Бисакодил 10 мкг № 10 суппозит. ректал.

Сипаттама

Дәрілік затты медициналық қолдану жөніндегі нұсқаулық

Бисакодил

Саудалық атауы

Бисакодил

Халықаралық патенттелмеген атауы

Бисакодил

Дәрілік түрі

0,01 г ректальді суппозиторийлер

Құрамы

Бір суппозиторий құрамында

белсенді зат – бисакодил – 0,01 г,

қосымша заттар: 0,01 г коллоидты кремнийдің қостотығы, 1,28 г қатты май.

Сипаттамасы

Пішіні, ақ немесе крем түсті, оқ тәрізді суппозиторийлер. Қимасында теңбілдері болмауы керек, ауа өзегі немесе шұңғыма тәрізді ойықтарға жол беріледі.

Фармакотерапиялық тобы

Ас қорыту жолы және зат алмасу. Іш қатуларды емдеуге арналған препараттар. Жанаспалы іш жүргізетін препараттар. Бисакодил.

АТХ коды А06АВ02

Фармакологиялық қасиеттері

Фармакокинетикасы

Бисакодил – жанаспалы әсер ететін дәрі. Болымсыз дәрежеде ішектен (бисакодил 5 %-ға дейін) сіңеді. Бауырдағы конъюгациядан кейін бисакодил қанның ішек-бауыр айналымына қосылады, ішінара бүйрек арқылы шығарылады.

Ректальді свечаны ұйықтар алдында қолданған кезде 8-12 сағаттан кейін іш жүргізетін әсері басталады.

Фармакодинамикасы

Бисакодил – іш жүргізетін дәрі.

Бисакодил тоқ ішекте шырыш сөлінісін жоғарылатады, тоқ ішектің перистальтикасын жылдамдатады және күшейтеді, іш жүргізетін әсер береді.

Бисакодил ізашар дәрі болып табылады. Ректальді қолданған кезде сілтілік ортада тоқ ішек шырышына тітіркендіргіш әсер ететін зат түзіле отырып, гидролиз жүреді.

Бисакодилдің әсері тоқ ішек шырышты қабығының жүйке ұштарын тікелей тітіркендіруге байланысты; ішек қуысына су мен электролиттердің келіп түсуін көтермелейді және олардың қайта сіңуін бөгейді.

Қолданылуы

- іштің қатуы

- аспаптық және рентгенологиялық зерттеулерге дайындық

- операцияға дейінгі кезеңде және операциядан кейінгі емдеуде ішекті тазарту

Қолдану тәсілі және дозалары

Іштің қатуын қысқа мерзімді емдеу:

Ересектер мен 10 жастан асқан балалар: тәулігіне 1 рет 1 суппозиторий (10 мг).

Ең төмен дозадан бастау ұсынылады. Нәжістің жүйелігіне қол жеткізу үшін дозаны ең жоғары ұсынылатын дозаға дейін жеткізуге болады. Ең жоғары тәуліктік дозадан аспауы тиіс.

Қолдану жөніндегі нұсқаулық

Суппозиторий тік ішекке үшкір ұшымен алдыға қарай енгізіледі, әсері шамамен 20 минуттың (10 және 30 мин арасында) ішінде басталады.

Сирек жағдайда іш жүргізетін әсері енгізгеннен кейін 45 минуттан кейін байқалған.

Аспаптық және рентгенологиялық зерттеулерге дайындық пен операцияға дейінгі дайындық:

Операцияға дейінгі дайындық, операциядан кейінгі емдеу мен аспаптық және рентгенологиялық зерттеулерге дайындық үшін препаратты медициналық байқаумен қолданады.

Ішектің толығымен босатылуына қол жеткізу үшін ересектер мен 10 жастан асқан балаларға препараттың ұсынылатын дозасы зерттеу алдында таңертең 1 суппозиторийді (10 мг) енгізе отырып, зерттеу қарсаңында түнде.

Осы препаратты егде жастағы адамдарда пайдалану туралы белгілі бір ақпарат жоқ. Клиникалық сынақтарға 65 жастан асқан пациенттер кіріктірілген және осы жастық топқа тән ешқандай жағымсыз реакциялар туралы хабарланбаған.

Емдеу ұзақтығы 5 күннен аспауы тиіс.

Жағымсыз әсерлері

Емдеу кезеңінде жиі хабарланатын жағымсыз реакциялар іштің ауыруы және диарея болып табылады.

Қолайсыз жағымсыз реакциялар мынадай келісімді пайдалана отырып, жиілігінің атауы бойынша іріктелген: Өте жиі (≥1/10); жиі (≥1/100, <1/10); жиі емес (≥1/1000, <1/100); сирек (≥1/10000, <1/1000); өте сирек (<1/10000).

Иммундық жүйенің бұзылулары

Сирек: анафилаксиялық реакциялар, аллергиялық реакциялар, ангиодистрофия, аса жоғары сезімталдық реакциялары.

Метаболизм және тамақтану бұзылыстары

Сирек: сусыздану.

Жүйке жүйесінің бұзылулары

Жиі емес: бас айналуы.

Сирек: естен тану.

Бисакодилді қабылдағаннан кейін пайда болатын бас айналуы және синкопа, шамасы, вазогальді жауаппен келісіледі (мысалы, абдоминалды түйілумен, дефекациямен).

Асқазан-ішек бұзылыстары

Жиі емес: гематохезия (нәжісте қанның бар болуы), құсу, іштегі жайсыздық, аноректальді аймақтағы жайсыздық.

Жиі: шаншу, іштің ауыруы, диарея және жүректің айнуы.

