Тауарлардың көрінісі фотосуретте көрсетілгеннен өзгеше болуы мүмкін

Ринза № 10 табл

Қолжетімділігі
Тауар қолда жоқ
Үлгі
8901086180117
Елі
Индия
Өндіруші
Юник
  • Сипаттама

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Ринза®

Халықаралық патенттелмеген атауы

Жоқ

Дәрілік түрі, дозасы

Таблеткалар

Фармакотерапиялық тобы

Жүйке жүйесі. Анальгетиктер. Басқа анальгетиктер антипиретиктер. Анилидтер. Парацетамол, біріктірілімдері, психолептиктерді қоспағанда. АТХ коды N02BE51

Қолданылуы

ЖРВИ және тұмау симптомдарын жою:

  • температураның жоғарылауы ;
  • бас ауыруы;
  • қалтырау;
  • буын мен бұлшықеттің ауыруы;
  • тұмау, мұрынның бітелуі;
  • мұрын қойнауы мен тамақтың ауыруы.
  • артериялық қысымның жоғарылауы, тахикардия.
  • жүрек айну, құсу, эпигастрий тұсының ауыруы, диспепсия, диарея, гепатоуыттыәсері (юауыр функциясының бұзылуы).
  • мидриаз, аккомодация парезі, көзішілік қысымның жоғарылауы.
  • анемия, тромбоцитопения, агранулоцитоз, гемолитикалық анемия, апластикалық анемия, метгемоглобинемия, панцитопения, лейкопения.
  • несептің іркілуі, нефроуыттылық (бүйрек шаншуы, глюкозурия, интерстициальді нефрит, папиллярлы некроз)
  • ауыз қуысы мен мұрын шырышты қабығының құрғауы, фарингит, бронх түйілуі
  • анафилаксиялық реакциялар, аса жоғары сезімталдық.
  • , қышыну, есекжем.
  • ұйқысыздық, үрей сезімі, бас ауыруы.
  • жүрек қағуын сезіну, тахикардия.

Қолданудың басталуына дейін қажетті мәліметтер тізбесі

Қолдануға болмайтын жағдайлар

  • парацетамолға және препараттың құрамына енетін басқа компоненттерге жоғары сезімталдық;
  • моноаминооксидаза (МАО) тежегіштерін, үшциклді антидепресанттарды, бета-адреноблокаторларды бір мезгілде қабылдау, оның ішінде оларды тоқтатқаннан кейін 2 апта бойы;
  • құрамында Ринза® құрамына кіретін заттар бар басқа препараттарды қабылдау;
  • коронарлы артериялардың айқын атеросклерозы;
  • артериялық гипертензия, жүрек ырғағының бұзылуы;
  • қант диабеті;
  • портальді гипертензия;
  • ойық жара ауруы;
  • бауыр жеткіліксіздігі, бүйрек жеткіліксіздігі;
  • жүктілік, лактация кезеңі;
  • 18 жасқа дейінгі балаларға;
  • алкоголизм.

Қолдану кезіндегі қажетті сақтандыру шаралары

Сақтықпен: жүрек патологиясы, қалқанша безінің аурулары, феохромоцитома, бронх демікпесі, өкпенің созылмалы обструктивті ауруы, эмфизема, созылмалы бронхит, глюкоза-6-фосфат дегидрогеназа тапшылығы, гемолиздік анемия, қан аурулары, жедел гепатит, туа біткен гипербилирубинемия (Жильбер, Дубин-Джонсон және Ротор синдромдары), бауыр аурулары, бауыр аурулары, бір мезгілде бауырға теріс әсер етуі мүмкін препараттарды қабылдау (барбитураттар, фенитоин, фенитоин, фенобарбитал, карбамазепин, рифампицин, изониазид, зидовудин және бауырдың микросомальді ферменттерінің басқа индукторлары), пилородуоденальді обструкция, глаукома, эпилепсия, несеп шығару қиындығы және/немесе қуықасты безінің гиперплазиясы, сондай-ақ тағаммен бірге тұтынылатын калория тапшылығы бар адамдар Ринза® препаратын дәрігермен кеңескеннен кейін сақтықпен қолдануға болады.

