Даприл 20 мг №20 табл

Сипаттама

Дәрілік препаратты медициналық қолдану жөніндегі нұсқаулық

Даприл

Саудалықатауы

Даприл

Халықарылықпатенттелмегенатауы

Лизиноприл

Дәрілік түрі, дозалануы

5 мг, 10 мг, 20 мг таблеткалар

Фармакотерапиялық тобы

Жүрек-қантамыр жүйесі. Ренин-ангиотензин жүйесіне әсер ететін препараттар. Ангиотензин-өзгертушіфермент (АӨФ) тежегіштері,қарапайымдар.Лизиноприл.

АТХ кодыС09АА03

Қолданылуы

- артериялық гипертензияны емдеу

- жүрек жеткіліксіздігін симптоматикалық емдеу

- жедел миокард инфарктінен кейін 24 сағат ішінде гемодинамикалық тұрғыдан тұрақты пациенттерді қысқа мерзімді (6 апта) емдеу

- бүйрек ауруы немесе 2 типті қант диабеті кезіндегі нефропатиясы бар пациенттерде артериялық гипертензияны емдеу.

Дәрілік препаратты қолданудың басталуына дейінгі қажетті мәліметтер тізбесі

Қолдануға болмайтын жағдайлар

- әсер етуші затқа, ангиотензин-өзгертуші ферменттің (АӨФ) кез келген басқа тежегішіне немесе препараттың қосымша заттарының кез келгеніне жоғары сезімталдық

- бұрын АӨФ тежегіштерімен емдеу қолданылған емді қолданумен байланысты анамнездегі Квинке ісінуі

- тұқым қуалайтын немесе идиопатиялық ангионевроздық ісіну

- жүктіліктің екінші немесе үшінші триместрі

- Даприлді құрамында алискирен бар өнімдермен бір уақытта қолдану

- қант диабеті немесе бүйрек функциясы бұзылған пациенттерге (ШСЖ <60 мл/мин/1,73 м²)

- 6 жасқа дейінгі балалар

- ангионевроздық ісіну жоғары қаупіне байланысты бейтарап эндопептидаза тежегіштерімен бір мезгілде қолдану (мысалы, құрамында сакубитрил бар препараттармен);

Басқа дәрілікпрепараттармен өзара әрекеттесуі

Гипертонияға қарсы дәрілер

Даприлді басқа гипертонияға қарсы дәрілермен біріктіргенде (мысалы, глицерилтринитрат және басқа нитраттар немесе басқа тамыр кеңейтетін дәрілер) қосымша артериялық қысымның төмендеуі байқалуы мүмкін.

Клиникалық сынақ деректері АӨФ тежегіштерін, ангиотензин II рецепторларының блокаторларын немесе алискиренді біріктіріп қолдану арқылы ренин-ангиотензин-альдостерон жүйесінің (РААЖ) қосарлы блокадасы РААЖ әсер ететін бір затты қолданумен салыстырғанда гипотензия, гиперкалиемия және бүйрек функциясының төмендеуі (жедел бүйрек жеткіліксіздігін қоса) сияқты жағымсыз құбылыстардың жоғары пайда болу жиілігімен байланысты екенін көрсетті.

Несеп айдайтын дәрілер

Лизиноприл қабылдайтын пациенттердің еміне несеп айдайтын дәрілерді қосқан кезде гипертонияға қарсы әсер, әдетте, толықтырушы болып табылады.

Несеп айдайтын дәрілерді бұрыннан қабылдап жүрген және әсіресе, несеп айдайтын дәрілер қолдануды жақында бастаған пациенттер лизиноприлді қосу кезінде артериялық қысымның шамадан тыс төмендеуін бастан өткізуі мүмкін. Лизиноприлді қолданғанда симптоматикалық гипотензия ықтималдығын лизиноприлмен емді бастағанға дейін несеп айдайтын дәрілерді тоқтату арқылы жоққа шығаруға болады.

