Сипаттама
Дәрілік затты медициналық қолдану жөніндегі нұсқаулық
Бронхолитин® Айви 7 мг/мл шәрбат
Саудалық атауы
Бронхолитин® Айви
Халықаралық патенттелмеген атауы
Жоқ
Дәрілік түрі
Шәрбат
Құрамы
5 мл шәрбат құрамында:
белсенді зат - 7 мг шырмауық жапырақтарының құрғақ экстрактісі (5-7,5:1)
қосымша заттар: ксантан шайыры (E415), сорбитол ерітіндісі (кристалданбайтын) (E420), лимон қышқылы моногидраты (E330), калий сорбаты (E202), лимон хош иістендіргіші, тазартылған су.
Сипаттамасы
Өзіне тән лимон иісі бар қоңырлау түсті мөлдір немесе сәл бұлыңғыр шәрбат.
Фармакотерапиялық тобы
Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді басатын біріктірілімді қоспағанда. Қақырық түсіретін препараттар.
АТХ коды R05СА12
Фармакологиялық қасиеттері
Фармакокинетикасы
Фармакокинетикалық деректері мен биологиялық жетімділігінің зерттеулері туралы деректер жоқ.
Фармакодинамикасы
Шырмауық жапырақтарынан жасалған препараттар негізінен жөтелмен болатын суық тиюді емдеу әрі жедел және созылмалы қабынбалы бронх ауруларын симптоматикалық емдеу үшін пайдаланылады.
Бронхолитикалық, қақырық түсіретін, жөтелге қарсы және спазмолитикалық әсері бар. Секретолитикалық және микробқа қарсы белсенділік иеленеді.
Қолданылуы
Өнімді жөтел кезіндегі қақырық түсіретін дәрі.
Қолданутәсіліжәне дозалары
Дозалануы
Ересектер, қарттық жастағы тұлғалар және жасөспірімдер
5 мл шәрбат (35 мг шырмауық жапырақтарының құрғақ экстрактісі) күніне үш рет, жалпы тәуліктік доза - 15 мл шәрбат (105 мг шырмауық жапырақтарының құрғақ экстрактісі).
Педиатриялық қауым
6-дан 12 жасқа дейінгі балалар
5 мл шәрбат (35 мг шырмауық жапырақтарының құрғақ экстрактісі) күніне екі рет, жалпы тәуліктік доза - 10 мл шәрбат (70 мг шырмауық жапырақтарының құрғақ экстрактісі).
2-дан 5 жасқа дейінгі балалар
2,5 мл шәрбат (17,5 мг шырмауық жапырақтарының құрғақ экстрактісі) күніне екі рет, жалпы тәуліктік доза - 5 мл шәрбат (35 мг шырмауық жапырақтарының құрғақ экстрактісі).
2 жасқа дейінгі балалар
Бронхолитин Айви 2 жасқа дейінгі балаларға қарсы көрсетілімді («Қолдануға болмайтын жағдайлар» бөлімін қараңыз).
Қолдану тәсілі
Ішу арқылы қолдануға арналған.
Шәрбатты таңертең, түскілік және кешкілік немесе таңертең және кешкілік қабылдау қажет.
Емдеу ұзақтығы
Егер симптомдар дәрілік препаратпен емделу кезінде бір аптадан көп жалғасатын болса, дәрігермен немесе фармацевтпен кеңесу қажет.
Жағымсызәсерлері
Төменде сипатталған жағымсыз әсерлері келесі үлгідегі жүйе-ағза класы мен жиілігіне қарай жіктелген: өте жиі (³ 1/10), жиі (³ 1/100-ден <1/10 дейін), жиі емес (³ 1/1 000-нан <1/100 дейін), сирек (³ 1/10 000-нан <1/1 000 дейін), өтесирек (<1/10 000), жиілігі белгісіз (бұрыннан бар деректер негізінде баға беру мүмкін емес).
Иммундық жүйе тарапынан бұзылулар
Жиі емес: аллергиялық реакциялар (есекжем, тері бөртпесі, купероз, тұншығу).
Асқазан-ішек жолы тарапынан бұзылулар
Жиі: жүрек айну, құсу, диарея.
Қолдануға болмайтын жағдайлар
- белсенді затқа, Araliaceae тектестігі (Шырмауықтар тектестігі) өсімдіктеріне немесе «Құрамы» бөлімінде атап көрсетілген қосымша заттардың кез келгеніне аса жоғары сезімталдық
- Респираторлық симптомдардың нашарлау қаупіне орай, 2 жасқа дейінгі балаларға
- препараттарды тағайындау алдында фруктоза жақпаушылығын анықтау керек; туа біткен фруктоза жақпаушылығы бар науқастарға қарсы көрсетілімді.