Емдеу кезінде алкогольді, ұйықтататын және анксиолитикалық (транквилизаторлар) дәрілік заттарды қабылдауды тоқтата тұрған жөн. Құрамында парацетамол бар басқа да дәрілік заттармен, сондай-ақ құрамында кофеин бар препараттар және өнімдермен бірге қабылдамау керек.

Егер препаратты 5 күн қолданғаннан ауру симптомдары нашарласа немесе сақталып қалса, оны қабылдауды тоқтатып, дәрігермен кеңескен жөн.

Препарат ұйқышылдықты туындатуы мүмкін.

Жүрек патологиясы және қалқанша без ауруы бар пациенттер препаратты дәрігердің кеңесінсіз қабылдамауы тиіс.

Препарат құрамында аллергиялық реакция туындатуға қабілетті компоненттер (натрий метилпарагидроксибензоаты және қанқызыл 4R бояғыш (Е124)) бар.

Созылмалы ауруларға байланысты (мысалы, артритпен ауыратын) ауырсынуды басатын препараттарды қабылдайтын пациенттер препаратты қолданар алдында дәрігермен кеңесу керек.

Басқа дәрілік препараттармен өзара әрекеттесуі

Моноаминооксидаза тежегіштерінің, тыныштандырғыш препараттардың, этанолдың әсерлерін күшейтеді.

Дигоксинмен немесе басқа да жүрек гликозидтерімен қабылдағанда аритмия және миокард инфарктісінің даму қаупі артуы мүмкін.

Антидепрессанттар, паркинсон ауруына қарсы дәрілер, психозға қарсы дәрілер, фенотиазин туындылары – несептің кідіру, ауыз ішінің құрғауы, іш қату қаупін арттырады. Глюкокортикостероидтар глаукоманың даму қаупін арттырады. Микросомальді тотығу тежегіштері (циметидин) гепатоуытты әсерінің қаупін төмендетеді. Парацетамоладың сіңу жылдамдығын метоклопрамид және домперидон арттырады, ал колестирамин төмендетеді. Парацетамол урикозуриялық препараттардың тиімділігін төмендетеді. Ринзаны® барбитураттармен, дифенинмен, карбамазепинмен, рифампицинмен және бауырдың микросомальді ферменттерінің басқа индукторларымен бір мезгілде тағайындаған кезде парацетамолдың гепатоуытты әсерінің даму қаупі артады. Варфаринді ұзақ қабылдап жүрген пациенттердің көпшілігінде парацетамолды сирек пайдалану, әдетте, халықаралық қалыптасқан қатынасқа (ХҚҚ) аз немесе мүлдем әсер етпейді. Алайда, ұзақ ұдайы пайдаланғанда парацетамол тікелей емес антикоагулянттардың (варфарин және басқа да кумарин туындыларының) әсерін күшейтеді, бұл қан кету қаупін арттырады.Кофеиннің үлкен дозасын бір мезгілде қабылдау литийдің бүйрекпен шығарылуын арттырады. Кофеин қабылдауды күрт тоқтату қан сарысуында литий концентрациясының артуына әкелуі мүмкін.

Хлорфенирамин моноаминооксидаза тежегіштерімен, фуразолидонмен бір мезгілде гипертониялық кризге, қозуға, гиперпирексияға әкеп соқтыруы мүмкін.

Моноаминооксидаза тежегіштерімен қабылдағанда фенилэфрин артериялық қысымның жоғарылауына әкелуі мүмкін. Фенилэфрин бета-блокаторлар мен гипертензияға қарсы препараттардың әсер ету тиімділігін төмендетеді.

Үшциклді антидепрессанттар фенилэфриннің адреномиметикалық әсерін күшейтеді, галотанды бір мезгілде тағайындау қарыншалық аритмияның даму қаупін арттырады. Гуанетидиннің гипотензиялық әсерін төмендетеді, ол өз кезегінде фенилэфриннің альфа-адренокөтермелегіш белсенділігін күшейтеді.