Калий бар тағам қоспалары, калий жинақтаушы несеп айдайтын дәрілер немесе құрамында калий бар тұз алмастырушылары

Клиникалық сынақтарда сарысудағы калий деңгейі әдетте қалып шегінде қалғанымен, кейбір пациенттерде гиперкалиемия байқалды. Гиперкалиемия даму қаупінің факторларына бүйрек жеткіліксіздігі, қант диабеті және калий жинақтаушы несеп айдайтын дәрілерді (мысалы, спиронолактон, триамтерен немесе амилорид), калий бар тағам қоспаларын немесе құрамында калий бар тұз алмастырушыларын қатар пайдалану кіреді. Калий бар тағам қоспаларын, калий жинақтаушы несеп айдайтын дәрілерді немесе құрамында калий бар тұз алмастырушыларын қолдану, әсіресе, бүйрек функциясы бұзылған пациенттерде қан сарысуындағы калий деңгейінің едәуір ұлғаюына әкелуі мүмкін.

Лизиноприлді калий шығаратын несеп айдайтын дәрілермен қолданғанда несеп айдайтын дәрілер туындатқан гипокалиемия баяулауы мүмкін.

Литий
Қан сарысуындағы литий концентрациясының және уыттылықтың қайтымды жоғарылауы литийді АӨФ тежегіштерімен бір уақытта қабылдау кезінде тіркелген. Тиазидті несеп айдайтын дәрілермен бір уақытта қолдану литий уыттылығының және АӨФ тежегіштерін қолдану кезіндегі бұрыннан жоғары уыттылықтың күшею қаупін арттыруы мүмкін. Лизиноприлді литиймен қолдану ұсынылмайды, бірақ егер мұндай бірігу қажет болып табылса қан сарысуындағы литий деңгейіне мұқият мониторинг жүргізу керек.

Қабынуға қарсы стероидты емес препараттар (ҚҚСП), оның ішінде ≥ 3 г/тәул дозадағы ацетилсалицил қышқылы

АӨФ тежегіштерін қабынуға қарсы стероидты емес препараттармен бір уақытта қолданғанда (мысалы, қабынуға қарсы дозалау режиміндегі ацетилсалицил қышқылы, ЦОГ-2 тежегіштері және селективті емес ҚҚСП) қабынуға қарсы әсердің саябырлауы байқалуы мүмкін. АӨФ тежегіштері мен ҚҚСП бір уақытта қолдану ықтимал жедел бүйрек жеткілікіздігін, сондай-ақ қан сарысуындағы калий деңгейінің ұлғаюын қоса, әсіресе, бұрын болған бүйрек функциясы әлсіз пациенттерде бүйрек функциясының жоғарғы нашарлау қаупіне әкелуі мүмкін. Бұл әсерлер, әдетте, қайтымды. Бұл қосылысты әсіресе егде жастағы адамдарда сақтықпен қолдану керек. Пациенттер жеткілікті мөлшерде сұйықтық ішулері тиіс және қатарлас ем басталғаннан және келесі кезеңде кезеңдік мониторингтен кейін бүйрек функциясын мониторингілеу керек.

Алтын
Нитритоидты реакциялар (өте күрделі болуы мүмкін гиперемияны, жүрек айнуын, бас айналуын және гипотензияны қоса, вазодилатация симптомдары) алтынның инъекциялық препараттарын қолданғаннан кейін (мысалы, натрий ауротиомалаты) АӨФ тежегіштері қолданылған ем алатын пациенттерде жиі байқалды.

Трициклді антидепрессанттар/ нейролепсиялық препараттар/ ауыруды басатын дәрілер

Кейбір ауыруды басатын дәрілік заттарды, трициклді антидепрессанттарды және нейролептикалық дәрілерді АӨФ тежегіштерімен бір уақытта қолдану артериялық қысымның қосымша төмендеуіне әкелуі мүмкін.

Симпатомиметикалық дәрілер

Симпатомиметикалық дәрілер АӨФ тежегіштерінің гипертонияға қарсы әсерін төмендетуі мүмкін.

