Чистая слеза 10 мл капли глазные
Тауарлардың көрінісі фотосуретте көрсетілгеннен өзгеше болуы мүмкін

Чистая слеза 10 мл капли глазные

1505
Қолжетімділігі
Сатылымда бар
Үлгі
4870201590510
Елі
Казахстан
Өндіруші
Медоптик ТОО
  • Сипаттама
  • Дәріханалар

Сипаттама

Медициналық бұйымды медицинада қолдану

жөніндегі нұсқаулық

Медициналық бұйымның атауы

«Чистая слеза» көзге және линзаға арналған 10 мл тамшысы

Бұйымның құрамы мен сипаттамасы

Құрамы: полигексанид 0,0002%; поливинилпирролидон 1%; динатрий эдетаты (Трилон Б), бор қышқылы, натрий тетрабораты, натрий хлориді және инъекцияға арналған су.

«Чистая слеза» көзге және линзаға арналған тамшысы «құрғақтық» сезіну, бөтен зат сезіну, көзде күйдіру, жұмсақ және қатқыл жанаспалы линзалар таққан кезде жайсыздықты жою үшін, көздің алдыңғы беткейін (мөлдір қабық пен конъюнктиваны) қосымша ылғалдандыруға арналған.

Олар көздің алдыңғы беткейіне қатысты қажетті тұтқырлыққа және жақсы адгезивтік қасиеттерге ие, соның есебінен олар біркелкі, ұзақ уақыт бойы сақтайтын мөлдір қабық алдындағы көз жасы үлбірін түзеді, жыпылықтаған кезде ұзақ уақыт бойы жуылмайды және көру өткірлігінің төмендеуіне әкелмейді. Линзаның беткейінде қалып қоймайды.

Бұл түссіз, мөлдір немесе аздап бозаңданатын сұйықтық болып табылады. Медициналық бұйым СТ29772-1910-ЖШС-04-2009 сәйкес өндірілген.

Қолданылу саласы

Офтальмология.

Медициналық бұйымды пайдалану кезіндегі сақтық (қауіпсіздік) шаралары және шектеулер бойынша ақпарат

Бұйымды пайдаланар алдында қолдану жөніндегі нұсқаулықты мұқият оқып шығыңыз.

Тамшыларды қолданар алдында маманмен кеңесіңіз.

Көздің тоқтаусыз тітіркенуі жағдайында, тамшыларды пайдалануды тоқтатыңыз, линзаны көзден алып тастаңыз және маманға хабарласыңыз. Құтыны ашқаннан кейін 2 ай өткен соң тамшыларды пайдаланбаңыз.

Тамшыны балалардың қолы жетпейтін жерде сақтаңыз.

Тамызу кезінде тамшылатқыштың ұшын көздің және терінің беткейіне тигізбеу керек. Құтының ұшы кез келген беткейлерге тиюіне жол бермеңіз.

Әр пайдаланғаннан кейін ерітінді құтысының қақпағын мықтап жабыңыз.

Қаптамада көрсетілген жарамдылық мерзімі өткеннен кейін тамшыларды пайдаланбаңыз.

Қолдануға болмайтын жағдайлар

Егер сізде оның қандай да бір компоненттерінің біріне аллергияңыз болса, тамшыларды пайдаланбаңыз.

Медициналық бұйымды сақтау мерзімі және шарттары туралы ақпарат

3 жыл. Құтыны ашқаннан кейін ерітіндіні 60 күн ішінде пайдалану керек. Бөлме температурасында балалардың қолы жетпейтін жерде сақтау керек. Жарамдылық мерзімі өткеннен кейін қолдануға болмайды. Жарамдылық мерзімінің аяқталу күні қаптамасында көрсетілген.

Медициналық бұйымды пайдалану (күтіп ұстау) кезінде қажет қосымша ақпарат

Қаптаманың тұмшаланып жабылғаны бұзылмағанына көз жеткізіңіз. Қолды жақсылап жуыңыз.

Құтыны ашу үшін, сақина бөлінгенше қақпақты толығымен бұрау керек, бұл құты бұрын ашылмағандығын білдіреді. «Чистая слеза» тамшыларын тамызған кезде, контейнерді тамшылатқышын төмен қаратып ұстап, оның түбіне тез және күшпен басыңыз. Осылайша, тамшылатқыш механизмі іске қосылып, препараттың бір тамшысы ғана шығарып алынады. Басыңызды сәл артқа шалқайтып, төменгі қабақты саусағыңызбен сәл көтеріп, конъюнктивалық қалтаға бір тамшы тамызыңыз. Көзіңізді баяу жұмып, сұйықтық көздің беткейіне біркелкі таралуына мүмкіндік беріңіз. Емшараны аяқтағаннан кейін, қалпақшаны тамшылатқышқа тұмшалап кигізіңіз. Жұмсақ және қатқыл жанаспалы линзаларды таққан кезде, линзаны шешпей-ақ «Чистая слеза» тамшыларын конъюнктивалық қалтаға тамызуға болады.

«Чистая слеза» тамшысы тек жеке пайдалануға арналған.

Ерітінді стерильді бактерияға қарсы жарғақшалық сүзгі арқылы сүзгілеу әдісімен және стерильді құтыларға асептикалық құю арқылы стерилизацияланады.

Бастапқы қаптама, оның барлық жиынтықтаушыларын қоса радиациямен стерилизацияланады.

Медициналық бұйымды өндіруші және оның уәкілетті өкілі туралы мәліметтер

«Медоптик» ЖШС, Қазақстан Республикасы, Алматы қ., Огарев к-сі, 2 «б» үй.

тел: 2320824, факс: 3832202, Е-mail: medoptic@ medoptic.kz

Қазақстан Республикасы аумағында өндірушінің уәкілетті өкілінің, тұтынушылардан медициналық бұйым жөніндегі шағымдарды (ұсыныстарды) қабылдайтын және медициналық бұйымның тіркеуден кейінгі қауіпсіздігін қадағалауға жауапты ұйымның атауы және байланыс деректері (телефон, факс, электронды пошта)

«Медоптик» ЖШС, Қазақстан Республикасы, Алматы қ., Огарев к-сі, 2 «б» үй.

тел: 2320824, факс: 3832202, Е-mail: medoptic@ medoptic.kz

Медицинада қолдану жөніндегі нұсқаулықты шығару немесе соңғы қайта қарау туралы деректер

22.05.2020 ж.

Дәріханалар

Тауар артығымен бар
Тауар аз қалды
Аптека №184
мкр Центральный 47
9:00-21:00