Арнайы сақтандырулар

Егер дәрілік зат жарамсыз болып қалса немесе жарамдылық мерзімі өтіп кетсе – оны ағын суға немесе далаға лақтырып тастамаңыз! Дәрілік затты пакетке салыңыз да, қоқыс контейнеріне тастаңыз. Бұл шаралар қоршаған ортаны қорғауға көмектеседі!

Педиатрияда қолдану

18 жасқа дейінгі балаларға қолдануға болмайды.

Жүктілік және лактация кезеңінде қолдану

Клиникалық деректердің болмауына байланысты препаратты жүктілік және бала емізу кезеңінде қолдану қауіпсіздігі анықталмаған, сондықтан препаратты пациенттердің бұл санатына қолдануға болмайды.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препарат ұйқышылдықты туындатуы мүмкін. Емдеу кезеңінде және жоғары зейін қою мен психомоторлық реакциялар жылдамдығын қажет ететін қауіптілігі зор басқа да қызмет түрлерімен айналысқандаавтокөлік жүргізуден бас тарту қажет.

Қолдану жөніндегі нұсқаулар

Дозалау режимі

Ересектерге 1 таблеткадан әрбір 4-6 сағат сайын тағайындайды. Ең жоғары бір реттік доза – 1 таблетка, ең жоғары тәуліктік доза – 4 таблетка.

Енгізу әдісі және жолы

Препаратты ас қабылдаудан кейін 1-2 сағаттан соң ішке тағайындайды.

Емдеу ұзақтығы

Емдеу курсы – 5 күннен аспайды.Қысқа уақыт ішінде ең аз тиімді дозаны пайдалану керек.

Артық дозалану жағдайында қабылдау қажет болатын шаралар

Артық дозаланған жағдайда дереу дәрігерге қаралу керек. Қандай болсын белгілер немесе симптомдар байқалмаса да, жылдам медициналық көмек өте маңызды болып табылады.

Кофеин

Жедел артық дозалану симптомдары: абдоминальді ауыру, құсу, бетке қан тебу, қызба, қалтырау, қозу, ұйқысыздық, ашушаңдық, тәбеттің болмауы, әлсіздік, тремор, бұлшықет тонусының жоғарылауы, сананың өзгеру жағдайы, сандырақтау, елестеулер, кейіннен гипотензия болуымен артариялық қысымның жоғарылауы, тахикардия, тахипноэ, диурездің жоғарылауы, гипокалиемия, гипонатриемия, гипергликемия, метаболизмдік ацидоз, құрысулар, миоклония және рабдомиолиз, қарыншаүстілік және қарыншалық аритмия.

Кофеинмен созылмалы уыттану «кофеинизм» симптомдары: күйгелектік, ұйқысыздық, мазасыздық, эмоционалдық құбылу, іштің созылмалы ауыруы.

Хлорфенамин

Симптомдары: ОЖЖ бәсеңдеуі, гипертермия, антихолинергиялық синдром (мидриаз, бетке қан тебу, қызба, ауыздың құрғауы, несептің іркілуі, ішек парезі), тахикардия, гипотензия, гипертензия, жүрек айну, құсу, қозу, бағдарсыздық, елестеулер, психоз, құрысулар, аритмия. Ажитация, құрысулар болатын пациенттерде және комадағы пациенттерде рабдомиолиз және бүйрек жеткіліксіздігі сирек дамиды.

Фенилэфрин

Симптомдары: жүрек айну, құсу, ашушаңдық, қозу, ұйқысыздық, психоз, құрысулар, тремор, бас айналу, бас ауыру, жүректің қағуын сезіну, тахикардия, артериялық қысымның жоғарылауы, рефлекторлық брадикардия.