Диабетке қарсы дәрілер

Эпидемиологиялық зерттеулер АӨФ тежегіштері мен диабетке қарсы дәрілік заттарды (инсулиндер, пероральді гипогликемиялық дәрілер) бір уақытта қабылдау гипогликемияның даму қаупімен қандағы глюкоза деңгейі төмендеуінің жоғары әсерін туындатуы мүмкін деп болжауға мүмкіндік береді. Бұл құбылыстың көрініс табуы біріктірілген емнің алғашқы апталарында, сондай-ақ бүйрек функциясы бұзылған пациенттерде өте ықтимал.

Плазминогеннің тіндік активаторлары

Плазминогеннің тіндік активаторларымен қатар емдеу ангионевроздық ісінудің қаупін ұлғайтуы мүмкін.

Обсервациялық зерттеулерде ишемиялық инсульттің тромболитикалық терапиясы үшін атлеплаз қолданғаннан кейін AАФ тежегіштерін қабылдаған пациенттерде ангиоэдема жиілігі жоғарылағаны анықталды.

Ацетилсалицил қышқылы, тромболитиктер, бета-блокаторлар, нитраттар

Лизиноприл ацетилсалицил қышқылымен (кардиологиялық дозаларда), тромболитиктермен, бета-блокаторлармен және/немесе нитраттармен бір уақытта қолдануға болады.

Бейтарап эндопептидаза тежегіштері

Ангиоэдеманың даму қаупінің жоғарылауы, AАФ тежегіштері мен ракекадотрилді (энцефалиназа ингибиторы) бір мезгілде қолданғанда байқалды.

Сакубитрилді (неприлизин ингибиторы) бар препараттармен бірге AАФ тежегіштерін бір мезгілде қолданғанда, ангиоэдема даму қаупі артады, сондықтан бұл препараттарды бір мезгілде қолдану қарсы болып табылады. AАФ тежегіштері құрамында сагубитрил бар препараттарды қолдануды тоқтатқаннан кейін 36 сағаттан кешіктірмей тағайындау керек.

АПФ тежегіштерін алатын пациенттерге, сондай-ақ АПФ тежегіштерін тоқтатқаннан кейін 36 сағат ішінде құрамында сакубитрил бар препараттарды тағайындауға болмайды.

Арнайы сақтандырулар

Симптоматикалық гипотензия

Симптоматикалық гипотензия артериялық гипертензиясы бар пациенттерде асқынусыз сирек байқалады. Егер пациентте несеп айдайтын дәрілерді қолданумен, тамақтанудағы тұз шектелуімен, диализбен, диареямен немесе құсумен немесе ауыр ренинге тәуелді артериялық гипертензиямен байланысты жасушааралық сұйықтық көлемінің азаюы байқалса Даприл қабылдайтын артериялық гипертензиясы бар пациенттерде гипотензияның дамуы ықтимал. Жүрек жеткіліксіздігі, біріккен бүйрек жеткіліксіздігі бар немесе онсыз пациенттерде симптоматикалық гипотензия байқалды. Бұл ауыр дәрежедегі жүрек жеткіліксіздігі бар пациенттерде аса ықтимал, бұл ілмектік диуретиктердің жоғарғы дозаларын қолдануда, гипонатриемияда немесе функционалды бүйрек жеткіліксіздігінде көрініс табады. Симптоматикалық гипотензияның жоғарғы даму қаупі бар пациенттерде емнің басталуын және дозаны таңдауды мұқият бақылау керек. Осындай ұйғарымдар ишемиялық жүрек ауруы немесе артериялық қысымның шамадан тыс төмендеуі миокард инфарктына немесе ми қан айналымының бұзылуына әкелуі мүмкін ми тамырларының аурулары бар пациенттерге де қолданылады.

Гипотензия пайда болған жағдайда пациентті шалқасынан жатқызу қажет және қажет болса, физиологиялық ерітіндіні вена ішіне құю керек. Уақытша гипотензиялық жауап жасушааралық сұйықтық көлемін ұлғайтқаннан кейін қандай да бір қиыншылықсыз қолданылуы мүмкін дозаларды әрі қарай қолдану үшін қарсы көрсетілім болып табылмайды.

