасындағы өкілдігі
050060, Алматы қ., Әл-Фараби даңғылы 97 үй, 3 подъезд, «54» кеңсе
Тел/факс: 8(727)315-82-09; 8(727)315-82-10;
Е-mail: Almaty@arterium.ua