Парацетамол

Симптомдар 7,5 - 10 г астам қабылдағаннан кейін байқалады: қабылдағанан кейін алғашқы 24 сағ ішінде- тері жабындарының бозаруы, жүрек айну, құсу; анорексия, абдоминальді ауыру; протромбин уақытының ұзаруы, глюкоза метаболизмінің бұзылуы, метаболизмдік ацидоз (оның ішінде лактоацидоз). Бауыр функциясының бұзылу симптомдары артық дозаланудан кейін 12 – 48 сағ соң пайда болуы ықтимал: "бауыр" трансаминазалары белсенділігінің артуы, гепатонекроз. Ауыр жағдайларда – үдемелі энцефалопатиямен бауыр жеткіліксіздігі, кома. Бауыр жеткіліксіздігінің шұғыл дамуы сирек және бүйрек жеткіліксіздігімен (тубулярлық некроз) асқынуы мүмкін.

Артық дозалану шегі егде жастағы пациенттер мен балаларда, белгілі бір дәрілерді, алкогольді қабылдаған пациенттерде (мысалы, бауыр микросомальді ферменттерінің индукторлары) немесе әлсіреуден зардап шегуде төмендеуі мүмкін.

Артық дозалану белгілері мыналарды қамтуы мүмкін: белдің айқын ауыруымен қатар жүретін жедел тубулярлы некрозы бар жедел бүйрек жеткіліксіздігін, гематурия және протеинурия, мидың ісінуі және өлім. Жүрек ырғағының бұзылуы және панкреатит туралы хабарланды.

Артық дозалану бауырдың ауыр зақымдануы болмаған кезде дамуы мүмкін.

Парацетамолдың артық дозалану қаупі глутатион жеткіліксіздігі жағдайында жоғарылауы мүмкін - мысалы, тамақтанудың бұзылуы, кистоздық фиброз, АИТВ инфекциясы, ашығу, кахексия.

Емі: асқазанды шаю, артық дозаланудан кейін алғашқы 6 сағатта белсендірілген көмір тағайындау, артық дозаланудан кейін 8-9 сағ кейін SH-топтары донаторлары менглутатион-метионин синтезі ізашарларын және 12 сағаттан кейін ацетилцистеин енгізу. Қосымша емдік іс-шаралар жүргізудің қажеттілігі (метионин мен ацетилцистеинді одан әрі енгізу) қандағы парацетамол концентрациясымен, сондай-ақ оны қабылдағаннан кейін өткен уақытпен анықталады. Симптоматикалық ем. Қан түзу жүйесі тарапынан: глюкоза-6-фосфатдегидрогеназа тапшылығы бар адамдарда парацетамолмен артық дозалану гемолиздік анемия туындатуы мүмкін.

Дәрілік препараттың бір немесе бірнеше дозасын өткізіп алған кезде қажетті шаралар

Қолданылмайды.

Тоқтату симптомдары қаупінің болуын көрсету

Қолданылмайды.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Дәрілік затты қолдану бойынша қосымша сұрақтар туындаған жағдайда кеңес алу үшін медицина қызметкеріне хабарласыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда (қажет болғанда) қабылдаукерек шаралар

Аллергиялық реакциялар.

- тері бөртпесі, қышыну, есекжем, ангионевроздық ісіну, анафилаксиялық шок.

Жүйке жүйесі тарапынан.

- бас ауыруы, ұйықтап кетудің бұзылуы, жоғары қозғыштық, бас айналуы, мазасыздық, сананың шатасуы, қозу, қатты қажу, елестеулер, истерия, ұйқысыздық, невроз, неврит, тремор, әлсіздік

Жүрек-қантамыр жүйесі тарапынан.

Ас қорыту жүйесі тарапынан.

Сезім мүшелері тарапынан.

Қан түзу ағзалары тарапынан.

Несеп шығару жүйесі тарапынан.

Басқалары.

Күрделі тері реакциялары

Өте сирек

- жедел жайылған экзантематозды пустулез (ЖЖЭП). Іріңді бөртулер дамуымен жедел жағдай. Күйдіру мен қышыну қатар жүретін қызбамен және диффузды эритемамен сипатталады. Бет, қол және шырышты қабықтың ісінуін туындатуы мүмкін

- Стивенс - Джонсон синдромы (СДС) (қатерлі экссудативті эритема).Ауыз қуысы, тамақ, көз, жыныс мүшелерінің шырышты қабығында, тері мен шырышты қабықтың басқа да бөліктерінде көпіршіктер туындайтын көп формалы эритеманың ауыр түрі

- уытты эпидермалық некролиз (УЭН, Лайелл синдромы). Синдромкератиноциттердің ауқымды апоптозының салдары болып табылады, бұл дермоэпидермалық бірігетін жердегі ауқымды тері бөліктерінің ажырауына әкеледі. Зақымданған тері қайнаған сумен жидіткендей түрде болады.