Қалыпты немесе төмен артериялық қысымымен жүрек жеткіліксіздігі бар кейбір пациенттерде Даприлді қолданғанда артериялық жүйелі қысымның қосымша төмендеуі байқалуы мүмкін. Бұл әсер күтіледі және әдетте, емді тоқтату үшін себеп емес. Егер гипотензия симптоматикалыққа айналса, дозаны төмендету немесе Даприл қолдануды тоқтату талап етілуі мүмкін.

Жедел миокард инфарктіндегі гипотензия

Даприл қолданылатын емді тамыр кеңейтетін дәрілер қолданылатын емнен кейін әрі қарай күрделі нашарлау қаупіне ұшырайтын пациенттерде жедел миокард инфарктінде бастауға болмайды. Бұл систолалық артериялық қысымы 100 мм с.б. немесе төмен науқастар немесе кардиогенді шок жағдайындағы пациенттер. Егер систолалық артериялық қысым 120 мм с.б. немесе төмен болса инфаркттен кейінгі алғашқы 3 күн ішінде доза төмедетілуі тиіс. Егер систолалық артериялық қысым 100 мм с.б. немесе төменді құраса демеуші дозалар 5 мг дейін немесе уақытша 2,5 мг дейін төмендету керек. Егер гипотензия сақталса (1 сағаттан астам систолалық артериялық қысым 90 мм с.б. аз), онда Даприл қолдануды тоқтатукерек.

Аортальді және митральді клапанның стенозы/ гипертрофиялық кардиомиопатия

Басқа да АӨФ тежегіштерімен болған сияқты, Даприлді митральді клапанның стенозынан және сол жақ қарынша ағысы обструкциясынан, мысалы, аорта стенозынан немесе гипертрофиялық кардиомиопатиядан зардап шегетін пациенттерге сақтықпен тағайындау керек.

Бүйрек жеткіліксіздігі

Бүйрек жеткіліксіздігі жағдайында (креатинин клиренсі <80 мл/мин) Даприлдің бастапқы дозасы пациенттің креатинин клиренсіне сәйкес (1-кестені қар.), сосын пациенттің емге жауабына байланысты түзетілуі тиіс. Калий мен креатинин деңгейін жүйелі мониторингілеу осындай пациенттер үшін әдеттегі медициналық практиканың бір бөлігі болып табылады.

Жүрек жеткіліксіздігі, артериялық гипотензиясы бар пациенттерде АӨФ тежегіштері қолданылған емді бастағаннан кейін бүйрек функциясының кейбір әрі қарай нашарлауына әкелуі мүмкін. Әдетте қайтымды болып табылатын бұл жағдайда жедел бүйрек жеткіліксіздігі туралы хабарламалар алынған.

Бүйрек артериясының екі жақты стенозы немесе ангиотензин-өзгертуші фермент тежегіштері қолданылатын ем қабылдаған жалғыз бүйрегіндегі артерия стенозы бар кейбір пациенттерде әдетте емді тоқтатқаннан кейін қайтымды қан мочевинасы мен сарысу креатининінің ұлғаюы байқалды. Бұл әсіресе бүйрек жеткіліксіздігі бар науқастарда болуы ықтимал. Егер тағы реноваскулярлық гипертензия болса ауыр гипотензия және бүйрек жеткіліксіздігі дамуының жоғарғы қаупі бар. Бұл пациенттерде емді төменгі дозалармен және дозаны мұқият титрлеумен мұқият медициналық қадағалау арқылы бастау керек. Несеп айдайтын дәрілердің көмегімен емдеу жоғарыда аталған жағдайлардың дамуына ықпал ететін фактор болуы мүмкіндігінен оны тоқтату қажет және бүйрек функциясын Даприл қолданылатын емнің алғашқы апталарында бақылау керек.