Сирек: ишемиялық колитті қоса колит.

Қолдануға болмайтын жағдайлар

– препарат компоненттеріне аса жоғары сезімталдық

– ішек бітелісі (оның ішінде обструктивті),

- аппендицитті, жедел ішек инфекцияларын қоса құрсақ қуысы ағзаларының жедел қабыну аурулары

- жоғарыда көрсетілген күйдің бар болуын көрсететін жүрек айнуы мен құсумен астасқан іштің қатты ауыруы

- айқын сусыздану

- анальді жарылудың немесе шырышты қабаттың зақымдалуымен ойық жаралы проктиттің бар болуы

– асқазан-ішек жолынан қан кету, метроррагия

– цистит

– геморрой

– 10 жасқа дейінгі балалар

Дәрілермен өзара әрекеттесуі

Диуретиктерді немесе адрено-кортикостероидтарды қатар пайдалану Бисакодилдің ұсынылған дозасын арттырған кезде су-электролит теңгерімінің бұзылу қаупін арттыруы мүмкін.

Электролиттік теңгерім жүрек гликозидтеріне жоғары сезімталдыққа әкелуі мүмкін.

Басқа іш жүргізетін дәрілерді қатар пайдалану Бисакодилдің жағымсыз әсерін күшейтуі мүмкін.

Айрықша нұсқаулар

Басқа іш жүргізетін дәрілер сияқты Бисакодилді іштің қату себебін анықтамай бес күннен астам уақыт бойы тұрақты пайдалануға болмайды.

Ұзақ және шектен тыс қолдану су-электролиттік теңгерімнің бұзылуына, сондай-ақ гипокалиемияға әкелуі мүмкін.

Сұйықтықты жоғалту сусыздануға әкелуі мүмкін. Симптомдарға шөлдеу және олигурия кіруі мүмкін. Сусыздану қауіпті болуы мүмкін (мысалы, бүйрек жеткіліксіздігі, егде жастағы пациенттер) сұйықтықты жоғалтудан жапа шегетін пациенттердеБисакодил препаратын қолдануды тоқтату керек және тек қана дәрігердің бақылауымен қалпына келтірген жөн.

Бисакодилді қабылдайтын пациенттерде іштің қатуымен байланысты іштегі ауыруға дефекация немесе парасимпатикалық тамыр реакциясы кезеңінде күшенген кезде ауырумен байланысты бас айналуы және/немесе естен тану байқалған, бұл Бисакодил препаратын қабылдауға жатуы міндетті емес.

Суппозиторийлерді пайдалану аноректальді аймақта әсіресе анальді жарылу мен ойық жаралы проктиті бар пациенттердеауыру сезіміне және жергілікті тітіркенуге әкелуі мүмкін.

Бисакодилді медициналық кеңессіз 10 жасқа дейінгі балаларда пайдалануға болмайды.

Жүктілік

Көп жылдық тәжірибе жүктілік кезеңінде жағымсыз әсерлер болмағанын көрсетті. Дегенмен, Бисакодилді, барлық басқа да дәрілік заттар сияқты жүктілік кезінде сақтықпен тағайындаған жөн. Препаратты қолдану қажет болған жағдайда ана үшін емнің әлеуетті пайдасын және шарана үшін ықтимал қауіпті бағалаған жөн.

Лактация кезеңі

Бисакодилді, барлық басқа да дәрілік заттар сияқты лактация кезеңінде сақтықпен тағайындаған жөн. Препаратты қолдану қажет болған жағдайда ана үшін емнің әлеуетті пайдасын және бала үшін ықтимал қауіпті бағалаған жөн.

Фертильділік

Адамның фертильдігіне әсер етуіне ешқандай зерттеулер жүргізілген жоқ.

Артық дозалануы

Симптомдары: іш өту (диарея), іштің аймағындағы түйілу және сусыздану, су-электролиттік теңгерімнің бұзылуы.

Бисакодил препаратымен, басқа да іш жүргізетін дәрілермен созылмалы артық дозалану созылмалы диареяға, іштің ауыруына, гипокалиемияға, қайталама гиперальдостеронизмге несептас ауруына әкелуі мүмкін.

Сондай-ақ іш жүргізетін дәрілерді созылмалы шектен тыс пайдаланумен байланысты гипокалемияға қайталама болып табылатын бүйректің өзекшелік зақымдану, метаболизмдік алкалоз және бұлшықет әлсіздік жағдайлары сипатталған.

Емі: симптоматикалық. Сіңірілуін құсып немесе асқазанды шаю арқылы азайтуға немесе алдын алуға болады. Сұйықтықты және су-электролиттік теңгерімді қалпына келтіру қажет болуы мүмкін, бұл әсіресе егда жастағы пациенттер мен балалар үшін маңызды. Спазмолитикалық дәрілерді қабылдаудың пайдасы болуы мүмкін.

Шығарылу түрі мен қаптамасы

5 суппозиторийден поливинилхлоридті үлбірден жасалған пішінді ұяшықты қаптамаға салынады. 2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз.

Өндіруші

ЖАҚ «Лекхим-Харьков»

Украина, 61115, Харьков обл., Харьков қ., Северин Потоцкий көшесі, 36-үй

Тіркеу куәлігінің иесі

ЖАҚ «Лекхим-Харьков», Украина

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«L-Фарма» ЖШС

050061, Қазақстан Республикасы, Алматы қ-сы,

Тастақ-1 ы/а, 3-үй

тел.: (727) 374-88-75, факс: 374-88-72, elfarma@rambler.ru

Қалалар