Дәрілік препаратты тіркеуден кейін қолданған кезде айқындалған жағымсыз реакциялар былайша жіктелген:

Өте жиі ≥1/10

Жиі≥1/100 және <1/10

Жиіемес ≥1/1000 және <1/100

Сирек ≥1/10000 және <1/1000)

Өте сирек <1/10000

Жиілігі анықталмаған жекелеген хабарламалар (туындау жиілігін қолда бар деректер негізінде бағалау мүмкін емес).

Иммун жүйесі тарапынан.

Өте сирек.

Аллергиялық реакциялар.

Өте сирек

Жүйке жүйесі тарапынан.

Өте сирек

Жүрек-қантамыр жүйесі тарапынан.

Өте сирек

Ас қорыту жүйесі тарапынан.

Өте сирек

- абдоминальді ауыру, диарея, құсу, трансаминазалар деңгейінің жоғарылауы*.

* парацетамолды нұсқаулықта көрсетілген дозаларда қолданатын пациенттерде трансаминазалар деңгейінің аздап көтерілуі байқалуы мүмкін; мұндай көтерілу бауыр жеткіліксіздігімен қатар жүреді және емдеуді жалғастырумен немесе парацетамол қабылдауды тоқтатумен рұқсат етіледі.

Егер Сіз жоғарыда сипатталған жағымсыз әсерлердің бірін байқасаңыз, препарат қабылдауды тоқтатып, дереу дәрігерге қаралу керек!

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді заттар:

парацетамол

500 мг

сусыз кофеин

30 мг

фенилэфрин гидрохлориді

10 мг

хлорфенирамин малеаты

2 мг,

қосымша заттар: сусыз коллоидты кремнийдің қостотығы, қанқызыл 4R бояғыш (Е124), жүгері крахмалы, повидон (К-30), натрий метилпарагидроксибензоаты, магний стеараты, тазартылған тальк, натрий крахмал гликоляты, тазартылған су.

Сыртқы түрінің сипаттамасы

Дөңгелек, қабықсыз қызғылт түсті жалпақ, қою-қызғылт және ақ теңбілдері, жиегі кертілген және бір жақ бетінде бөлетін сызығы бар таблеткалар.

Шығарылу түрі және қаптамасы

10 таблеткадан поливинилхлоридті үлбірден және баспалы алюминий фольгадан жасалған пішінді ұяшықты қаптамаға салынған.

1 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Сақтау шарттары

25 °С -ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«Юник Фармасьютикал Лабораториз» («Дж.Б. Кемикалс энд Фармасьютикалс Лтд.» фирмасының бөлімшесі), Үндістан

НиламСентер, «Б» қанаты, 4 этаж, Хинд Сайкл Роуд, Ворли, Мумбай – 400 030, Үндістан

Тел.: +91 22 2439 5200/2439 5500/ Факс: + 91 22 2431 5331/2431 5334

электронды пошта: info@jbcpl.com

Тіркеу куәлігінің ұстаушысы

«Джонсон & Джонсон» ЖШҚ, Ресей

121614, Ресей, Мәскеу қ., Крылатская к-сі, 17, 2 корпус

Тел.: +7 495 726 55 55/Факс: +7 495 580 90 29

электронды пошта: conreception@its.jnj.com

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Джонсон & Джонсон» ЖШҚ Қазақстан Республикасындағы филиалы

050040, Қазақстан Республикасы, Алматы қ., Тимирязев к-сі 42, 23-А павильоны

тел./факс: +7 (727) 356-88 -11; +7 (727) 356-88-19

электронды пошта: safetyru@its.jnj.com