Бұрын болған бүйректің тамыр аурулары көрінбейтін артериялық гипертензиясы бар кейбір пациенттерде, әдетте, Даприл несеп айдайтын дәрілермен бір уақытта қолданылған кезде аздаған және өтпелі қан мочевинасы мен сарысу креатининінің ұлғаюы байқалды. Бұл бұрын бүйрек жеткіліксіздігі болған пациенттерде өте ықтимал. Несеп айдайтын дәрінің және/немесе Даприл дозасын төмендету және/немесе қолдануды тоқтату керек болуы мүмкін.

Жедел миокард инфарктінде Даприл қолданылатын емді 177 мкмоль/л асатын қан сарысуындағы креатинин концентрациясы және/немесе 500 мг/24 сағ асатын протеинурия ретінде анықталатын бүйрек дисфункциясының бұзылу белгілері бар пациенттерде бастамаған жөн. Егер бүйрек дисфункциясы емдеу кезінде дамыса (265 мкмоль/л асатын қан сарысуындағы креатинин концентрациясы немесе емнің басындағы мәнмен салыстырғанда екі еселенуі), сосын дәрігер Даприл қолдануды тоқтату туралы мәселені қарастыруы тиіс.

Аса жоғары сезімталдық/Ангионевроздық ісіну

Лизиноприлді қоса, ангиотензин-өзгертуші фермент тежегіштерін қабылдайтын пациенттерде беттің, қол-аяқтың, еріннің, тілдің, дыбыс саңылауының және/немесе көмейдің ангионевроздық ісінуімен сирек жағдайлар туралы хабарламалар алынған. Бұл емдеу барысында кез келген уақытта орын алуы мүмкін. Мұндай жағдайларда Даприл қолдануды дереу тоқтату және пациентті шығарғанға дейін симптомдардың толық регрессиясын қамтамасыз ету үшін тиісті ем және мониторинг бастау керек. Тіпті тыныс алу жеткіліксіздігінсіз тек тілдің ісінуі байқалған жағдайларда да пациенттерге ұзақ қадағалау керек болуы мүмкін, өйткені антигистаминді дәрілер мен кортикостероидтар қолданылатын ем жеткіліксіз болуы мүмкін.

Көмейдің немесе тілдің ісінуімен байланысты ангионевроздық ісінуден туындаған өлім жағдайлары өте сирек белгіленді. Ісіну тіліне, дыбыс саңылауына немесе көмейіне тиіп тұрған пациенттерде, әсіресе егер анамнезінде тыныс алу жолдарына операция жасалса тыныс алу жолдары өткізгіштігінің бұзылуы ықтимал. Мұндай жағдайларда қысқа мерзімдерде шұғыл ем басталуы тиіс. Оған адреналин енгізу және/немесе тыныс алу жолдарының функциясын демеу кіруі мүмкін. Пациент симптомдардың толық және тұрақты регрессиясына дейін мұқият медициналық бақылауда болуы тиіс.

Ангиотензин-өзгертуші фермент тежегіштері еуропалықтармен салыстырғанда негроид нәсілінің өкілдерінде ангионевроздық ісінудің жоғарырақ деңгейін туындатады.

АӨФ тежегіштері қолданылатын еммен байланысты емес анамнезінде ангионевроздық ісінуі бар пациенттерде АӨФ тежегішін алған кезде ангионевроздық ісінудің жоғарғы қаупі байқалуы мүмкін.

Гемодиализдегі пациенттердегі анафилактоидтықреакциялар

Анафилактоидтықреакциялар жоғарғы гидравликалық өткізгіштігімен жарғақшалары бар диализдегі (мысалы, AN69) және бір уақытта АӨФ тежегіштерін қабылдайтын пациенттерде тіркелген. Аталған пациенттерде диализ жарғақшаларының басқа типін немесе гипертонияға қарсы дәрілердің басқа класын қолдануды қарастыру керек.