Дәрілерменөзараәрекеттесуі
Өзара әрекеттесу зерттеулері жүргізілмеген. Өзара әрекеттесулері туралы мәліметтер жоқ.
Айрықша нұсқаулар
2-4 жас аралығындағы балаларда персистирленетін немесе қайталамалы жөтел емдеудің алдында медициналық диагноз қойылуын талап етеді.
Егер тұншығу, жоғары температура, қан немесе ірің аралас қақырық пайда болса, дереу дәрігермен немесе фармацевтпен кеңесу қажет.
Препаратты, мысалы, кодеин немесе декстрометорфан сияқты дәрілік препараттармен бір мезгілде медициналық кеңессіз қолдануға кеңес берілмейді.
Гастрит немесе асқазанның ойық жарасы бар пациенттерде айрықша сақтықпен қолдану керек.
Бұл препараттың құрамында сорбитол бар. Сирек тұқым қуалайтын фруктоза жақпаушылық кінәраттары бар пациенттерге бұл препаратты қолдануға болмайды. Құрамында сорбитол бар болғандықтан, препарат әлсіз білінетін босаңсыту әсерін көрсетуі мүмкін.
Фертильділік, жүктілік және бала емізу
Жүктілік
Жүктілік кезінде препараттың қауіпсіздігі толық дәлелденбеген. Жеткілікті деректердің болмауына орай, жүктілік кезінде қолдануға кеңес берілмейді.
Бала емізу
Бала емізу кезінде препараттың қауіпсіздігі толық дәлелденбеген. Жеткілікті деректердің болмауына орай, бала емізу кезінде қолдануға кеңес берілмейді.
Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Бронхолитин® Айвидің көлік құралдарын басқару және машиналармен жұмыс істеу қабілетіне әсер ету зерттеулері жүргізілмеген. Құрамында шырмауық экстрактісі бар дәрілік препараттардың көлік құралдарын басқару және машиналармен жұмыс істеу қабілетіне әсер ететіні туралы дәлелдер жоқ.
Артықдозалануы
Симптомдары
Артық дозалану (күніне үш реттен көп қолдану кезінде немесе ұсынылуынан асып кететін дозаны қабылдау кезінде) жүрек айну, құсу, диарея және қозуды туындатуы мүмкін.
Шырмауық экстрактісін (1,8 грамм шырмауық жапырақтарының құрғақ экстрактісіне сәйкес келетін) кездейсоқ қабылдаудан кейін озбырлану мен диарея дамитын 4 жасар сәбиде болған бір жағдай жөнінде хабарланды.
Емдеу
Жағдайға қарай симптоматикалық емдеу және демеуші ем жүргізіледі.
Шығарылу түрі және қаптамасы
Полиэтилен бұрандалы қақпағы бар сыйымдылығы 125 мл күңгірт-қоңыр шыны құтыларға немесе сыйымдылығы 125 мл күңгірт-қоңыр ПЭТ құтыларға 120 мл шәрбаттан құйылады.
Медициналық қолдану жөніндегі мемлекеттік және орыс тілдеріндегі нұсқаулықпен және өлшеуіш стақанмен бірге 1 құтыдан картон қорапшаға салады.
Сақтау шарттары
25°С-ден аспайтын температурада.
Балалардың қолы жетпейтін жерде сақтау керек!
Сақтау мерзімі
2 жыл
Қаптаманың алғашқы ашылуынан кейінгі қолдану кезеңі – 6 ай.
Жарамдылық мерзімі өткеннен кейін препаратты қолдануға болмайды.
Дәріханалардан босатылу шарттары
Рецептісіз
Өндіруші
СОФАРМА АҚ
Илиенское тас жолы к-сі 16
1220 София, Болгария
Тіркеу куәлігі иесінің атауы және елі
СОФАРМА АҚ
Илиенское тас жолы к-сі 16
1220 София, Болгария
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Софарма Қазақстан» жауапкершілігі шектеулі серіктестігі
Алматы қ., Қазақстан, 050036, «Мамыр 4» ы/а, 190 үй
Телефон нөмірі: 7 (727) 380 01 03, 380 01 37, 380 01 42 (ішкі 108)
Факс нөмірі: 7 (727) 381 63 86
Электронды пошта: info@sopharma.kz