Тығыздығы төмен липопротеиндер (ТТЛ) аферезі кезіндегі анафилактоидтықреакциялар

Сирек жағдайларда АӨФ тежегіштерін қабылдаған пациенттерде декстрансульфат қолданумен тығыздығы төмен липопротеиндер (ТТЛ) аферезі кезінде өмірге қауіп төндіретін анафилактоидтық реакциялар байқалды. Бұл реакциялардан АӨФ әр аферез процедурасының алдында АӨФ тежегіштері қолданылатын емді уақытша тоқтату арқылы құтылуға болады.

Десенсибилизация
АӨФ тежегіштерін қабылдайтын пациенттерде десенсибилизациялаушы ем уақытында (мысалы, жарғаққанатты жәндіктердің уына қатысты) анафилактоидтық реакциялар байқалды. Сол науқастарда бұл реакциялардан АӨФ тежегіштері уақытша тоқтатылған кезде құтылуға болады, бірақ олар дәрілік затты кездейсоқ қайта енгізгеннен кейін көрініс тапты.

Бауыр жеткіліксіздігі

Өте сирек АӨФ тежегіштерін қолданған жағдайларда холестаздық сарғаюдан немесе және аса жылдам некрозға және (кейде) өліммен аяқталуға дейін өршитін гепатиттен басталатын синдроммен байланысты болды. Бұл синдромның механизмі анық емес. Сарғаю дамыған немесе бауыр ферменттері деңгейінің жоғарылауы байқалған Даприл қабылдайтын пациенттерге Даприл қолдануды тоқтату және тиісті медициналық қадағалауды қамтамасыз ету керек.

Нейтропения/ агранулоцитоз

АӨФ тежегіштерін қабылдаған пациенттерде нейтропения/ агранулоцитоз, тромбоцитопения және анемия жағдайлары туралы хабарланды. Бүйрек функциясы қалыпты және қандай да бір басқа асқыну факторларынсыз пациенттерде нейтропения сирек туындайды. Нейтропения және агранулоцитоз АӨФ тежегішін қабылдауды тоқтатқаннан кейін қайтымды болып табылады. Даприлді тамыр коллагенозы бар пациенттерде, иммунодепрессанттар қолданылатын ем, аллопуринол немесе прокаинамид қолданылатын ем алатын немесе осы асқыну факторларын біріктіргенде, әсіресе бұрын болған бүйрек функциясының бұзылуы бар пациенттерде аса сақтықпен қолдану керек. Бұл пациенттердің кейбіреуінде күрделі инфекциялар дамыды, олар бірқатар жағдайларда антибиотиктер қолданылатын қарқынды емге жауап бермеді. Егер «Даприл» осындай пациенттерді емдеу үшін қолданылса ақ қан жасушаларының деңгейін мезгіл-мезгіл бақылау ұсынылады, сондай-ақ пациенттерге инфекцияның кез келген белгілері туралы хабарлау қажеттілігі жөнінде нұсқау беру қажет.

Ренин-ангиотензин-альдостерон жүйесінің (РААЖ) қосарлы блокадасы

АӨФ тежегіштерін, ангиотензин II рецепторларының блокаторларын немесе алискиренді бір уақытта қолдану гипотензияның, гиперкалиемияның даму және бүйрек функциясының төмендеу (оның ішінде, жедел бүйрек жеткіліксіздігі) қаупін арттыратынына дәлелдер бар. Демек, АӨФ тежегіштерін, ангиотензин II рецепторларының блокаторларын немесе алискиренді біріктіріп қолдану арқылы РААЖ қосарлы блокадасы ұсынылмайды.

Егер қосарлы блокада жолымен емдеу абсолютті деңгейде қажет деп есептелсе, ол тек маманның қадағалауымен және бүйрек функциясын, электролиттер деңгейін және артериялық қысымды жиі мұқият мониторингілеу шартымен жүргізілуі тиіс.

АӨФ тежегіштерін және ангиотензин II рецепторларының блокаторларын диабеттік нефропатиясы бар пациенттерде бір уақытта қолдануға болмайды.

Нәсілі
Ангиотензин-өзгертуші ферменттің тежегіштері еуропалықтармен салыстырғанда негроид нәсілінің өкілдерінде ангионевроздық ісінудің жоғарырақ деңгейін туындатады.

Басқа АӨФ тежегіштері жағдайындағыдай Даприл еуропалықтармен салыстырғанда негроид нәсілінің өкілдерінде қан қысымының төмендеуі үшін тиімділігі төмен болуы мүмкін, бұл гипертензиядан зардап шегетін қара нәсілді пациенттердегі рениннің төмен көрсеткішімен жағдайлардың жоғарғы таралғандығынан болуы ықтимал.

Жөтел
АӨФ тежегіштерін қолданғанда жөтел жағдайлары туралы хабарламалар алынды. Жөтелге ылғалсыз, қатты болатыны және емді тоқтатқаннан кейін тоқтайтыны тән. АӨФ тежегіштері туындатқан жөтелді жөтелдің дифференциальді диагностиканың бір бөлігі ретінде қарастыру керек.
Хирургия/ Анестезия

Күрделі операцияны бастан өткерген пациенттерде немесе гипертензия туындататын заттар қолданылатын наркоз уақытында Даприл рениннің компенсаторлық босап шығуына қатысты салдарлы ангиотензиннің II түзілуін бөгеуі мүмкін. Гипотензия көрініс тапқанда, егер ол аталған механизмнен туындаған деп есептелсе, ол жасушааралық сұйықтық көлемін ұлғайту арқылы рұқсат етілуі мүмкін.

Гиперкалиемия
Лизиноприлді қоса, АӨФ тежегіштерімен емделіп жүрген кейбір пациенттерде қан сарысуындағы калий деңгейінің жоғарылауы байқалды. Гиперкалиемияның даму қаупі бар пациенттерге бүйрек жеткіліксіздігінен, қант диабетінен зардап шегетін пациенттер немесе калий жинақтаушы несеп айдайтын дәрілерді, калий бар тағам қоспаларын немесе құрамында калий бар тұз алмастырушыларын қатар қабылдайтын пациенттер немесе қан сарысуындағы калий деңгейін ұлғайтуға байланысты басқа препараттар (мысалы, гепарин) қабылдайтын пациенттер кіреді. Жоғарыда көрсетілген заттарды бір уақытта қолдану жөн деп есептелсе қан сарысуындағы калий деңгейін тұрақты бақылау ұсынылады.

Қант диабетінен зардап шегетін пациенттер

Пероральді диабетке қарсы дәрілер немесе инсулин қабылдайтын қант диабеті бар науқастарда АӨФ тежегіштері қолданылатын емнің алғашқы айында мұқият гликемиялық бақылауды қамтамасыз ету керек.

Литий
Литий мен лизиноприлдің біріктірілімі, әдетте, ұсынылмайды.

Жүктілік немесе лактация кезінде
АӨФ тежегіштерін қолдануды жүктілік кезеңінде бастамаған жөн. Егер АӨФ тежегіштерін қолдану қажетті деп есептелмесе жүктілікті жоспарлаған пациенттер жүктілік кезеңінде пайдалану үшін белгіленген қауіпсіздік бейіні бар гипертонияға қарсы емнің балама түрлеріне ауыстырылуы тиіс. Жүктілікті диагностикалау кезінде АӨФ тежегіштерімен емдеуді дереу тоқтату керек және егер орынды болса балама емді бастау қажет.

Препараттың көлік құралын немесе қауіптілігі зор механизмдерді басқару қабілетінеәсер ету ерекшеліктері

Препараттың жағымсыз әсерлерін ескере отырып, көлік құралын немесе қатты назар аударуды талап ететін қауіптілігі зор механизмдерді басқару кезінде сақтық таныту қажет.

Пайдалануға арналған ұсыныстар

Дозалау режимі

Позология

Доза пациенттің бейініне және артериялық қысымның реакциясына сәйкес жекелей анықталуы тиіс.

Артериялық гипертензия

Даприл монотерапия ретінде немесе гипертонияға қарсы дәрілік заттардың басқа кластарымен біріктірілімде пайдалануға болады.

Бастапқы доза:

Артериялық гипертензиясы бар пациенттерде әдеттегі ұсынылатын бастапқы доза 10 мг құрайды. Ренин-ангиотензин-альдостерон жүйесі (атап айтқанда, реноваскулярлық гипертензия, тұздың азаюы және/немесе жасушааралық сұйықтық көлемінің азаюы, жүрек жеткіліксіздігі немесе ауыр формадағы гипертониялық ауру) қатты белсенді пациенттер бастапқы дозаны қолданғаннан кейін артериялық қысымның шамадан тыс төмендеуін бастан өткізуі мүмкін. Мұндай пациенттер үшін ұсынылған бастапқы доза 2,5 - 5 мг құрайды және емнің басы дәрігердің қадағалауымен өтуі тиіс. Төменірек бастапқы доза бүйрек жеткіліксіздігі болғанда талап етіледі (төменде 1-кестені қар.).

Демеуші доза

Әдеттегі тиімді демеуші доза бір реттік тәуліктік доза түрінде қолданылатын 20 мг құрайды. Негізінен, егер талап етілетін емдік әсерге дозаның белгілі бір деңгейінде 2 аптадан 4 аптаға дейінгі кезеңде қол жетуі мүмкін болмаса, дозаны қосымша ұлғайтуға болады. Ұзақ мерзімді бақыланатын клиникалық сынақтарда пайдаланылатын ең жоғарғы доза тәулігіне 80 мг құрады.

Несеп айдайтын дәрілер қабылдайтын пациенттер

Симптоматикалық гипотензия Даприл қолданылатын емді бастағаннан кейін байқалуы мүмкін. Бұл қазіргі уақытта несеп айдайтын дәрілер қабылдайтын пациенттерде өте ықтимал. Демек, сақтық таныту ұсынылады, өйткені бұл пациенттерде тұздың азаюы және/немесе жасушааралық сұйықтық көлемінің азаюы байқалуы мүмкін. Егер бұл мүмкін болса несеп айдайтын дәріні қабылдауды Даприл қолданылатын емді бастағанға дейін 2-3 күн бұрын тоқтату керек. Несеп айдайтын дәрілер қабылдауды тоқтату мүмкін емес артериялық гипертензиясы бар пациенттерде Даприл қолданылатын емді 5 мг дозадан бастау керек. Бүйрек функциясын және қан сарысуындағы калий деңгейін бақылау қажет. Даприлдің келесі дозасы артериялық қысымның реакциясына байланысты түзетілуі тиіс. Қажет болса, несеп айдайтын дәрі қолданылатын емді жаңартуға болады.

Бүйрек жеткіліксіздігіндегі дозаны таңдау:

Бүйрек функциясы бұзылған пациенттердегі доза төменде 1-кестеде көрсетілгендей креатинин клиренсіне негізделуі тиіс.

1-кесте: Бүйрек жеткіліксіздігіндегі дозаны таңдау

Креатинин клиренсі (мл / мин)	Бастапқы доза (мг/тәул)
10 мл/мин төмен (диализдегі пациенттерді қоса)	2,5 мг*
10 – 30 мл/мин	2,5 – 5 мг
31 – 80 мл/мин	5 – 10 мг

* Дозасы және/немесе қабылдау жиілігі артериялық қысымның реакциясына байланысты реттелуі тиіс

Дозаны артериялық қысымды бақылауға қол жеткізгенге дейін шығыс бойынша немесе күніне көп дегенде 40 мг титрлеуге болады.

Енгізу жолы мен тәсілі

Даприлді пероральді бір реттік тәуліктік доза түрінде қолдану керек. Тәулігіне бір рет қолданылатын барлық басқа препараттар сияқты Даприлді шамамен күніне бір уақытта ғана қабылдау керек. Даприл таблеткаларының абсорбциясы ас қабылдауға байланысты емес.